အာဏာရှိစဉ် ရမ်းကားခဲ့သော ကွန်ဂိုဒုသမ္မတဟောင်းကို ICC က ထောင် ၁၈ နှစ်ချ

ဇွန် ၂၂၊ ၂၀၁၆
M-Media

– လွန်ခဲ့တဲ့ ၁၀ စုနှစ်တစ်ခုကျော်အရင်က ဗဟိုအာဖရိကနိုင်ငံမှာ ကျူးလွန်ခဲ့တဲ့ ကွန်ဂိုတပ်ဖွဲ့တွေရဲ့ လူသတ်မှု၊ မုဒိမ်းမှုနဲ့ လုယက်မှုတွေအတွက် ကွန်ဂိုဒုတိယသမ္မတဟောင်း ဂျီယန် ပီယာရီ ဘမ်ဘာကို နိုင်ငံတကာ ရာဇ၀တ်ခုံရုံးက ထောင်ဒဏ် ၁၈ နှစ် ချမှတ်လိုက်ပါတယ်။

ယမန်နေ့က ချမှတ်လိုက်တာဖြစ်ပြီး ဘမ်ဘာဟာ စစ်သား ၁၅၀၀ ပါဝင်တဲ့ သူ့ရဲ့ကိုယ်ပိုင်စစ်တပ်ကို အိမ်နီးချင်း ဗဟိုအာဖရိကသမ္မတနိုင်ငံ ပြည်တွင်းစစ်ဖြစ်နေချိန်မှာ ကျူးကျော်ဝင်ရောက်ရန် ခိုင်းစေခဲ့ပြီး ၎င်းစစ်သားများရဲ့ လုပ်ရပ်တွေအပေါ် အရေးယူခဲ့ခြင်းဖြစ်တယ်လို့ တရားသူကြီးတွေက ဆိုပါတယ်။

“ရုံးတော်ကနေ မစ္စတာ ဂျီယန် ပီယာရီ ဘမ်ဘာ ကွမ်ဘိုကို စုစုပေါင်းထောင်ဒဏ် ၁၈ နှစ်ထိ ပြစ်ဒဏ်ချမှတ်လိုက်ပါတယ်” လို့ တရားသူကြီး ဆေလ်ဗီးယာ စတိုင်နာက ပြောကြားခဲ့ပါတယ်။ စစ်အာဏာရှင်ဟောင်း ဘမ်ဘာဟာ ၂၀၀၂ အောက်တိုဘာလက သူ့ရဲ့ခါးပိုက်ဆောင်တပ်ဖွဲ့ကို CAR သို့စေလွှတ်ပြီး အဲဒီတပ်ဖွဲ့တွေရဲ့ မုဒိန်းမှု၊ လူသတ်မှုတွေနဲ့ ပစ္စည်းလုဓားပြတိုက်မှုတွေအပေါ် အရေးယူဖို့ပျက်ကွက်ခဲ့တယ်လို့လည်း တရားသူကြီးက ထပ်လောင်း ပြောကြားခဲ့ပါတယ်။

ဘမ်ဘာကို တရားစွဲဆိုခဲ့တဲ့ အဖြစ်အပျက်ဟာ ၂၀၀၂ ခုနှစ် ICC အဖွဲ့စည်းပြီးနောက်ပိုင်း မုဒိမ်းမှုကို စစ်ပွဲရဲ့လက်နက်တစ်ခုအဖြစ် အသုံးပြုမှုနဲ့ပတ်သက်လို့ ပထမဆုံး အဓိကထား စစ်ဆေးတဲ့အမှုဖြစ်ပြီး အမြင့်ဆုံးပြစ်ဒဏ်ဖြစ်တဲ့ ထောင်ဒဏ် ၂၅ နှစ်ချမှတ်ဖို့ ရှေ့နေတွေက တောင်းဆိုခဲ့ပါတယ်။

ဘမ်ဘာကို မတ်လက လူသားမျိုးနွယ်အပေါ်ကျူးလွန်တဲ့ရာဇ၀တ်မှု နှစ်မှု၊ စစ်ရာဇ၀တ်မှုသုံးမှုတို့အတွက် အပြစ်ရှိကြောင်း ဆုံးဖြတ်ခဲ့ပါတယ်။

Ref : Aljazeera