ယုံကြည်ချက်ကို နှလုံးသားဖြင့် ကျင့်သုံးသူများ (သို့မဟုတ်) ကျူးဘားမှ မွတ်စလင်လူ့အဖွဲ့အစည်း

ဇူလိုင် ၅၊ ၂၀၁၆
M-Media

– အာရဘီစကားကို အနည်းငယ်သာပြောတတ်ပြီး ဗလီဝတ်ကျောင်းတော် အင်္ဂါရပ်နှင့်ပြည့်စုံသော အဆောက်အဦးပင် မရှိသည့် ကျူးဘားနိုင်ငံမှ မွတ်စလင်လူနည်းစုကလေးမှာ ၎င်းတို့၏ ဘာသာတရားကို လက်တွေ့လိုက်နာကျင့်သုံးကာ ရမ်ဇာန်ဥပုသ်လကို ၎င်းတို့ စွမ်အားရှိလောက် တိတ်ဆိတ်ငြိမ်သက်စွာ အဆုံးသတ်တော့မည်ဖြစ်သည်။

မြို့တော်ဟာဗားနားရှိ သက်တမ်းရင့် ရပ်ကွက်တစ်ခုတွင် အဖြူရောင်နှင့် အစိမ်းရောင် ပေါင်းစပ်ထားည့် မင်နာရတ် (၀တ်ပြုရန်နှိုးဆော်သည့် မျှော်စင်) ရှိသော ကိုလိုနီအဆောက်ဦးတစ်လုံးကို အလွယ်တကူ တွေ့မြင်နိုင်သည်။ ထိုဗလီဝတ်ကျောင်းတော်မှာ ပြီးခဲ့သည့်နှစ်အတွင်း ကျူးဘားမွတ်စလင်များစုဝေးကာ တစ်နေ့လျှင် ၅ ကြိမ် စုရုံးဝတ်ပြုကြသည့်နေရာ ဖြစ်လေသည်။

ဗလီအတွင်း နံရံကို အာရဘီလက်ရေးကားချပ်များနှင့် ပါလက်စတိုင်းအလံတစ်ခုတို့ဖြင့် အလှဆင်ထားကာ စပိန်ဘာသာပြန် ကုရ်အာန်ကျမ်းစာအုပ်များကိုလည်း ဗလီအတွင်း တွေ့နိုင်လေသည်။

ဂျာဗီယာဟူသည့် အမျိုသားတစ်ဦးက ပူပြင်းသောနွေရာသီ နေ့လည်ခင်းတွင် ဗလီဝတ်ကျောင်းတော်သို့ လာရောက်လည်ပတ်ကြသူများကို “အတ်စလားမု အာလိုက်ကွမ်း” (ငြိမ်းချမ်းမှုသက်ရောက်ပါစေ) ဟူသည့် စကားဖြင့် ပြုံးရွှင်စွာ ခရီးဦးကြိုပြုလေ၏။

ဂျာဗီယာမှာ ခရစ်ယာန်ကက်သလစ်မိသားစုမှ ပေါက်ဖွားလာပြီး လွန်ခဲ့သည့် ၂ နှစ်က အစ္စလာမ်သို့ ပြောင်းလဲသက်ဝင်ခဲ့သူဖြစ်သည်။

“သမ္မာကျမ်းစာက ကျွန်တော့်အတွက် မပြည့်စုံဘူးလို့ ခံစားရတယ်လေ။ ဒါ့ကြောင့် ဘာသာပြောင်းခဲ့တာပါ” ဟု ဂျာဗီယာက ၎င်း ဆုံးဖြတ်ချက်အကြောင်း ပြောပြသည်။ နိုင်ငံ၏ ၇၀ ရာခိုင်နှုန်းက ခရစ်ယာန်ကက်သလစ်နှင့် အာဖရို-ကျူးဘန်း ဘာသာတရားများကို ယုံကြည်ကိုးကွယ်ကြသည့် ကျူးဘားနိုင်ငံတွင် ဂျာဗီယာ၏ အဖြစ်အပျက်က ထူးခြားသည့် ကိစ္စဖြစ်သည်။

