အီရတ်တွင် ထိပ်တန်းတပ်မှူးတစ်ဦး သေဆုံးကြောင်း IS အတည်ပြု

ဇူလိုင် ၁၄၊ ၂၀၁၆
M-Media

– IS အကြမ်းဖက်အဖွဲ့၏ ထိပ်တန်းတပ်မှူးတစ်ဦးဖြစ်သူ အိုမာရ် အလ်-ရှီရှာနီမှာ အီရတ်နိုင်ငံရှိ တိုက်ပွဲတစ်ခုတွင် သေဆုံးသွားခဲ့ပြီဟု ထိုအကြမ်းဖက်အဖွဲ့နှင့် နီးစပ်သည့် ၀ဘ်ဆိုက်တစ်ခုက အတည်ပြု ပြောကြားခဲ့သည်။

ယမန်နေ့က ထိုကဲ့သို့ ပြောကြားခဲ့ခြင်းဖြစ်ပြီး ရှီရှာနီမှာ မူဆိုးလ်မြို့အား ပြန်လည်သိမ်းပိုက်ရေး အီရတ်စစ်တပ်၏ ထိုးစစ်အတွင်း ရှာရ်ကက်မြို့တိုက်ပွဲတွင် သေဆုံးခဲ့ခြင်းဖြစ်သည်ဟု ဆိုသော်လည်း သေဆုံးခဲ့သည့် အချိန်အတိအကျကို ထုတ်ဖော်ခဲ့ခြင်းမရှိပေ။

အီရတ်နိုင်ငံတွင် ယခုနှစ်အတွင်း နယ်မြေဆုံးရှုံးမှုများကို ခံစားနေရသော IS အတွက် ရှီရှာနီသေဆုံးမှုမှာ ထိုးနှက်ချက်တစ်ခုလည်း ဖြစ်သည်။ မူဆိုးလ်မြို့မှာ အီရတ်နိုင်ငံတွင် IS က ထိန်းချုပ်ထားနိုင်သည့် တစ်ခုတည်းသောမြို့ ဖြစ်သည်။

အမေရိကန်ရှိ ပင်တဂွန်စစ်ဌာနချုပ်ကမူ မိမိတို့တပ်ဖွဲ့ဝင်များမှာ ရှီရှာနီကို သတ်ပစ်နိုင်ခဲ့ပြီး ၎င်းသေဆုံးမှုက အီရတ်၊ ဆီးရီယားနှင့် အခြားနေရာများတွင် IS ၏ စစ်ဆင်ရေးများကို ရပ်တန့်သွားစေနိုင်သည်ဟု မတ်လအတွင်းက ကြေငြာခဲ့သည်။

IS အဖွဲ့က အီရတ်ရှိ နယ်မြေများကို သိမ်းပိုက်နိုင်မှုတွင် အရေးပါသည့် အခန်းကဏ္ဍမှ ပါဝင်ခဲ့သူ ရှီရှာနီမှာ အမေရိကန်ကပြုလုပ်ခဲ့သည့် လေကြောင်းတိုက်ခိုက်မှုတွင် သေဆုံးခဲ့သည်ဟု အမေရိကန် တာဝန်ရှိသူများက ပြောကြားခဲ့သော်လည်း မည်သည့်နေရာတွင် မည်သို့ သေဆုံးခဲ့ခြင်းဆိုသည်ကို အသေးစိတ် ထုတ်ဖော်ပြောဆိုခဲ့ခြင်းမရှိချေ။

Ref: Aljazeera