မြန်မာရွှေ့ပြောင်းလုပ်သားများဆိုင်ရာ သုတေသနတစ်ခုကို ILO ဆောင်ရွက်မည်

ဇွန် ၂၉၊ ၂၀၁၆
M-Media

– နိုင်ငံရပ်ခြားရှိ မြန်မာရွှေ့ပြောင်းလုပ်သားများ ရင်ဆိုင်နေရသည့် အခြေအနေများနှင့် ၎င်းတို့ မြန်မာနိုင်ငံသို့ ပြန်လာပါက နိုင်ငံအတွက် မည်သည့်အကျိုးကျေးဇူးများ ဖြစ်ထွန်းမည်ကို လေ့လာဖော်ထုတ်မည့် သုတေသနတစ်ခုကို နိုင်ငံတကာ အလုပ်သမားသမဂ္ဂ ILO က ပြုလုပ်သွားမည်ဟု သိရသည်။

အဆိုပါသုတေသနကို လာမည့်လတွင် စတင်မည်ဖြစ်ပြီး နိုင်ငံရပ်ခြားသို့ အလုပ်အများဆုံး သွားလုပ်ကိုင်ရာ ဒေသများဖြစ်သော မိတ္ထီလာနှင့် မြင်းခြံမြို့များ၊ ကရင်ပြည်နယ်နှင့် ရှမ်းပြည်နယ်တို့တွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ အလုပ်သမားရေးရာဌာနခွဲနှင့် ပူးပေါင်းကာ ပြုလုပ်သွားမည်ဟု ILO ၏ နည်းစနစ်ပိုင်းဆိုင်ရာ အကြံပေး အကြီးအကဲ ဂျက်ကွီလင် ပိုလော့က ဇွန်လ ၂၇ ရက်နေ့တွင် မီဒီယာသို့ ပြောကြားခဲ့သည်။ အဆိုပါ သုတေသနမှာ တစ်လခန့် ကြာမြင့်မည်ဟု ခန့်မှန်းထားသည်။

သုတေသနပညာရှင်များမှာ အမျိုးသားနှင့် အမျိုးသမီးရွှေ့ပြောင်းလုပ်သားများအားလုံး၏ အတွေ့အကြံများကို ဆန်းစစ်သွားမည်ဖြစ်ပြီး၊ ပြီးခဲ့သည့်နှစ်အထိ မြန်မာနိုင်ငံမှ နိုင်ငံရပ်ခြားတွင် အလုပ်သွားလုပ်သည့် ပမာဏမှာ နိုင်ငံလူဦးရေ၏ ၄ ရာခိုင်နှုန်းခန့်ရှိမည်ဟု ခန့်မှန်းရကြောင်း ပိုလော့က ထည့်သွင်းပြောကြားခဲ့သည်။

ILO မှာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် ပူးပေါင်းကာ မန္တလေးတိုင်းဒေသကြီးတွင် ရွှေ့ပြောင်းလုပ်သားများ စီမံခန့်ခွဲရေးဆိုင်ရာ သင်တန်းများကိုလည်း ပေးအပ်နေသည်။ ယခုဆောင်ရွက်မည့် သုတေသနမှာ ရွှေ့ပြောင်းလုပ်သားများအတွက် ပိုမိုကောင်းမွန်သော ပေါ်လစီများ ချမှတ်နိုင်ရေးနှင့် ပိုမိုကောင်းမွန်သော ၀န်ဆောင်မှုများပေးအပ်နိုင်ရေး ရည်ရွယ်ခြင်းဖြစ်သည်။

Ref: mmtimes