မာစီးဒီးစ်၏ မောင်းသူမဲ့ ဘတ်စ်ကား စမ်းသပ်မှု စံချိန်သစ်တင်

ဇူလိုင် ၁၉၊ ၂၀၁၆
M-Media

– ကမ္ဘာကျော် ကားအမှတ်တံဆိပ် Mercedes ၏ မောင်းသူမဲ့ ဘတ်စ်ကား ၀န်ဆောင်မှု စမ်းသပ်အစီအစဉ်ဖြစ်သော CityPilot ၏ စမ်းသပ်မှုတစ်ခုတွင် ၁၂.၄ မိုင်အထိ မောင်းနှင်ကာ မောင်းသူမဲ့ ဘတ်စ်ကားနယ်ပယ်တွင် အဝေးဆုံး မောင်းနှင်နိုင်သည့် စံချိန်သစ် တင်နိုင်ခဲ့သည်ဟု သိရသည်။

Mercedes-Benz အမျိုးအစား မောင်းသူမဲ့ကားဖြစ်ပြီး နယ်သာလန်နိုင်ငံ အမ်စတာဒမ်ရှိ Schiphol လေဆိပ်သို့ အနီးရှိ Haarlem မြို့မှ မောင်းနှင်ခဲ့ခြင်းဖြစ်သည်။

လူထိန်းချုပ်မှုကင်းသော သယ်ယူပို့ဆောင်ရေးနစ်သို့ ကူးပြောင်းရန် အဓိကကျသည့် အဆိုပါ မောင်းနှင်မှုတွင် ဘတ်စ်ကားမှာ မီးပွိုင့်များတွင် ရပ်နားခြင်း၊ မြေအောက်လှိုင်ခေါင်းများသို့ ဖြတ်သန်းဝင်ရောက်ခြင်း၊ လမ်းသွားလမ်းလာများအား ရှောင်တိမ်းခြင်း စသည့် လုပ်ဆောင်မှုများကိုလည်း အောင်မြင်စွာ လုပ်ဆောင်နိုင်ခဲ့သည်။

Mercedes ၏ အဆိုပါ CityPilot အစီအစဉ်ကို လွန်ခဲ့သည့် ၂ နှစ်က စတင်ခဲ့ခြင်းဖြစ်ပြီး ယခုအောင်မြင်မှုမှာ အဓိကကျသည့် အောင်မြင်မှုလည်းဖြစ်သည်။

Ref: Techcrunch