ကျူးဘားနိုင်ငံတွင် အစ္စလာမ်ဘာသာဝင်ဦးရေ ၁၀၀၀၀ ခန့်သာရှိပြီး ထိုပမာဏက နိုင်ငံလူဦးရေ၏ ၀.၁ ရာခိုင်နှုန်းသာ ဖြစ်သည်။

ကျွမ်းကျင်သူများ၏ အဆိုအရ အစ္စလာမ်သာသနာမှာ ၁၉၇၀ နှင့် ၁၉၈၀ ပြည့်နှစ်များတွင် ပါကစ္စတန်ကဲ့သို့ နိုင်ငံများမှ ကျောင်းသားများနှင့်အတူ ရောက်ရှိလာကြသည်ဟု သိရသည်။

“ကမ္ဘာလှည့်ခရီးသွားတွေက ဒီလမ်းကို ဖြတ်သွားတဲ့အခါ ဗလီဝတ်ကျောင်းတော်ကိုမြင်ပြီး တော်တော်လေး အံ့သြကြပါတယ်” ဟု လွန်ခဲ့သည့် ၁၇ နှစ်က အစ္စလာမ်သို့ ပြောင်းလဲသက်ဝင်ခဲ့သူ အဟ်မဒ် အဂူလိုက ပြောကြားခဲ့သည်။ ၎င်းမှာ သောကြာနေ့တွင် ၀တ်ပြုသူ ၂၀၀ ကျော်အထိ လာရောက်ကြသည့် အဆိုပါ ဗလီဝတ်ကျောင်းတော်အား စီမံခန့်ခွဲနေသူဖြစ်သည်။

“ရှေ့ဆောင်အီမာမ်တွေကို လေ့ကျင့်သင်ကြားပေးတဲ့ သင်တန်းတွေ မရှိတာကြောင့် ကျွန်တော်က လက်မှတ်ရ ရှေ့ဆောင်အီမာမ်တော့ မဟုတ်ဘူးပေါ့လေ။ ဒါပေမယ့် သာသနာရဲ့ အခြေခံစည်းမျဉ်းစည်းကမ်းတွေကိုတော့ ကျွန်တော်သိပါတယ်” ဟု အဂူလိုက ဖွင့်ဟခဲ့သည်။

ဟာဗားနားမှ ရက်ကွက်ဟောင်းတစ်ခုတွင်ရှိသည့် အဆိုပါဗလီဝတ်ကျောင်းတော်နှင့် မလှမ်းမကမ်းတွင် ကြော်ငြာဆိုင်းဘုတ်တစ်ခု ထောင်ထားပြီး ၅ ဧကကျယ်သော မြေနေရာတစ်ခု၌ ဗလီဝတ်ကျောင်းတော်လုံး တည်ဆောက်ရန် အစီအစဉ်ရှိသည်ဆိုသည့် ဆိုင်းဘုတ်ဖြစ်သည်။ ထိုဗလီဝတ်ကျောင်းတော် ဆောက်လုပ်ရန်အတွက် ၂၀၁၅ ခုနှစ် ဖေဖော်ဝါရီလက တူရကီသမ္မတ အာဒိုဂန်လရောက်ချိန်တွင် ကတိပေးသွားခဲ့သည်။

သို့သော်လည်း ဆောက်လုပ်မှုက မစရသေး။ ၂၀၁၅ ခုနှစ် ဇွန်လတွင် ဟာဗားနားမြို့၏ မြို့လယ်ကောင်း Old Havana ၌ ၀တ်ပြုဆောင်တစ်ခုကို ကျူးဘားအစိုးရက ဖွင့်လှစ်ခွင့်ပေးခဲ့သည်။ ထိုဝတ်ပြုဆောင်က ကျူးဘားနိုင်ငံ၏ ပထမဆုံး ဗလီဝတ်ကျောင်းတော်ဟုလည်း ခေါ်ဆိုထိုက်သည်။

