ဂါဇာကမ်းမြှောင်အား အစ္စရေးက ပိတ်ဆို့ထားမှုကို ဘန်ကီမွန် ရှုတ်ချ

ဇွန် ၂၉၊ ၂၀၁၆
M-Media

– အစ္စရေးက ပါလက်စတိုင်းပိုင် ဂါဇာကမ်းမြှောင်အား ပိတ်ဆို့ထားမှုအတွက် ကုလသမဂ္ဂ အထွေထွေအတွင်းရေးမှူး ဘန်ကီမွန်က ရှုတ်ချပြောဆိုလိုက်သည်။

ယမန်နေ့က ပါလက်စတိုင်းပိုင်နက်များသို့ သွားရောက်ကြည့်ရှုစဉ်အေတွင်း ထိုကဲ့သို့ ပြောကြားလိုက်ခြင်းဖြစ်ပြီး ဂါဇာကမ်းမြှောင်အား အစ္စရေးက ပိတ်ဆို့ထားမှုမှာ ပါလက်စတိုင်းပြည်သူများ၏ ဘ၀များကို ဆိုးရွားစေပြီး၊ စီးပွားရေးကိုလည်း ပျက်ဆီးစေကာ ပြန်လည်တည်ဆောက်ရေးလုပ်ငန်းများကို အနှောက်အယှက်ဖြစ်စေသည်ဟု ဆိုသည်။

“ဒါဟာ ၀ါလုံးသိမ်းရမ်းတဲ့ကိစ္စမျိုးဖြစ်ပြီး အစ္စရေးက လုံးဝ တာဝန်ယူရမယ့်ကိစ္စ ဖြစ်ပါတယ်” ဟု ဘန်ကဆိုသည်။

ထို့ပြင် ဂါဇာကမ်းမြှောင်အတွင်း လျှစ်စစ်ဓာတ်အားပြတ်တောက်မှု၊ လူငယ်များ၏ ၅၀ ရာခိုင်နှုန်း အလုပ်လက်မဲ့ဖြစ်နေမှုများကိုလည်း ဘန်က ထောက်ပြခဲ့သည်။

“အရှက်တကွဲအကျိုးနည်း ပြုလုပ်ခံရမှု၊ ကျူးကျော်သိမ်းပိုက်ခံရမှုနဲ့ ပိတ်ဆို့ခံရမှုတွေကြောင့် ဂါဇာပြည်သူတွေ ရင်ဆိုင်နေရတဲ့ လက်မခံနိုင်စရာ ခက်ခဲကြပ်တည်းမှုတွေ၊ ဂါဇာကမ်းမြှောင်နဲ့ အနောက်ဖက်ကမ်းတို့ကို ခွဲထုတ်ထားတာတွေအတွက် ကျွန်တော်တို့ ပွင့်ပွင့်လင်းလင်း ပြောရပါမယ်”

ဒီဇင်ဘာတွင် ရာထူးသက်တမ်းကုန်တော့မည့် ဘန်ကီမွန်၏ ရာထူးရှိစဉ် ပါလက်စတိုင်းပိုက်နက်များသို့ နောက်ဆုံး လာရောက်သည့် ထိုခရီးစဉ်အတွင်း ဂါဇာကမ်းမြှောင်သို့ သွားရောက်ခဲ့ပြီးနောက် ဘန်မှာ အစ္စရေးဝန်ကြီးချုပ် ဘင်ဂျမင် နေတန်ယာဟု၊ ပါလက်စတိုင်းသမ္မတ မဟ်မူးဒ်အဘတ်စ်တို့နှင့်လည်း တွေ့ဆုံခဲ့သည်။

ဂျေရုစလင်ရှိ ၀န်ကြီးချုပ်ရုံး၌ နေတန်ယာဟုနှင့်တွေ့ဆုံရာတွင် ဘန်က နှစ်နိုင်ငံတည်ရှိရေးအဖြေ ရရှိရန်အတွက် ကြိုးပမ်းမှုများ ဆက်လက်ဆောင်ရွက်သွားရန်လည်း တိုက်တွန်းခဲ့သည်။

Ref : Aljazeera