ထိုင်းရောက် မြန်မာအားလုံးကို ပြန်လာစေချင်သည်ဟု ဒေါ်အောင်ဆန်းစုကြည်ပြော

ဇွန် ၂၅၊ ၂၀၁၆
M-Media

– မိမိတို့တိုင်းပြည်မှ ရွှေ့ပြောင်းထွက်ခွာသွားရသည့် ပြည်သူများအား တိုင်းပြည်သို့ ပြန်လာစေချင်ပြီး ၎င်းတို့ ကျေနပ်လောက်သည့် အခြေအနေမျိုးဖြစ်လာစေရန်လည်း လုပ်ဆောင်ရမည့်ကိစ္စ အများအပြားရှိနေသည်ဟု နိုင်ငံတော်၏ အတိုင်ပင်ခံပုဂ္ဂိုလ် နိုင်ငံခြားရေးဝန်ကြီး ဒေါ်အောင်ဆန်းစုကြည်က ပြောကြားလိုက်သည်။

ထိုင်းနိုင်ငံသို့ ရောက်ရှိနေသည့် ဒေါ်အောင်ဆန်းစုကြည်က ယမန်နေ့ ထိုင်းဝန်ကြီးချုပ်နှင့်အတူ မီဒီယာများနှင့် တွေ့ဆုံစဉ်အတွင်း ထိုကဲ့သို့ ပြောကြားလိုက်ခြင်းဖြစ်ပြီး နှစ်နိုင်ငံ အလုပ်သမားရေးကိစ္စ ပူးပေါင်းဆောင်ရွက်ရေး၊ နယ်စပ်ဖြတ်ကျော်ရေးနှင့် အလုပ်သမားရေးရာ သဘောတူညီချက်များ၊ နားလည်မှုစာချွန်လွှာများကိုလည်း ထိုင်းအစိုးရအိမ်တော်တွင် လက်မှတ်ရေးထိုးခဲ့ကြသည်။

“တကယ်တော့ ကျွန်မတို့လိုချင်တာက ကျွန်မတို့နိုင်ငံကို စွန့်ခွာခဲ့ရတဲ့ ပြည်သူအားလုံး ပြန်လာစေချင်တာပါပဲ။ နောက်ထပ် ဘယ်ထော့မှ ထွက်မသွားချင်တဲ့ အခြေအနေမျိုးမှာ ပြန်လာစေချင်တာပါ။ ဒီအတွက် လုပ်ဆောင်ရမှာတွေ အများကြီးရှိပါတယ်။ ‘ပြန်လာခဲ့ကြပါ’ လို့ ပြောယုံနဲ့ မလုံလောက်ပါဘူး။ သူတို့တွေမှာ ပြန်လာနိုင်ဖို့ အိမ်ရှိရမယ်။ သူတို့ကို စောင့်ရှောက်ပေးမယ့် ဆေးရုံတွေရှိရမယ်။ သူတို့အတွက် အရေးအကြီးဆုံး လိုအပ်ချက်ကတော့ အလုပ်အကိုင်ပါပဲ” ဟု ဒေါ်အောင်ဆန်းစုကြည်က ပြောကြားခဲ့သည်။

ထို့ပြင် မိမိတို့ပြည်သူများမှာ သူတစ်ပါး၏ ပေးကမ်းမှုများကို မလိုချင်ဟု သူမက ထပ်လောင်းပြောကြားခဲ့သည်။

“မြန်မာပြည်မှာ ဘယ်နေရာပဲကြည့်ကြည့် ပြည်သူတွေက သူတို့မှာ အလုပ်လိုအပ်နေတဲ့အကြောင်းပဲ ပြောနေတာကို ကျွန်မတွေ့ရပါတယ်။ ကျွန်မက “ဘာအလိုအပ်ဆုံးလဲ” လို့မေးရင်လည်း “အလုပ်” လို့ ပြန်ဖြေကြပါတယ်။ ကျွန်မတို့ပြည်သူတွေက အလုပ်လိုချင်တာပါ။ အလုပ် လိုအပ်နေတာပါ။ သူတို့က သူများပေးစာကမ်းစာကို မလိုချင်ပါဘူး”

ထိုင်းနိုင်ငံသို့ ၃ ရက်ကြာ အလည်အပတ်ရောက်ရှိနေသည့် နိုင်ငံတော်၏ အတိုင်ပင်ခံပုဂ္ဂိုလ်မှာ မြန်မာအလုပ်သမားများနှင့်လည်း ကြာသာပတေးနေ့က တွေ့ဆုံခဲ့ပြီး မြန်မာဒုက္ခသည်စခန်းများသို့ သွားရောက်ရန် အစီအစဉ်ကိုမူ ရာသီဥတုမကောင်းမှုကြောင့် ဖျက်သိမ်းခဲ့ရသည်။

Ref: yangon.coconut