“ဗလီဝတ်ကျောင်းတော်တစ်ခုလို ၀တ်ပြုဆုတောင်းမှုတွေ ပြုလုပ်တာကြောင့် တံခါးပေါက်မှာတော့ ‘ဗလီဝတ်ကျောင်းတော်’ ဆိုပြီး ရေးသားထားပါတယ်” ဟု ဗလီဝတ်ကျောင်းတော်ကို စီမံကွပ်ကဲနေသော ‘အာရပ်အသင်း’ မှ ဒါရိုက်တာ ရီဂိုဘာတို မီနန်ဒက်ဇ်က ပြောကြားခဲ့သည်။

“တကယ့်ဗလီဝတ်ကျောင်းတော်ဆိုရင် နေရာပိုကျယ်ရမှာပေါ့လေ။ ဒါပေမယ့် မွတ်စလင်တွေအတွက် အဓိကကျတာက တစ်နေရာမှာ စုပေါင်းဝတ်ပြုနိုင်ဖို့ပါ” ဟု ၎င်းက ထည့်သွင်းပြောဆိုခဲ့သည်။

ကျူးဘားမွတ်စလင်များမှာ စုပေါင်းဝတ်ပြုရာနေရာတစ်ခု ရရှိရန်အတွက် ၂၅ နှစ်ကြာ တောင်းဆိုခဲ့ကြသည်။

“အရင်က ကျွန်တော်တို့ဟာ မြို့ထဲက တိုက်ခန်းတစ်ခုမှာ စုပေါင်းတွေ့ဆုံကြပါတယ်။ ကျူးဘားမှာ ကျွန်တော်ယုံကြည်ရာကို လွတ်လပ်စွာ လိုက်နာကျင့်သုံးခွင့်ရပါတယ်” ဟု ၁၉၈၈ ခုနှစ်က အစ္စလာမ်ဘာသာသို့ ပြောင်းလဲသက်ဝင်ခဲ့သည့် လာဇိုတောရက်စ်က ပြောကြားခဲ့သည်။ တောရက်စ်ကို ကျူးဘား၏ ပထမဆုံး အစ္စလာမ်ဘာသာဝင်ဟူ၍လည်း မှတ်ယူနိုင်ပေသည်။

ရမ်ဇာန်ဥပုသ်လတွင် ကျူးဘားရှိ မွတ်စလင်များအဖို့ ဥပုသ်သီလ ဆောက်တည်ခြင်းမှာ လွယ်ကူသည့် ကိစ္စမျိုးမဟုတ်။ ကမ္ဘာတစ်ဝှမ်းရှိ မွတ်စလင်များမှာ ဥပုသ်ဖြေရာတွင် စွန်ပလွံသီးများ စားသုံးလေ့ရှိပြီး ကျူးဘားတွင်တော့ စွန်ပလွံသီးမရှိ။

“အရာရာတိုင်းကို ပြည်ပက တင်သွင်းရတာဗျ။ ဆော်ဒီသံရုံးကတော့ ကျွန်တော်တို့ကို စွန်ပလွံသီးတွေ၊ ရိုးရာဝတ်စုံတွေ၊ ဟာလာလ်အသားတွေ ပေးပါတယ်။ ဘုရားသခင်ရဲ့ အကူအညီနဲ့ ကျွန်တော်တို့ အဆင်ပြေပါတယ်” ဟု တောရက်စ်က ထပ်လောင်းပြောကြားခဲ့သည်။

အသက် ၃၃ နှစ်အရွယ်ရှိပြီး အာဖရိကနွယ်ဖွားတစ်ဦးဖြစ်သည့် အလန် ဂါစီယာက ၎င်းအနေဖြင့် အစ္စလာမ်သို့ သက်ဝင်ယုံကြည်ပြီးနောက် လုပ်ရပ်ဆိုး တော်တော်များများကို စွန့်လွှတ်ခဲ့သည်ဟု ဆိုသည်။

“ကျွန်တော် အစ္စလာမ်ဘာသာဝင်တစ်ယောက် ဖြစ်သွားပြီလို့ ပြောလိုက်တဲ့အခါမှာ သူငယ်ချင်းတော်တော်များများက အဆက်အသွယ် ဖြတ်သွားတယ်လေ။ တစ်ခြားကြောင့်တော့ မဟုတ်ပါဘူး။ အရပ်မသောက်တော့တာ၊ ၀က်သားမစားတော့တာ၊ ပါတီသွားပြီး မကတော့တာကြောင့် ဖြစ်ပါတယ်။ တစ်ခြားတစ်ဖက်မှာတော့ ဒါဟာ ကျူးဘားရဲ့ ယဉ်ကျေးမှုတော်တော်များများကို စွန့်လွှတ်လိုက်တယ်လို့ မြင်ကြတာကိုး” ဟု ဂါစီယာက ပြောကြားခဲ့သည်။

