လူမည်းများအသတ်ခံရမှုကို ဆန့်ကျင်သည့် ဆန္ဒပြမှု အမေရိကန်တစ်ဝှမ်း ပြုလုပ်

ဇူလိုင် ၁၁၊ ၂၀၁၆
M-Media

– လူမည်းတွေကို ရဲတပ်ဖွဲ့က တရားလက်လွတ်ပစ်သတ်မှုနဲ့ပတ်သက်ပြီး အမေရိကန်နိုင်ငံတစ်ဝှမ်း ဆန္ဒပြမှုတွေဟာ ၅ ရက်မြောက်လာခဲ့ပြီး၊ ရဲတပ်ဖွဲ့ကတော့ အကြမ်းဖက်မှုနဲ့ ဖျက်လိုဖျက်ဆီး ပြုလုပ်မှုတွေအတွက် ထင်ရှားတဲ့ တက်ကြွလှုပ်ရှားသူတစ်ဦးအပါအ၀င် လူတော်တော်များများကို ဖမ်းဆီးခဲ့ပါတယ်။

Black Lives Matter ဆိုတဲ့ ခေါင်းစဉ်နဲ့ ပြုလုပ်တဲ့ အဲဒီဆန္ဒပြမှုတွေဟာ လွန်ခဲ့တဲ့ ၅ ရက်က လူဝီစီးယားနားပြည်နယ် ဘာတန် ရက်ဂ်မြို့မှာ ကလေး ၅ ယောက်ဖခင် အသက် ၃၇ နှစ် အရွယ် အလ်တန် စတာလင်လို့ခေါ်တဲ့ လူမည်းတစ်ဦးကို လူဖြူရဲတပ်ဖွဲ့ဝင်တွေက ပစ်သတ်ခဲ့ပြီးတဲ့နောက်ပိုင်းမှာ ပေါ်ထွက်လာခဲ့တာ ဖြစ်ပါတယ်။

စတာလင်အသတ်ခံရမှု မတိုင်ခင် မင်နီဆိုတာပြည်နယ် စာသင်ကျောင်းတစ်ခုမှာ မုန့်ရောင်းတဲ့ ဖီလန်ဒို ကက်စ်တီလီဆိုတဲ့ လူမည်းတစ်ဦးကို ရဲတပ်ဖွဲ့က ပစ်သတ်မှုတစ်ခု ဖြစ်ပွားခဲ့ပြီး ဒီအဖြစ်အပျက်ကို ကက်စ်တီလီရဲ့ ချစ်သူက ဗီဒီယိုရိုက်ကာ Facebook စာမျက်နှာမှာ လွှင့်တင်ခဲ့ပါတယ်။

ဒီကိစ္စတွေကို ဆန့်ကျင်တဲ့ ဆန္ဒပြမှုတွေအတွင်း ကြာသာပတေးနေ့က ဒါးလက်စ်မြို့မှာ အမေရိကန်စစ်သားဟောင်းတစ်ဦးဖြစ်သူ မီကာ ဂျွန်ဆင်က လူဖြူ ရဲအရာရှိ ၅ ဦးကို စနိုက်ပါနဲ့ ပစ်သတ်ခဲ့ပြီး သူက မိမိအနေနဲ့ လူဖြူတွေကို သတ်ပစ်ချင်တယ်လို့ ပြောခဲ့ပါတယ်။

အမေရိကန်သမ္မတ ဘာရက်အိုဘားမားကတော့ ဒီသီတင်းပတ်ဟာ ခက်ခဲကြမ်းတမ်းတဲ့ သီတင်းပတ်ဖြစ်တယ်လို့ ပြောကြားခဲ့ပြီး ရဲတွေကို ပစ်သတ်မှုကို အမေရိကန်က လူမျိုးပေါင်းစုံကနေ ဒေါသထွက်တာ မှန်ကန်ကြောင်း၊ စတာလင်နဲ့ ကက်စ်တီလီတို့ ရက်ရက်စက်စက် အသက်ခံရမှုအတွက် ၀မ်းနည်းပြီး ဒေါသဖြစ်တာကလည်း မှန်ကန်တယ်လို့ ပြောကြားခဲ့ပါတယ်။

Ref: Aljazeera