ဒုက္ခသည်ကလေးများ ပညာရေးအတွက် ဒူဘိုင်းရှိ လေလံပွဲတွင် ဒေါ်လာ ၁၁ သန်းကျာ် ရရှိ

ဇွန် ၂၆၊ ၂၀၁၆
M-Media

– ဒုက္ခသည်ကလေးငယ်များအတွက် စာအုပ်စာပေများ ၀ယ်ယူပံ့ပိုးပေးနိုင်ရေး ဒူဘိုင်းမှာ ပြုလုပ်ခဲ့တဲ့ လေလံတင်ပွဲတစ်ခုမှာ ကအ်ဘာကျောင်းတော်ကို လွှမ်းခြုံခဲ့တဲ့ နှစ်ပေါင်း ၁၀၀ သက်တမ်းရှိ ကတ္တီပါရုံလွှာကို ရောင်းချရမှုအပါအ၀င် ကန်ဒေါ်လာ ၁၁ သန်းကျော် ရရှိခဲ့တယ်လို့ သိရပါတယ်။

ရွှေချည်၊ ငွေချည်နဲ့ ရက်လုပ်ထားတဲ့ အဲဒီကတ္တီပါရုံလွှာဟာ ဒူဘိုင်းအုပ်ချုပ်ရေးမျူး ရှိခ် မိုဟာမက် ဘင် ရာရှစ် အလ် မခ်တွန်ရဲ့ ကိုယ်ပိုင်စုဆောင်းထားမှုထဲက တစ်ခုဖြစ်ပြီး အင်္ဂါနေ့က ပြုလုပ်ခဲ့တဲ့ လေလံပွဲမှာ ဒေါ်လာ ၅၇၂၀၀၀ နဲ့ ရောင်းချနိုင်ခဲ့တာဖြစ်ပါတယ်။

၁၉ ရာစုအစောပိုင်းက အိန္ဒိယန်-မွန်ဂို လက်ရေးမူ ကုရ်အာန်ကျမ်းတစ်အုပ်နဲ့ ၁၇ ရာစုက ကုရ်အာန်လက်ရေးမူ တစ်အုပ်တို့ကိုလည်း ဒေါ်လာ ၆၈၀၀၀ စီနဲ့ ရောင်းချနိုင်ခဲ့ပါတယ်။ ဒူဘိုင်းက ထူးခြားတဲ့ ကားနံပါတ်ပြားဟောင်း ၅ ခုကိုတော့ စုစုပေါင်း ဒေါ်လာ ၇ သန်းနဲ့ လေလံတင်နိုင်ခဲ့ပါတယ်။

အဲဒီ လေလံတင်ရောင်းချရမှုက ရရှိခဲ့တဲ့ ငွေကြေးတွေကို ဒူဘိုင်းရဲ့ ပရဟိတလှုပ်ရှားမှုတစ်ခုဖြစ်တဲ့ Reading Nation Ramadan မှာ သုံးစွဲသွားမှာဖြစ်ပါတယ်။ ဒီလှုပ်ရှားမှုဟာ အာရပ်နိုင်ငံတွေနဲ့ ဒုက္ခသည်စခန်းတွေမှာ စာအုပ်ပေါင်း ၇.၃ သန်း လှူဒါန်းဖို့နဲ့ စာသင်ကျောင်း ၂၀၀၀ ဆောက်လုပ်ပေးသွားဖို့ ရည်ရွယ်တဲ့ လှုပ်ရှားမှုဖြစ်ပါတယ်။

Ref : IINA