အစ္စရေးတပ်ဖွဲ့လက်ချက်ကြောင့် ပါလက်စတိုင်းနှစ်ဦး သေဆုံးပြန်

ဇူလိုင် ၂၊ ၂၀၁၆
M-Media

– ပါလက်စတိုင်းပိုက်နက်က သီးခြားအဖြစ်အပျက် ၂ ခုအတွင်းမှာ အစ္စရေး စစ်သားတွေဟာ ပါလက်စတိုင်း ၂ ဦးကို သတ်ဖြတ်ပစ်လိုက်တယ်လို့ သိရပါတယ်။

ယမန်နေ့က ဖြစ်ပွားခဲ့တဲ့ အဲဒီအဖြစ်အပျက်တွေထဲက တစ်ခုဟာ ဟီဘရွန်မြို့ အီဘရာဟင်မီ ဗလီဝတ်ကျောင်းတော်ရဲ့ မွတ်စလင်ဘာသာရေးအထိမ်းအမှတ်ကျောက်စာတိုင်အနီးမှာ ဖြစ်ခဲ့တာဖြစ်ပြီး သေဆုံးခဲ့သူကတော့ ဆာရီးဟ် အလ်-ဟာဂျွတ်ဆိုသူ ဖြစ်ပါတယ်။

အစ္စရေးရဲတပ်ဖွဲ့က သေဆုံးသူဟာ အစ္စရေးတပ်ဖွဲ့ဝင်တွေကို ဓားနဲ့တိုက်ခိုက်ဖို့ ကြိုးစားခဲ့တယ်လို့ စွပ်စွဲပြောဆိုထားပါတယ်။ ဒါပေမယ့် ဒီလိုတိုက်ခိုက်ဖို့ကြိုးစားမှုအတွင်းမှာ မည်သည့်တပ်ဖွဲ့ဝင်မှ ဒဏ်ရာမရခဲ့ဘူးလို့ ဆိုပါတယ်။

ပါလက်စတိုင်းပိုင်နက်ဖြစ်တဲ့ ဟီဘရွန်မှာ အစ္စရေးက တရားမ၀င်အိမ်ယာတွေကို ဆောက်လုပ်ကာ ဂျူးအခြေချနေထိုင်သူတွေကို ထားရှိပြီး၊ အစ္စရေးစစ်တပ်မြောက်များစွာနဲ့ လုံခြုံရေးပေးထားပါတယ်။ ပါလက်စတိုင်းပြည်သူတွေကတော့ သူတို့နယ်မြေကို ကျူးကျော်သိမ်းပိုက်တဲ့ အဲဒီလုပ်ရပ်တွေကို နှစ်မြို့ခြင်း မရှိပါဘူး။

နောက်ထပ် သေဆုံးမှုတစ်ခုကတော့ ဂျေရုစလင်နဲ့ ရာမာလာအကြားက ကွာလန်ဒီယာ စစ်ဆေးရေးဂိတ်မှာ ဖြစ်ပွားတာဖြစ်ပြီး အစ္စရေးစစ်တပ်က ပစ်လိုက်တဲ့ မျက်ရည်ယိုဗုံးအငွေ့ကို ရှုရိုက်မိကာ သေဆုံးခဲ့ရတာဖြစ်ပါတယ်။

ဂျေရုစလင်က အလ်အက်ဆွာ ဗလီဝတ်ကျောင်းတော်မှာ ၀တ်ပြုဖို့သွားနေတဲ့ ပါလက်စတိုင်းပြည်သူတွေကို အစ္စရေးစစ်တပ်က အင်အားသုံးတိုက်ခိုက်ရာကနေ ဒီလို သေဆုံးခဲ့တာဖြစ်ပြီး ပါလက်စတိုင်းပြည်သူ ၄၀ လောက်နဲ့ အစ္စရေးစစ်သားတစ်ဦး ဒဏ်ရာရရှိခဲ့ပါတယ်။

၂၀၁၅ ခုနှစ် အောက်တိုဘာလက အစ္စရေးစစ်တပ်နဲ့ တရားမ၀င်အခြေချနေထိုင်သူတွေဟာ အလ်အက်ဆွာဗလီဝတ်ကျောင်းတော်အတွင်း ၀င်ရောက် စီးနင်းတိုက်ခိုက်ရာကနေ ပါလက်စတိုင်းပြည်သူတွေရဲ့ အုံကြွမှု ဖြစ်ပေါ်လာခဲ့ပြီး အဲဒီ အုံကြွမှုမှာ အစ္စရေးလက်ချက်ကြောင့် အခုအချိန်အထိ ပါလက်စတိုင်းပြည်သူ ၂၂၀ ကျော် သေဆုံးခဲ့ရပါတယ်။

Ref: Presstv