ဖီဖာအဆင့်သတ်မှတ်ချက်တွင် အီရန်အသင်း အာရှကို ဦးဆောင်

ဇူလိုင် ၁၆၊ ၂၀၁၆
M-Media

– ဇူလိုင်လအတွက် ဖီဖာ၏ ကမ္ဘာ့အဆင့်သတ်မှတ်ချက်များ ထုတ်ပြန်ခဲ့ရာ အီရန်နိုင်ငံမှာ အာရှတွင် ထိပ်ဆုံး၌ ရပ်တည်နေသည်ဟု သိရသည်။

ကမ္ဘာ့ ထိပ်ဆုံး ၅ သင်းစာရင်းမှာ ပြောင်းလဲမှုမရှိဘဲ အာဂျင်တီးနားအသင်းက နံပါတ် ၁ နေရာ ရယူထားကာ ၎င်း၏နောက်တွင် ဘယ်လ်ဂျီယံ၊ ကိုလံဘီယာ၊ ဂျာမနီနှင့် ချီလီတို့က အသီးသီးရှိနေကြသည်။ ယူရို ၂၀၁၆ ချန်ပီယံ ပေါ်တူဂီမှာ အဆင့် ၂ ဆင့်တက်လာကာ အဆင့် ၆ သို့ ရောက်ရှိလာခဲ့သည်။

ယူရို ဒုတိယရခဲ့သည့် ပြင်သစ်သင်းမှာ ၁၀ ဆင့်တက်လာကာ အဆင့် ၇ သို့ ရောက်ရှိခဲ့သည်။ အဆင့် ၈၊ ၉၊ ၁၀ တွင် စပိန်၊ ဘရာဇီးလ်နှင့် အီတလီတို့က အသီးသီး ရှိနေသည်။

အီရန်နိုင်ငံကမူ ကမ္ဘာ့အဆင့် ၃၉ ဖြင့် အာရှတွင် ဦးဆောင်နေကာ တောင်ကိုရီးယား၊ ဥဇဘက်ကစ္စတန်နှင့် ဂျပန်တို့က ၎င်း၏နောက် အသီးသီး ရှိနေကြသည်။

Ref: Press TV