မြူးနစ်ပစ်ခတ်မှုမှာ စိတ်ရူးထသည့် လုပ်ရပ်ဖြစ်ကြောင်း ဂျာမနီရဲတပ်ဖွဲ့ပြော

ဇူလိုင် ၂၄၊ ၂၀၁၆
M-Media

– သောကြာနေ့ညပိုင်းက မြူးနစ်မြို့ရှိ ရှော့ပင်းမောသို့ ၀င်ရောက်ကာ သေနတ်ဖြင့်ပစ်ခတ်ခဲ့သူမှာ အစုလိုက်အပြုံလိုက်သတ်ဖြတ်မှုကို စိတ်ဝင်စားနေသူဖြစ်ကြောင်း ဂျာမနီရဲတပ်ဖွဲ့က ပြောကြားလိုက်သည်။

အသက် ၁၈ နှစ်အရွယ် အဆိုပါသေနတ်သမားမှာ အနက်ရောင်ဝတ်စုံဝတ်ကာ ရှော့ပင်းမောထဲသို့ ၀င်ရောက် ပစ်ခတ်ခဲ့ခြင်းဖြစ်ပြီး လူ ၉ ဦးသေဆုံးခဲ့ကာ ၁၆ ဦး ဒဏ်ရာရရှိခဲ့သည်။ နောက်ပိုင်းတွင် သေနတ်သမားမှာ ၎င်းကိုယ်ကို သေနတ်ဖြင့် ပစ်သတ်ခဲ့သည်။

ရဲတပ်ဖွဲ့ကမူ ထိုသေနတ်သမား၏နေအိမ်သို့ ၀င်ရောက်ရှာဖွေရာတွင် Rampage in Head: Why Students Kill ကဲ့သို့ လူ အစုလိုက်အပြုံလိုက် သတ်ဖြတ်ခံရမှုနှင့် ပတ်သက်သည့် စာအုပ်အများအပြားကို တွေ့ရှိခဲ့ရပြီး ထိုကျူးလွန်မှုကို ၎င်းတစ်ဦးတည်း ကျူးလွန်ခဲ့ခြင်းဖြစ်သည်ဟု ယုံကြည်ရကြောင်း ရဲတပ်ဖွဲ့က ဆိုသည်။

သေဆုံးသူ ၉ ဦးတွင် ၃ ဦးမှာ မိမိတို့နိုင်ငံသားများဖြစ်သည်ဟု ကိုဆိုဗိုမှ ကြေငြာခဲ့ပြီ မြူးနစ်ရဲတပ်ဖွဲ့ကမူ ဒဏ်ရာရသူများတွင် ကလေးငယ်များ ပါဝင်သည်ဟု ပြောကြားခဲ့သည်။

မြူးနစ်ရဲတပ်ဖွဲ့အကြီးအကဲ ဟူဘာတက်စ်ကလည်း ထိုတိုက်ခိုက်မှုတွင် လွန်ခဲ့သည့် ၅ နှစ်က နော်ဝေနိုင်ငံ၌ လူအစုလိုက်အပြုံလိုက်ကို သေနတ်ဖြင့် ပစ်သတ်ခဲ့သည့် အန်ဒရက်စ် ဘရီဗစ်၏ လုပ်ရပ်က အဓိက အခန်းကဏ္ဍမှ ပါဝင်ကြောင်း၊ ယခု ကျူးလွန်သူမှာ စိတ်ရူးထသူတစ်ဦးက ပြုလုပ်သည့် လုပ်ရပ်မျိုးဖြစ်ပြီး၊ အစုလိုက်အပြုံလိုက် ပစ်ခတ်မှုကို စိတ်ဝင်စားမှု ပုံစံမျိုးဖြစ်ကြောင်း ပြောကြားခဲ့သည်။

Ref: Aljazeera