ကျူးဘားတက္ကသိုလ်များတွင် အာရဘီဘာသာစကား သင်ကြားခြင်းမျိုးလည်း မရှိ။

ကျူးဘားသို့လာရောက်ကာ လက်တင်အမေရိက ဆေးတက္ကသိုလ် တက်ရောက်နေသည့် ချဒ်၊ အာဖဂန်နှင့် လစ်ဗျားတို့မှ အာရဘီစကားပြော ကျောင်းသားများက ကျူးဘားမွတ်စလင်များကို ကုရ်အာန်ကျမ်းစာ ရွတ်ဖတ်နည်း အခမဲ့သင်ပေးသည်ဟု ဂါစီယာက ဆိုသည်။

ထို့ပြင် ကျူးဘားမွတ်စလင်များမှာ offline အသုံးပြု၍ရသည့် ဖုန်းဆော့ဖ်ဝဲများဖြင့်လည်း အာရဘီ ဘာသာစကားကို သင်ယူလေ့လာကြလေသည်။

ရမ်ဇာန်ဥပုသ်လ၏ ၀ါဖြေချိန်နီးကပ်လာသည့်အခါ မြို့လယ်ကောင်ရှိ ၀တ်ပြုဆောင်မှာ လူများဖြင့် ပြည့်ကျပ်သွားသည်။

ခေါင်းဆောင်ပုဝါများဖြင့် ကျက်သရေရှိလှသည့် မွတ်စလင်အမျိုးသမီးများအတွက် သီးသန့်သတ်မှတ်ထားသည့် အခန်းတွင် ကလေးများက မြူးတူးဆော့ကစားကြသည်။

ဝါဖြေရန်အစားသောက်များကို ဝေငှနေသည့် အဖိုးအို၏အမည်က လီယွန်နယ် ဒီယက်ဇ်ဖြစ်ပြီး အသက် ၇၃ နှစ်တွင် အစ္စလာမ်သို့ ပြောင်းလဲသက်ဝင်ခဲ့ခြင်းဖြစ်သည်။

“ကောင်းမွန်တဲ့ကိစ္စတစ်ခုကို လက်ခံကြိုဆိုဖို့ အသက်အရွယ်က အဓိကမကျပါဘူး” ဟု ဒီယက်ဇ်က ဆိုသည်။

စက်တင်ဘာ ၁၁ တိုက်ခိုက်မှုနောက်ပိုင်း ကျူးဘားနိုင်ငံအရှေ့ပိုင်းတွင် ဖွင့်လှစ်ခဲ့သည့် ဂွါတာနာမိုအကျဉ်းစခန်းတွင် အကြမ်းဖက်သံသယဖြင့် ဖမ်းဆီးထိန်းသိမ်းကာ အမေရိကန်၏ ညှင်းပမ်းနှိပ်စက်မှုများကိုလည်း ၎င်းက ပြောပြခဲ့သည်။

“ဒီအကျဉ်းစခန်းပိတ်ပစ်ဖို့အတွက် နိုင်ငံတွေက အဖြေတစ်ခု ရှာရပါမယ်”

ရာစုနှစ်စတစ်ဝက်ကြာ တိုက်ခိုက်မှုများပြီးနောက် FARC လက်ဝဲသူပုန်များနှင့် ငြိမ်းချမ်းရေး ယူရန်ရှိနေသည့် ကိုလံဘီယာနိုင်ငံအကြောင်းကို ဒီယက်ဇ်က ထောက်ပြခဲ့သည်။

“ဂွါတာနာမိုမှာ ဖမ်းဆီးထိန်းသိမ်းခံရတဲ့ မွတ်စလင်တွေအတွက်လည်း ဒီလို သဘောတူညီချက်မျိုး ရစေချင်ပါတယ်”

