စပိန်နှင့်ကပ်နေသည့် ဂျီဘရောလ်တာသို့ ဗြိတိန်က ရေငုပ်သင်္ဘောစေလွှတ်

ဇွန် ၂၈၊ ၂၀၁၆
M-Media

– ဥရောပသမဂ္ဂကနေ ထွက်ခွာဖို့ ဆုံးဖြတ်ခဲ့ပြီးတဲ့နောက် ဗြိတိန်ဟာ စပိန်နဲ့ ကာလကြာရှည်စွာ ပိုင်ဆိုင်မှုအငြင်းပွားနေတဲ့ ဂျီဘရောလ်တာကျွန်းစုကို နျူကလီးယား ရေငုပ်သင်္ဘောတစ်စင်း စေလွှတ်လိုက်တယ်လို့ သိရပါတယ်။

HMS Ambush လို့ အမည်ရတဲ့ ရေငုပ်သင်္ဘောဖြစ်ပြီး စနေနေ့က ဂျီဘရောလ်တာကို ရောက်ရှိခဲ့တာပါ။ ဒါဟာ စပိန်နိုင်ငံခြားရေးဝန်ကြီး ဂျိုဆေးမန်နျူယဲလ် ဂါစီယာ-မာဂါလိုက ဂျီဘရောလ်တာဟာ မိမိတို့ရဲ့ အချုပ်အခြာအာဏာပိုင်ဖြစ်တယ်လို့ ပြောကြားပြီး နောက်တစ်ရက်မှာ ရောက်ရှိခဲ့တာလည်းဖြစ်ပါတယ်။

ဗြိတိန် ရေတပ်ကတော့ ဒီလိုရေငုပ်သင်္ဘော စေလွှတ်လိုက်တာဟာ ရေရှည်စီမံကိန်းအတွက်ဖြစ်ပြီး၊ လေ့လာဆန်းစစ်သူတွေက ဒီလုပ်ရပ်ဟာ ယူကေအနေနဲ့ ဂျီဘရောလ်တာအပေါ်မှာ ရှိနေတဲ့ အခြေအနေကို ပြောင်းလဲမှာမဟုတ်ဘူးဆိုတာ ရှင်းရှင်းလင်းလင်း ပြသလိုက်တာဖြစ်တယ်လို့ ပြောကြားခဲ့ပါတယ်။

ယူကေနိုင်ငံခြားရေးဝန်ကြီး ဖိးလစ်ဟမ်မွန်ကတော့ အီးယူကနေထွက်ခွာပြီးနောက်ပိုင်း မိမိတို့ပိုင်ဆိုင်တဲ့ ဂျီဘရောလ်တာကို ကာကွယ်ဖို့ဆိုတာ သိပ်တော့ လွယ်မှာမဟုတ်ဘူးလို့ တနင်္ဂနွေနေ့က သတိပေးခဲ့ပါတယ်။

ဂျီဘရောလ်တာကျွန်းစုကို ဗြိတိန်က ၁၇၁၃ ခုနှစ်မှာ Utrecht စာချုပ်အရ ရရှိခဲ့တာဖြစ်ပေမယ့် စပိန်ကတော့ ဒီနယ်မြေကို ပြန်ရဖို့အတွက် ပြီးခဲ့သည့် ဆယ်စုနှစ်တွေအတွင်းမှာ တစ်စိုက်မတ်မတ် ကြိုးစားလာခဲ့ပါတယ်။ ယူကေရဲ့ အီယူးကခွဲထွက်ရေး ပြည်သူ့ဆန္ဒခံယူပွဲမှာ ဂျီဘရောလ်တာလည်း ပါဝင်ခဲ့ပြီး မထွက်ရေးဖက်က မဲပေးခဲ့ပါတယ်။

Ref: Presstv