မော်ရိုကိုရှိ ကမ္ဘာ့အစောဆုံး တက္ကသိုလ်မှ စာကြည့်တိုက်ကြီး ယခုနှစ်နှောင်းပိုင်းတွင် ဖွင့်လှစ်မည်

ဇူလိုင် ၈၊ ၂၀၁၆
M-Media

စာကြည့်တိုက်အတွင်းပိုင်း

– မော်ရိုကိုနိုင်ငံမှာ ၉ ရာစုဝန်းကျင်က မွတ်စလင်အမျိုးသမီးတစ်ဦး တည်ထောင်ဖွင့်လှစ်ခဲ့တဲ့ အလ်ကွာရာဝီယင်တက္ကသိုလ်မှာ အလွန်ရှေးကျတဲ့ သမိုင်းဝင်စာအုပ်တွေကို ခင်းကျင်းပြသထားတဲ့ စာကြည့်တိုက်တစ်ခုကို အခုနှစ်နှောင်းပိုင်းမှာ အများပြည်သူများ ကြည့်ရှုလေ့လာနိုင်ဖို့ ဖွင့်လှစ်သွားတော့မယ်လို့ သိရပါတယ်။

ဖက်ဇ်မြို့မှာ သက္ကရာဇ် ၈၅၉ ခုနှစ်က ဖွင့်လှစ်ခဲ့တဲ့ အဲဒီတက္ကသိုလ်ဟာ ကမ္ဘာ့ရှေးအကျဆုံး တက္ကသိုလ်တစ်ခုလည်းဖြစ်ပြီး စတင်ဖွင့်လှစ်စဉ်ကတည်းက ဧရာမစာကြည့်တိုက်ကြီးတစ်ခု ပါဝင်ခဲ့တာ ဖြစ်ပါတယ်။ ဒါပေမယ့် ဒီစာကြည့်တိုက်ကို လွန်ခဲ့တဲ့ ၃ နှစ်လောက်ကစပြီး ကနေဒီယန်-မော်ရိုကန် ဗိသုကာပညာရှင် အဇီဇာ ချူနီက ကြီးကြပ်ကာ ပြန်လည် ပြင်ဆင်မွမ်းမံခဲ့ပြီး အခုနှစ်ကုန်ပိုင်းလောက်မှာ ပြန်လည်ဖွင့်လှစ်နိုင်အောင် စီစဉ်ခဲ့တာပါ။

မွတ်စလင် ၀ိဇ္ဇာသိပ္ပံပညာရှင်ကြီး အစ်ဗနေ့ အလ်-ခါလ်ဒန်၏ လကရေးမူ ကျမ်းတစ်အုပ်

ဒီစာကြည့်တိုက်မှာ ရှားပါးစာအုပ်တွေနဲ့ ဒေသတွင်း ကျော်ကြားတဲ့ ပညာရှင်တွေ ရေးသားထားတဲ့ အာရဘီ လက်ရေးမူ စုစုပေါင်း ၄၀၀၀ လောက် ထားရှိထားပါတယ်။ အဲဒီအထဲမှာ ၉ ရာစုက ကုရ်အာန်လက်ရေးမူနဲ့ နာမည်ကျော် မွတ်စလင်ဒဿနပညာရှင် အေဗာရို့စ် ရေးသားခဲ့တဲ့ အစ္စလာမ့်တရားစီရင်ထုံးဆိုင်ရာ လေ့လာမှုကျမ်း လက်ရေးမူတွေလည်း ပါဝင်ပါတယ်။

ဗလီဝတ်ကျောင်းတော်အခြေပြု တက္ကသိုလ်ဖြစ်တဲ့ အဲဒီ အလ်ကွာရာဝီယင်တက္ကသိုလ်ကို ဖာတီမာ အလ်-ဖီဟ်ရီဆိုတဲ့ အမျိုးသမီးက ဒီနေ့ခေတ် တူနီးရှားနိုင်ငံကနေ ဖက်ဇ်မြိ့ကို ပြောင်းရွှေ့ပြီးနောက်ပိုင်း သူမကိုယ်တိုင် ငွေကြေးစိုက်ထုတ် ကြီးကြပ် ဆောက်လုပ်ခဲ့တာဖြစ်ပါတယ်။

