အက်ဆွာဗလီကို အစ္စရေးက ၀င်ရောက်စီးနင်း ရမ်းကားပြန်

ဇွန် ၂၇၊ ၂၀၁၆
M-Media

– အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်း ဂျေရုဆလင်မြို့မှာရှိတဲ့ အလ်အက်ဆွာဗလီဝတ်ကျောင်းတော်ကို မနေ့မနက်ပိုင်းမှာ အစ္စရေးတပ်ဖွဲ့တွေနဲ့ တရားမ၀င် ဂျူးအခြေချနေထိုင်သူတွေက ၀င်ရောက်စီးနင်းခဲ့ကြပြီး ပါလက်စတိုင်း ဘုရားဝတ်ပြုသူတွေနဲ့ ထိပ်တိုက်တွေ့ဆုံခဲ့ကြတယ်လို့ သိရပါတယ်။

နံနက်အာရုဏ်တက် ဘုရားဝတ်ပြုမှု ပြုလုပ်နေစဉ်အတွင်းမှာ အခုလို ၀င်ရောက်စီးနင်းခဲ့ကြတာဖြစ်ပြီး ပါလက်စတိုင်း ပြည်သူတွေကလည်း ပြန်လည်ခုခံခဲ့ပါတယ်။ အဲဒီ ရုန်းရင်းဆန်ခတ်ဖြစ်မှုအတွင်း အစ္စရေးစစ်တပ်က သေနတ်တွေနဲ့ ပစ်ခတ်ခဲ့တာကြောင့် ပါလက်စတိုင်းပြည်သူ တော်တော်များများ ဒဏ်ရာရရှိခဲ့ပြီး အနည်းဆုံး ၄ ဦးလောက် ဖမ်းဆီးခံခဲ့ရပါတယ်။

ပါလက်စတိုင်းအကျဉ်းသားများလေ့လာရေးအဖွဲ့ (PPCS) က အခုနှစ် ရမ်ဇာန်ဥပုသ်လစတင်တဲ့ ဇွန်လ ၆ ရက်လောက်ကတည်းက အခုထိ အစ္စရေးစစ်တပ်က ဖမ်းဆီးထားတဲ့ ပါလက်စတိုင်းပြည်သူ အနည်းဆုံး ၃၃၀ ခန့်ရှိနေကာ အဲဒီအထဲမှာ အမျိုးသမီးတွေ၊ ကလေးတွေ၊ သက်ကြီးရွယ်အိုတွေ၊ ကျန်းမာရေးမကောင်းသူတွေ၊ အရင်ဖမ်းဆီးခံခဲ့ရဖူးသူတွေလည်း ပါဝင်တယ်လို့ ထုတ်ပြန်ခဲ့ပါတယ်။

နောက်ပြီး အဲဒီဖမ်းဆီးထားမှုအတွင်းမှာ အသက် ၁၀ နှစ်အရွယ် ကလေးငယ်တစ်ဦး အပါအ၀င် ကလေးငယ် ၆၀ ကျော်လောက် ပါဝင်တယ်လို့လည်း PPCS ရဲ့ ပြောရေးဆိုခွင့်ရှိသူ ရီယာ့ဒ် အလ်-အက်ရ်ှကာရ်က ပြောကြားခဲ့ပါတယ်။

အစ္စရေးစစ်တပ်နဲ့ ပါလက်စတိုင်းပိုင်နက်တွေမှာ ရှိနေတဲ့ ဂျူးအခြေချနေထိုင်သူတွေဟာ ၂၀၁၅ ခုနှစ် သြဂုတ်လမှာလည်း အလ်အက်ဆွာ ဗလီဝတ်ကျောင်းတော်ကို အဲဒီလို ၀င်ရောက်စီးနင်းခဲ့ပြီး အဒီနောက်ပိုင်း ပါလက်စတိုင်းနဲ့ အစ္စရေးအကြား တင်းမာမှုတွေက မြင့်တက်လာခဲ့ပါတယ်။

Ref : Presstv