ယာကွီလင် ဒီယက်စ်ဟုအမည်ရသည့် အမျိုးသမီးတစ်ဦးကတော့ စပိန်တွင် ၈ နှစ်ကြာနေထိုင်ခဲ့ပြီး ပါကစ္စတန်လူမျိုးတစ်ဦး၏ ကျေးဇူးကြောင့် စပိန်တွင်ပင် အစ္စလာမ်ကို ပြောင်းလဲလက်ခံခဲ့သည်။

“ကျွန်မတို့ရဲ့ နေပုံထိုင်ပုံ မတူတာကြောင့် လူတော်တော်များများက ကျွန်မတို့ဟာ နိုင်ငံခြားသားတွေလို့ ထင်ကြပါတယ်။ သူတို့နိုင်ငံမှာ မွတ်စလင်တွေရှိနေတယ်ဆိုတာကို သူတို့ မတွေးမိကြပါဘူး။ ဒါပေမယ့် ကျူးဘားနိုင်ငံမှာတော့ အစ္စလာမ်သာသနာဟာ တစ်စထက်တစ်စ ပိုမိုပြန့်နှံ့လာခဲ့ပါပြီ” ဟု သူမက ပြောကြားခဲ့သည်။

ကျူးဘားနိုင်ငံတွင် အကောင်အထည်ပေါ်မလာသေးသည့် အရာတစ်ခုက ၀တ်ပြုဆုတောင်းရာတွင် အသုံးပြုသည့် အ၀တ်အထည်များဖြစ်သည်ဟု ယာကွီလင်က ဆိုသည်။

“အဲဒီအ၀တ်အစားတွေကို ဆော်ဒီက ကျွန်မတို့ရဲ့ ညီနောင်တွေက ထောက်ပံ့ပေးပါတယ်။ ဒါပေမယ့် သူတို့ရဲ့ ထောက်ပံ့မှုနဲ့ ကျွန်မတို့ တစ်သက်လုံး ရပ်တည်လို့ မရဘူးလေ။ ကျွန်မတို့နိုင်ငံမှာ ကျွန်မတို့စတိုင်နဲ့ ကိုယ်ပိုင်ဆိုင်တွေ လိုအပ်ပါတယ်။ ကျူးဘားမှာ ကျွန်မတို့ဟာ အစ္စလာမ်သာသနာကို ဖြန့်ချီရပါမယ်”

၁၉၅၉ ခု ကျူးဘားတော်လှန်ရေးပြီးကတည်းက ကျူးဘားနိုင်ငံမှာ တရားဝင် ဘာသာမဲ့နိုင်ငံ ဖြစ်သွားခဲ့ပြီး ဘာသာတရားများအားလုံးကို ကန့်သတ်မှုများ ပြုလုပ်ခဲ့သည်။ သို့သော်လည်း အချိန်ကြာလာသည်နှင့်အမျှ ထိုကန့်သတ်မှုများကို ဖြေလျော့ပေးခဲ့လေသည်။

၁၉၉၂ ခုနှစ် ဖွဲ့စည်းပုံအခြေခံဥပဒေ ပြုပြင်ပြောင်းလဲမှုနှင့်အတူ ကျူးဘားနိုင်ငံမှာလည်း ဘာသာရေးမနွယ်သည့်နိုင်ငံ ဖြစ်လာခဲ့ဟု မီနန်ဒက်ဇ်က ဆိုသည်။

ရှေ့ဆောင်အီမာမ်တစ်ဦးဖြစ်သူ အဟ်မဒ်ကတော့ ယခုလို ဖွင့်ဟခဲ့သည်။

“တိုင်းပြည်တစ်ပြည်ရဲ့ သမိုင်းမှာ အဆင့်ဆင့်တိုးတက်ပြောင်းလဲမှုတွေကတော့ ရှိစမြဲပါပဲ။ အမေရိကန်ကိုကြည့်ရင် လွန်ခဲ့တဲ့ရာစုက လူမည်းထောင်ချီ သတ်ဖြတ်ခဲ့ပေမယ့် အခုတော့ လူမည်းတစ်ယောက်က သမ္မတ ဖြစ်နေပါပြီ”

Ref: Yahoo