တရုတ်မှ အမေရိကန်အပေါ် ဆိုက်ဘာတိုက်ခိုက်မှု သိသိသာသာလျော့ကျ

ဇွန် ၂၁၊ ၂၀၁၆
M-Media

– တရုတ်ကုမ္ပဏီများ ကမ္ဘာ့ဈေးကွက်တွင် ယှဉ်ပြိုင်နိုင်ရေးအတွက် အမေရိကန်ကုန်သွယ်ရေး လျှို့ဝှက်ချက်များကို ဖောက်ထွင်းရယူမှုတွင် အကူအညီပေးနေခြင်းကို ရပ်တန့်ရန် စက်တင်ဘာတွင် ပေးခဲ့သည့် ကတိက၀တ်ကို တရုတ်အစိုးရက လိုက်နာသည့်ပုံရှိနေသည်ဟု အမေရိကန်အစိုးရ တာဝန်ရှိသူများက ယမန်နေ့တွင် ပြောကြားလိုက်သည်။

တရုတ်နိုင်ငံ၏ ဆိုက်ဘာတိုက်ခိုက်မှုများကို တိုက်ဖျက်ရာတွင် လူသိများသည့် အမေရိကန် Network လုံခြုံရေးကုမ္ပဏီဖြစ်သော FireEye Inc က ယမန်နေ့တွင် ထုတ်ပြန်သော အစီရင်ခံစာ၌ တရုတ်နိုင်ငံရှိ အဖွဲ့များ၏ ဆိုက်ဘာတိုက်ခိုက်မှုမှာ လွန်ခဲ့သည့် ၂ နှစ်အတွင်း ၉၀ ရာခိုင်နှုန်းအထိ ကျဆင်းခဲ့ပြီး ပြီးခဲ့သည့်နှစ် ၂ နှစ်နိုင်ငံ အပြန်အလှန် သဘောတူညီချက် ရယူပြီးနောက်ပိုင်း သိသိသာသာ လျော့ကျခဲ့ခြင်းဖြစ်သည်ဟု ဖော်ပြထားသည်။

အမေရိကန်၏ စီးပွားရေး လျှို့ဝှက်ချက်များကို ဖောက်ထွင်းရယူမှုတွင် တရုတ်ပြည်သူ့လွတ်မြောက်ရေးတပ်မတော်မှ အထူးအဖွဲ့တစ်ခု ပါဝင်သည်ဟု FireEye Inc ကုမ္ပဏီ၏ Mandiant အဖွဲ့က ၂၀၁၃ ခုနှစ်က ပြစ်တင်ပြောဆိုခဲ့သည်။

ထိုအဖွဲ့ကို ဦးဆောင်ဖွဲ့စည်းခဲ့ပြီး ကုမ္ပဏီ အမှုဆောင်အကြီးအကဲရာထူးကို ပြီးခဲ့သည့် သီတင်းပတ်က ရယူခဲ့သည့် ကီဗင် မန်ဒီယာကမူ တရုတ်နိုင်ငံ၏ ဆိုက်ဘာတိုက်ခိုက်မှု ထိုကဲ့သို့ လျော့ကျရာတွင် ၂၀၁၃ ခုနှစ်က ၎င်းတို့ထုတ်ပြန်ခဲ့သည့် အစီရင်ခံစာကြောင့် တရုတ်နိုင်ငံမှာ အရှက်ရသွားခြင်း၊ တရုတ်ပြည်သူ့လွတ်မြောက်ရေးတပ်မတော်မှ အရာရှိ ၃ ဦးအား တရားစွဲဆိုခြင်းတို့အပါအ၀င် အခြားသော အကြောင်းအရင်း အများအပြားကြောင့် ဖြစ်နိုင်သည်ဟု ပြောကြားခဲ့သည်။

တရုတ်နိုင်ငံ၏ ဆိုက်ဘာတိုက်ခိုက်မှုဒဏ်ကို ခံစားခဲ့ရသည့် အမေရိကန်ကုမ္ပဏီများတွင် U.S. Steel၊ Alcoa Inc နှင့် Westinghouse Electric တို့ ပါဝင်သည်။

တရုတ်နိုင်ငံမှ ပြုလုပ်သည့် ဆိုက်ဘာတိုက်ခိုက်မှုများကို တားမြစ်ရေး အမေရိကန်နှင့် တရုတ်တို့ စက်တင်ဘာ သဘောတူညီမှု မတိုင်ခင် အမေရိကန်က မိမိတို့မှာ တရုတ်အာဏာပိုင်များနှင့် ကုမ္ပဏီများကို ပိတ်ဆို့မှုများ ပြုလုပ်မည်ဟု ခြိမ်းခြောက်ခဲ့သည်။

Ref: Channlenewsasia