အ၀လွန်သူများတွင် နှလုံးနှင့် ဆီးချိုရောဂါအန္တရာယ် ပိုများ

ဇူလိုင် ၁၅၊ ၂၀၁၆
M-Media

– အ၀လွန်တဲ့သူတွေမှာ သွေးအတွင်း သကြားဓာတ်ထိန်းချုပ်မှုဟာ ဆိုးဝါးလာလေ့ရှိတာကြောင့် ဆီးချိုနဲ့ နှလုံးရောဂါ ဖြစ်ပွားမှုနှုန်းကို တိုးလာစေတယ်လို့ အမေရိကန်ပြည်ထောင်စုမှာပြုလုပ်တဲ့ သုတေသနတစ်ခုမှာ တွေ့ခဲ့ရပါတယ်။

တက္ကဆက်တက္ကသိုလ်က ပြုလုပ်ခဲ့တာဖြစ်ပြီး အမေရိကန်မှာ အ၀လွန်သူတွေအကြား သွေးဖိအားနဲ့ ကိုလက်စထရောအဆင့်တွေဟာ အများအားဖြင့် တည်ငြိမ်နေလေ့ရှိပြီး သွေးတွင်းသကြားဓာတ်ထိန်းချုပ်မှု ဆိုးရွားမှုကြောင့် ၁၉၈၈ နဲ့ ၂၀၁၄ ကြားမှာ နှလုံးရောဂါဖြစ်ပွားမှုနှုန်း ၃၇ ရာခိုင်နှုန်း မြင့်တက်လာကို တွေ့ခဲ့ရပါတယ်။

“နှလုံးရောဂါလက္ခဏာတွေရှိတဲ့ အ၀လွန်သူတွေဟာ ပိုပြီး တင်းကျပ်တဲ့ နေထိုင်စားသောက်မှုတွေ လိုအပ်ပါတယ်၊ ဥပမာ ခန္ဓာကိုယ်အလေးချိန်ကျဆင်းစေဖို့နဲ့ သွေးတွင်းသကြားဓာတ်ကိုထိန်းချုပ်ဖို့ ကျန်းမာတဲ့အစာအာဟာရနဲ့ ကိုယ်လက်လှုပ်ရှားမှုတွေပါ” လို့ တက္ကဆက်တက္ကသိုလ်က လက်ထောက်ပါမောက္ခ ဒေါက်တာ ဖန်ဂျီယန် ဂူအိုက ပြောကြားခဲ့ပါတယ်။

အ၀လွန်ခြင်းကြောင့် သွေးတွင်းသကြားဓာတ်ကို ထိန်းညှိပေးဖို့ ခန္ဓာကိုယ်ရဲ့ စွမ်းဆောင်ရည်ကို ကျဆင်းစေပါတယ်။ အချိန်ကြာလာတဲ့အခါ သွေးတွင်းသကြားဓာတ်တွေ စုပုံလာပြီး အမျိုအစား ၂ ဆီးချိုကို ဖြစ်စေနိုင်တယ်လို့ သုတေသီများက ဆိုပါတယ်။

ဆီးချိုကနေ တစ်ဖန် နှလုံးရောဂါနဲ့ အမြင်အာရုံဆုံးရှုံးခြင်း၊ ခြေလက်ဖြတ်တောက်ရခြင်းအထိ ဖြစ်စေနိုင်ပြီး၊ ကိုယ်အလေးချိန်ထိန်းချုပ်ခြင်းအားဖြင့် ဒီဖြစ်စဉ်တွေကို ပြောင်းပြန်ဖြစ်စေနိုင်တယ်လို့ လေ့လာမှုမှာ တွေ့ရှိခဲ့ရပါတယ်။

Ref : IINA