ပါကစ္စတန်၏ ထိပ်တန်း လူသားအကျိုးပြုသူတစ်ဦး ကွယ်လွန်

ဇူလိုင် ၁၁၊ ၂၀၁၆
M-Media

– သောကြာနေ့က ကွယ်လွန်သွားခဲ့တဲ့ ပါကစ္စတန်က ပရဟိတနဲ့ လူသားအကျိုးပြုသူတစ်ဦးဖြစ်တဲ့ အဘ်ဒူလ် ဆတ္တာရ် အဒ်ဟီရဲ့ နိုင်ငံတော်အဆင့် ဈာပနအခမ်းအနားကို စနေနေ့က ကရာချီမြို့မှာ ပြုလုပ်ခဲ့ပြီး လူထောင်ပေါင်းများစွာ တက်ရောက်ခဲ့တယ်လို့ သိရပါတယ်။

အသက် ၈၈ နှစ်အရွယ် ရှိပြီဖြစ်တဲ့ အဒ်ဟီဟာ ကျောက်ကပ်ရောဂါကို ကာလကြာရှည်စွာ ခံစားရပြီးတဲ့နောက်ပိုင်း ကရာချီဆေးရုံမှာ ကွယ်လွန်သေဆုံးသွားခဲ့တာဖြစ်ပြီး၊ လူမှုရေး၊ လူမျိုးရေး၊ ဘာသာရေးကွဲပြားမှု ဘောင်တွေကိုကျော်လွန်ကာ လူသားအကျိုးပြုလုပ်ငန်းတွေကို လုပ်ဆောင်ခဲ့တဲ့ အဒ်ဟီကို ဆုံးရှုံးခဲ့ရတဲ့အတွက် သန်း ၁၉၀ သော ပါကစ္စတန်ပြည်သူတွေက ကြေကွဲဝမ်းနည်းခဲ့ကြပါတယ်။

ကရာချီအမျိုးသားအားကစားရုံမှာ ပြုလုပ်ခဲ့တဲ့ အဲဒီဈာပနဟာ ၁၉၈၀ နောက်ပိုင်း ပထမဆုံး ပါကစ္စတန်ရဲ့ နိုင်ငံတော်အဆင့် ဈာပနဖြစ်ပြီး အစိုးရခေါင်းဆောင်များ၊ စစ်ဖက်ဆိုင်ရာအကြီးအကဲတွေနဲ့ အရပ်ဖက် အကြီးအကဲတွေအပါအ၀င် လူထောင်သောင်းချီ တက်ရောက်ခဲ့ကြပါတယ်။

‘ကရုဏာနတ်သား’ (Angel of Mercy) လို့အမည်တွင်ပြီး ပါကစ္စတန်ရဲ့ မာသာထရီဇာလို့ သမုတ်ခံရတဲ့ အဒ်ဟီဟာ ဇနီးဖြစ်သူနဲ့အတူ Edhi Foundation ကို လွန်ခဲ့တဲ့ နှစ် ၆၀ အရင်က ထူထောင်ခဲ့ပြီး အဲဒီအချိန်ကတည်းက နိုင်ငံတစ်ဝှမ်း ဆေးခန်းတွေ၊ မိဘမဲ့ကလေးဂေဟာတွေကို ဖွင့်လှစ်ပေးခဲ့ကာ အစိုးရရဲ့ ကျန်းမာရေးစောင့်ရှောက်မှု၊ လူမှုဖူလှုံရေး စနစ်တွေနဲ့ အလှမ်းကွာဝေးတဲ့ ဆင်းရဲသားလူ့အဖွဲ့အစည်းတွေအတွက် အလွန်လိုအပ်တဲ့ လူနာတင်ယာဉ်တွေကိုလည်း လှူဒါန်း ထောက်ပံ့ပေးခဲ့သူ ဖြစ်ပါတယ်။

ပါကစ္စတန် ၀န်ကြီးချုပ် နာဝက်ဇ်ရှရစ်ကတော့ မိမိတို့တိုင်းပြည်ဟာ ‘ကြီးကျယ်တဲ့ လူသားဝါဒီ’ တစ်ဦးကို ဆုံးရှုံးခဲ့ရပြီလို့ ပြောကြားခဲ့ပါတယ်။

အိန္ဒိယကို ဗြိတိန်အုပ်ချုပ်ချိန် ဂူဂျာရတ်ပြည်နယ်မှာ မွေးဖွားခဲ့တဲ့ အဒ်ဟီဟာ ၁၉၄၇ ခုနှစ်မှာ ပါကစ္စတန်ကို မိသားစုနဲ့အတူ ရွှေ့ပြောင်းလာခဲ့ပြီး၊ ဆေးစွဲနေသူတွေ၊ ပျက်ဆီးနေတဲ့အမျိုးသမီးတွေ၊ မိဘမဲ့တွေနဲ့ မသန်စွမ်းသူတွေကို အဓိကဦးတည်ကာ ပြန်လည်ထူထောင်ရေးလုပ်ငန်းတွေကို လုပ်ပေးခဲ့ပါတယ်။

ငွေကြေး ထားစရာမရှိအောင် ချမ်းသာပေမယ့် အဒ်ဟီတစ်ယောက် သူ့ရဲ့ဖောင်ဒေးရှင်းရုံးချုပ်နဲ့ ကပ်ရပ်က အခန်း ၂ ခုသာပါတဲ့ တိုက်ခန်းကျဉ်းလေးမှာ အသက်သေဆုံးတဲ့အထိ ရိုးရှင်းစွာ နေထိုင်သွားခဲ့ပါတယ်။

အဒ်ဟီဟာ အရပ်သားတွေကို ပစ်မှတ်ထားတိုက်ခိုက်တဲ့ သဘောထားတင်းမာသူတွေကိုလည်း ပွင့်ပွင့်လင်းလင်း ရှုတ်ချလေ့ရှိပြီး၊ အစိုးရရဲ့ စီမံခန့်ခွဲမှု ညံ့ဖျင်းခြင်း၊ ချစားခြင်း၊ လူချမ်းသာတွေကို အခွန်လျော့ပေါ့ပေးခြင်း စတာတွေအတွက်လည်း ဝေဖန်ခဲ့သူတစ်ဦး ဖြစ်ပါတယ်။

Ref; Aljazeera