စစ်ကိုင်းမြို့မဗလီမှာ ပြုလုပ်တဲ့ ဘာသာပေါင်းစုံ စုပေါင်းဝါဖြေပွဲနှင့် ဗလီဝတ်ကျောင်းလေ့လာရေး အစီအစဉ်

ဇွန် ၂၇ ၊ ၂၀၁၆
M-Media
သတင်း- သီဟ
.
စစ်ကိုင်းမြို့မင်းလမ်းရပ် မြို့မဗလီဝတ်ကျောင်းတော်နှင့် CDNH တို့ ပူးပေါင်းကျင်းပြုလုပ်သော ဘာသာပေါင်းစုံ စုပေါင်း ဝါဖြေပွဲ အခမ်းအနား တရပ်ကို ယမန်နေ့ ဇွန်လ ၂၆ ရက်နေ့ ညနေ ၅ နာရီမှာ အဆိုပါ မြို့မဗလီဝတ်ကျောင်းတော်၌ ကျင်းပပြုလုပ်ခဲ့ကြောင်း သိရပါတယ်။
.
တက်ရောက်လာတဲ့ ဘာသာပေါင်းစုံမှာ ဧည်သည်တော်များဟာ မွတ်စလင်မ် တွေရဲ့ ဥပုသ်ထွက် ဝါဖြေပွဲ မပြုလုပ်ခင် ဗလီအတွင်းသို့ ဝင်ရောက်လေ့လာခဲ့ကြပြီး အစ္စလာမ်ဘာသာဝင်တွေရဲ့ ဝတ်ပြုပုံကို လေ့လာခဲ့ကြပြီး စစ်ကိုင်းမြို့မ ဗလီမှ ရှေ့ဆောင်ဆရာ ဦးစိုးနေဦးမှ အသေးစိတ်ရှင်းပြခဲ့ကြောင်း သိရပါတယ်။
.
အဲဒီနောက်တက်ရောက်လာတဲ့ ဘာသာပေါင်းစုံမှ ကိုယ်စားလှယ်များမှ အသီးသီးအမှာစကားပြောကြခဲ့ကြပြီး အစ္စလာမ်ဘာသာဝင်များ ဥပုသ်ထွက်ချိန် ၌ အတူတကွ ဝါဖြေခဲ့ကြပါတယ်။
.
“စစ်ကိုင်းမြို့မှာ ဘာသာပေါင်းစုံ တွေ့ဆုံပွဲတွေကို ဗလီမှာပထမဆုံး ကျင်းပတာဖြစ်လို့ တက်ရောက်လာသူတွေ တော်တော်လေး သဘောကျကြပါတယ်။ ဗလီတွေကို လေ့လာဖို့ စိတ်အားထက်သန်သူတွေ တော်တော်များပါတယ်။ ကျနော်တို့ ရည်ရွယ်ချက်ကလည်း ဗလီတွေအပေါ်မှာ ရှိတဲ့ သံသယ ဖြစ်နေမှုတွေ ပပျောက်သွားအောင်ပါ။”  စစ်ကိုင်းမြို့မှ ဗလီရှေ့ဆောင်ဆရာ ဦးစိုးနေဦးက M-Media ကိုရှင်းပြခဲ့တာပါ။
.
“ကျနော်အဖွဲ့က လူငယ်တွေထဲမှာ ဗလီဆိုတာ တခါမှ မလေ့လာဘူးသူတွေရှိပါတယ်။ ဒီကနေ့ ပွဲမှာ လာရောက်ပြီးလေ့လာရတဲ့ အတွက် တချို့ အမြင်တွေပြောင်းလဲလာ တွေရှိပါတယ်။ အစီအစဉ် ပြုလုပ်တဲ့သူတွေကလည်း ဖော်ဖော်ရွေရွေနဲ့ ဧည့်ခံပြီး ရှင်းပြတဲ့အတွက် အထူးပဲ ကျေနပ်မိပါတယ် ” လိုပြောလာသူက ငြိမ်းချမ်းရေးနှင့် ဒီမိုကရေစီ အဖွဲ့ (စစ်ကိုင်း) မှ ကိုနေမင်းပါ။

စစ်ကိုင်းမြို့မ ဗလီမှာ ပထမအဆုံး အကြိမ်အဖြစ် ပြုလုပ်တာဖြစ်ပြီး မြဝတီမင်းကြီးကျောင်းတိုက်ဆရာတော် နှင့် ဆရာတော်သံဃာတော်များ၊ စစ်ကိုင်းမြို့ရှိ ခရစ်ယာန်အဖွဲ့အစည်းမှ ဘုန်းတော်ကြီးများ၊ဟိန္ဒူဘာသာမှ ဘာသာရေးခေါင်းဆောင်များ၊ အမျိုးသားဒီမိုကရေစီ အဖွဲ့ချူပ်မှ အမျိုးသား လွှတ်တော်အမတ် ဦးကျော်သောင်း ဘာသာပေါင်းစုံ လူမှုအဖွဲ့အစည်းများမှာ ၂၅၀ ခန့် တက်ရောက်ခဲ့ကြကြောင်း သိရှိရပါတယ်။

ဓါတ်ပုံ- ကိုစိုးနေဦး၊ ဒေါ်အမာနီ၊ ကိုဟယ်ရီတို့၏ FB စာမျက်နှာမှ ၇ယူဖော်ပြပါသည်။