နျူသဘောတူစာချုပ်ကို ဖောက်ဖျက်ပါက နျူအစီအစဉ် ပြန်စသွားမည်ဟု အီရန်ပြော

ဇူလိုင် ၁၄၊ ၂၀၁၆
M-Media

– မိမိတို့နိုင်ငံရဲ့ နျူလုပ်ငန်းစဉ်ကို ကန့်သတ်ထားတဲ့ သဘောတူစာချုပ်ကို အင်အားကြီးနိုင်ငံတွေက ဖောက်ဖျက်မယ်ဆိုရင် မိမိတို့အနေနဲ့ နျူအစီအစဉ်ကို ချက်ခြင်းပြန်လည်စတင်နိုင်တဲ့ အခြေအနေမျိုး ရှိနေတယ်လို့ အီရန်သမ္မတ ဟာဆန်ရူဟာနီက ပြောကြားလိုက်ပါတယ်။

JCPOA လို့ခေါ်ပြီး အမေရိကန်အပါအ၀င် အင်အားကြီး ၆ နိုင်ငံနဲ့ ၂၀၁၅ ခုနှစ် ဇူလိုင်လ ၁၄ ရက်နေ့မှာ လက်မှတ်ရေးထိုးခဲ့တဲ့ အဲဒီစာချုပ် ချုပ်ဆိုနိုင်မှု တစ်နှစ်ပြည့်အဖြစ် ယမန်နေ့ တီဟီရန်မှာပြုလုပ်တဲ့ အခမ်းအနားမှာ အီရန်သမ္မတက ဒီလိုပြောကြားလိုက်တာဖြစ်ပြီး၊ မိမိတို့အနေနဲ့ စာချုပ်ကို အပြည့်အ၀ လိုက်နာသွားမှာဖြစ်ကြောင်း၊ တစ်ဖက်က ချိုးဖောက်ရင်တော့ နျူအစီအစဉ်ကို လျင်လျင်မြန်မြန်ပဲ ပြန်စသွားမှာဖြစ်ကြောင်း ထည်သွင်းပြောကြားခဲ့ပါတယ်။

အဲဒီ သဘောတူညီချက်အရ အီရန်က ၎င်းရဲ့နျူအစီအစဉ်ကို ကန့်သတ်ပေးဖို့နဲ့ နိုင်ငံတကာ နျူကလီးယားစောင့်ကြည့်သူများ ၀င်ရောက်လေ့လာနိုင်ရေး ခွင့်ပြုပေးဖို့ သဘောတူထားပြီး အပြန်အလှန်အနေနဲ့ အမေရိကန်၊ ကုလသမဂ္ဂ၊ ဥရောပသမဂ္ဂတို့က အီရန်အပေါ် ပိတ်ဆို့ထားတဲ့ နျူကလီးယားနဲ့ပက်သက်တဲ့ အရေးယူမှုအားလုံးကို ဖယ်ရှားပေးရမှာ ဖြစ်ပါတယ်။

“တကယ်လို့ တစ်ချိန်ချိန်မှာ အင်အားကြီး ၆ နိုင်ငံက သူတို့ရဲ့ ကတိက၀တ်ကို မလိုက်နာတော့ဘူးဆိုတဲ့ အခါမျိုးကျရင် နျူကလီးယားအင်အားကို အချိန်တိုတိုအတွင်းမှာ ကျွန်တော်တို့ရောက်ရှိချင်တဲ့ အဆင့်အထိ ရောက်အောင် ဆောင်ရွက်နိုင်တဲ့ အဆင့်မျိုး ကျွန်တော်တို့ ပြင်ဆင်ထားပါတယ်” လို့ ရူဟာနီက သတိပေးခဲ့ပါတယ်။

ဒါပေမယ့် ဒီသဘောတူညီချက်ဟာ နိုင်ငံအားလုံး၊ ကမ္ဘာကြီးငြိမ်းချမ်းရေး၊ လုံခြုံရေး၊ တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးတို့အတွက် အကျိုးရှိမှာဖြစ်ပြီး စာချုပ်ဖောက်ဖျက်ရင်တော့ အားလုံး အကျိုးယုတ်သွားမယ်လို့ သမ္မတက ထပ်လောင်းပြောကြားခဲ့ပါတယ်။

Ref: Presstv