အလ်-ဖီဟ်ရီကို တက်ကြွပြီး ဗဟုသုတပြည့်ဝကာ ကမ္ဘာကြီးအကြောင်း လေ့လာစူးစမ်းချင်သူတစ်ယောက်အဖြစ် သမိုင်းဆရာတွေက ဖော်ပြပါတယ်။ သူတည်ထောင်ခဲ့တဲ့ အလ်ကွာရာဝီယင် တက္ကသိုလ်ကလည်း မွတ်စလင်ကမ္ဘာမှာရဲ့ ဘာသာရေးနဲ့ ပညာရေးကဏ္ဍမှာ အရေးပါတဲ့ ဌာနကြီး ဖြစ်ခဲ့ပါတယ်။

တက္ကသိုလ်က စာကြည့်တိုက်ကို ပြုပြင်ထိန်းသိမ်းရေးတွေ ပြုလုပ်ခဲ့တဲ့ ချူနီကတော့ မော်ရိုကို ယဉ်ကျေးမှု ၀န်ကြီးဌာနက ဒီစာကြည့်တိုက်ပြင်ဆင်ရေး ၂၀၁၂ ခုနှစ်မှာ သူမကို တာဝန်မပေးခင်အထိ ဒီစာကြည့်တိုက်အကြောင်းကို မသိရှိခဲ့ဘူးလို့ ဆိုပါတယ်။

“ပြီးခဲ့တဲ့နှစ်တွေမှာ ဒီစာကြည့်တိုက်ကို ပြုပြင်ထိန်းသိမ်းရေးလုပ်ငန်း တော်တော်များများ လုပ်ဆောင်ခဲ့ပါတယ်။ ဒါပေမယ့် အဆောက်အဦးဟာ ယိုယွင်းပျက်ဆီးမှုတွေ ဆက်ရှိနေပြီး၊ အပူဒဏ်မခံနိုင်တာတွေ၊ ရေဆိုးစွန့်ပစ်မှုစနစ် ပိတ်ဆို့နေတာ၊ မျက်နှာကျက်တွေ ကွဲနေတာ၊ သစ်သားတန်းတွေ ဆွေးနေတာ၊ လျှစ်စစ်ဝါယာတွေ ပေါက်မြဲနေတာမျိုးတွေလည်း ရှိနေပါတယ်” လို့ ချူနီက ပြောကြားခဲ့ပါတယ်။

အခုပြင်ဆင်အတွင်းမှာ ဆိုလာဓာတ်အားပေးစနစ်၊ ရှားပါးစာအုပ်များ သိမ်းသည့်အခန်းတွင် ဒစ်ဂျစ်တယ် သော့စနစ်၊ အခန်းအတွင်း အပူချိန်ကို ထိန်းညှိပေးနိုင်ပြီး စာအုပ်များ ပျက်ဆီးခြင်းကနေ ကာကွယ်နိုင်မယ့် လေအေးပေးစနစ် စတာတွေကိုလည်း တပ်ဆင်ခဲ့ပါတယ်။

ဒီစာကြည့်တိုက်ကို အရင်က စာပေပညာရှင်တွေ သုတေသန ပညာရှင်တွေအတွက်သာ ဖွင့်လှစ်ပေးခဲ့တာဖြစ်ပါတယ်။ အခု အများပြည်သူ ကြည့်ရှုလေ့လာနိုင်ဖို့အတွက် စာအုပ်ပြခန်းနဲ့ ကော်ဖီခန်းတစ်ခုကိုလည်း ထည့်သွင်းထားပါတယ်။

Ref qz.com