မြန်မာဒုက္ခသည်အရေအတွက် ကမ္ဘာ့ အဌမအများဆုံး ဖြစ်နေ

ဇွန် ၂၁၊ ၂၀၁၆
M-Media

ထိုင်းနိုင်ငံရှိ ဒုက္ခသည်စခန်းတစ်ခုမှ ကရင်ဒုက္ခသည်အချို့

– မြန်မာနိုင်ငံသားများထဲမှ အိုးအိမ်စွန့်ခွာထွက်ပြေးနေရသူ အရေအတွက်မှာ ပြီးခဲ့သည့် ၂၀၁၅ ခုနှစ် နှစ်ကုန်အထိ ၁ သန်းနီးပါး ရှိနေကာ ကမ္ဘာ့အဌမအများဆုံး ဒုက္ခသည်အုပ်စုဖြစ်သည်ဟု ယမန်နေ့က ထုတ်ပြန်ခဲ့သည့် ကုလ၏ အစီရင်ခံစာတွင် ဖော်ပြထားသည်။

Global Trends Forced Displacement in 2015 အစီရင်ခံစာဖြစ်ပြီး မြန်မာနိုင်ငံအား စွန့်ခွာထွက်ပြေးခဲ့ရသည့် လူပေါင်း ၄၅၁၀၀၀ မှာ အိုးအိမ်အတည်တကျမရှိဘဲ နောက်ထပ် ၄၅၁၀၀၀ မှာ နိုင်ငံအတွင်း ရွှေ့ပြောင်းနေထိုင်နေရသည်ဟု ဆိုသည်။ ယခုနှစ်အစပိုင်းက ထုတ်ပြန်သော ကုလ၏ အစီရင်ခံစာတွင်မူ ရှမ်းပြည်နယ်မြောက်ပိုင်းတွင် ဖြစ်ပွားသည့် တိုက်ခိုက်မှုများကြောင့် လူထောင်ပေါင်းများစွာ ထွက်ပြေးခဲ့ရသည်ဟု ဖော်ပြထားသည်။

သို့သော်လည်း မြန်မာနိုင်ငံမှ ဒုက္ခသည်များမှာ ၂၀၁၅ ခုနှစ်အတွင်း ကမ္ဘာ့အခြားသောဒေသများမှာ ဒုက္ခသည်များထက် ပို၍ တတိယနိုင်ငံများတွင် အခြေချနိုင်ခဲ့သည်ဟုလည်း ကုလ၏ ယမန်နေ့အစီရင်ခံစာအရ သိရသည်။

ပြီးခဲသည့်နှစ်အတွင်း ကမ္ဘာတစ်ဝှမ်း အခြေချနိုင်ခဲ့သည့် မြန်မာဒုက္ခသည်အရေအတွက်မှာ ၁၉၅၀၀ ရှိခဲ့ပြီး မလေးရှားနိုင်ငံက အများစုကို လက်ခံခဲ့ကာ တောင်ကိုရီးယား၊ အမေရိကန်၊ သြစတေးလျနှင့် အခြားနိုင်ငံများကလည်း အသီးသီး လက်ခံခဲ့ကြသည်။

မြန်မာဒုက္ခသည်အများမှာ အိမ်နီးချင်းနိုင်ငံများဖြစ်သည့် ထိုင်း၊ အိန္ဒိယ၊ မလေးရှားနှင့် ဘင်္ဂလားဒေ့ရ်ှနိုင်ငံများတွင် ခိုလှုံနေရသည်။

အာရှပစိဖိတ်ဒေသအတွင်း အိုးအိမ်စွန့်ခွာ ထွက်ပြေးရသူများတွင် ပြီးခဲ့သည့်နှစ်အထိ အရေအတွက် အများဆုံးမှာ အာဖဂန်နစ္စတန်ဖြစ်ပြီး ၂.၇ သန်းရှိသည်။

Ref: mmtimes