အီရန်တွင် ဂျေရုစလင်နေ့ကို သောင်းသောင်းဖျဖျ ကျင်းပ

ဇူလိုင် ၃၊ ၂၀၁၆
M-Media

– အစ္စရေးရဲ့ ကျူးကျော်နယ်ချဲ့မှုကိုဆန့်ကျင်ပြီး ပါလက်စတိုင်းတွေရဲ့ လွတ်မြောက်ရေးကို အားပေးထောက်ခံတဲ့အနေနဲ့ သတ်မှတ်ထားတဲ့ ‘ဂျေရုစလင်နေ့’ (Al-Quds Day) ချီတက်ဆန္ဒပြပွဲကို သောကြာနေ့က အီရန်နိုင်ငံတစ်ဝှမ်း တစ်ခဲနက် ကျင်းပခဲ့ကြပြီး မြို့တော် တီဟီရန်တစ်မြို့တည်းမှာပဲ ထောင်ပေါင်းများစွာသော အီရန်ပြည်သူတွေ ပါဝင်ခဲ့ကြပါတယ်။

ပါလက်စတိုင်းပြည်သူတွေနဲ့ တစ်သားတည်းရှိကြောင်း ပြသတဲ့ အဲဒီ Al-Quds Day ကို ရမ်ဇာန်ဥပုသ်လရဲ့ နောက်ဆုံး သောကြာနေ့အဖြစ် အီရန်က သတ်မှတ်ထားပြီး အမေရိကန်ကျောထောက်နာက်ခံပြု  အာဏာရှင်ရှားဘုရင်ကို ဖြုတ်ချနိုင်ခဲ့တဲ့ အီရန် အစ္စလာမ့်မစ်တော်လှန်ရေး အောင်မြင်တဲ့ ၁၉၇၉ ခုနှစ်ကတည်းက စတင်ကျင်းပလာခဲ့တာ ဖြစ်ပါတယ်။

တီဟီရန်မှာပြုလုပ်တဲ့ ချီတက်ဆန္ဒပြပွဲမှာ ကလေးငယ်တွေကနေ သက်ကြီးရွယ်အိုတွေအထိ ပါဝင်ခဲ့ပြီး အများစုက “အစ္စရေးကိုတွန်းလှန်ကြပါစို့” ဆိုသည့် နဖူးစီးများ စည်းထားကြကာ တစ်ချို့တွေကတော့ ဦးခေါင်းထိပ်မှာ ဒေးဗစ်ကြယ်တစ်ခု တပ်ဆင်ထားတဲ့ လေဘာတီ ရုပ်တုပုံတူကို မီးရှို့ခဲ့ကြပါတယ်။

အဆိုပါလမ်းလျှောက်ဆန္ဒပြပွဲကို အီရန်သမ္မ ဟာဆန်ရူဟာနီလည်း တက်ရောက်ခဲ့ပြီး ဒေသတွင်းပဋိပက္ခတွေဟာ ပါလက်စတိုင်းအရေးကို ကိုင်တွယ်ဖို့ ပိုမိုခက်ခဲအောင် ပြုလုပ်နေတယ်လို့ ပြောဆိုခဲ့ကာ မွတ်စလင်တွေ ပိုပြီးစည်းလုံးညီညွှတ်ကြဖို့ကိုလည်း သမ္မတက တိုက်တွန်းပြောကြားခဲ့ပါတယ်။

“လက်ဘနွန်မှာ ဒုံးကျည် တစ်သိန်းလောက်ဟာ ဇီယွန်ဝါဒီတွေရဲ့ နှလုံးသားဆီ ပျံသန်းဖို့ အသင့်ဖြစ်နေကြတယ်။ နောက်ထပ် ဒုံးကျည် ထောင်ပေါင်းများစွာကိုလည်း အစ္စလာမ့်ကမ္ဘာတစ်ဝှမ်းမှာ တပ်ဆင်ထားပြီး အမိန့်ကို စောင့်နေကြတာပါ။ အဲဒီ ခလုပ်ကို တစ်ချက်တည်းနှိပ်လိုက်တာနဲ့ ကောင်းကျိုးမပေးတဲ့၊ ကမ္ဘာ့ ပထ၀ီနိုင်ငံက ဆူးညှောင့်ခလုပ်တစ်ခုဟာ ထာဝရ ပျောက်ကွယ်သွားမှာပါ” လို့ အီရန်တော်လှန်ရေးအစောင့်တပ်ဖွဲ့ ဒုတိယအကြေီးအကဲ ဗိုလ်ချုပ် ဟိုစိန် ဆာလာမီက ပြောကြားခဲ့ပါတယ်။

Ref: Aljazeera