ခွဲခြားမှု၊ အစွန်းရောက်မှုတွေနဲ့ ငြိမ်းချမ်းရေး အလှမ်းဝေးနေသေးတဲ့ အာဖဂန်နစ္စတန်

ဇွန် ၂၄၊ ၂၀၁၆
M-Media

– မြို့တော် ကဘူးလ်မှာ စနေနေ့ကပြုလုပ်ခဲ့တဲ့ ချီတက်ဆန္ဒပြပွဲတစ်ခုမှာ အသေခံဗုံးခွဲမှု ၂ ခုကြောင့် လူပေါင်း ၈၀ သေဆုံးခဲ့ပြီး ၂၃၀ ဒဏ်ရာရရှိခဲ့တဲ့အတွက် အာဖဂန်နစ္စတန်က နိုင်ငံတော်ဝမ်းနယ်ဖွယ်နေ့အဖြစ် ကြေငြာလိုက်ပါတယ်။

ရုပ်မြင်သံကြားကနေပြုလုပ်တဲ့မိန့်ခွန်းမှာ အာဖဂန်သမ္မတ အရ်ှရက်ဖ် ဂါနီက အဲဒီတိုက်ခိုက်မှုအတွက် တာဝန်ရှိသူတွေကို အပြစ်ပေးသွားမယ်လို့ ကတိပြုခဲ့ပါတယ်။

“အပြစ်ရှိသူတွေအားလုံးကို ကျွန်တော် လက်စားချေသွားမှာပါ” လို့ ဒီနေ့မှာ ပြုလုပ်တဲ့ နိုင်ငံတော်ဝမ်းနည်းဖွယ်နေ့ ကြေငြာမှုမှာ ဂါနီက ပြောကြားခဲ့ပါတယ်။

အာဖဂန်ဆိုင်ရာ ကုလသံအမတ် တာဒါမီချီ ယာမာမိုတိုကတော့ ဒီတိုက်ခိုက်မှုကို ရှုတ်ချခဲ့ပြီး စစ်ရာဇ၀တ်မှုဖြစ်တယ်လို့ ဆိုပါတယ်။ အမေရိကန်ကလည်း ဒီကိစ္စကို စုံစမ်းစစ်ဆေးမှုမှာ ကူညီပေးသွားမယ်လို့ ဆိုပါတယ်။

အာဖဂန်ပြည်ထဲရေးဝန်ကြီးဌာနက နောက်ထပ် ၁၀ ရက်အတွင်း လူစုလူဝေးတွေ မပြုလုပ်ဖို့ အမိန့်ထုတ်ပြန်ခဲ့ပါတယ်။

အဲဒီ စနေနေ့တိုက်ခိုက်မှုဟာ နိုင်ငံရဲ့ ဓာတ်အားလိုင်းအသစ်က သူတို့နေထိုင်ရာ ပြည်နယ်တွေကို ကျော်သွားတာကို မကျေနပ်တဲ့အတွက် ထောင်ပေါင်းများစွာသော ဟာဇာရာလူနည်းစုတွေရဲ့ ဆန္ဒပြမှုအတွင်း ဖြစ်ပွားခဲ့တာ ဖြစ်ပါတယ်။

“IS အဖွဲ့က တိုက်ခိုက်ရေးသမား ၂ ယောက်ဟာ အာဖဂန်နစ္စတန်က ကဘူးလ်မြို့မှာ ပြုလုပ်တဲ့ ရှီယိုက်တွေရဲ့ ဆန္ဒပြမှုအတွင်းမှာ အသေခံဗုံးခွဲခဲ့ပါတယ်” လို့ IS နဲ့ ဆက်နွယ်နေတဲ့ ၀ဘ်ဆိုက် Amaq မှာ ဖော်ပြထားပါတယ်။

အာဖဂန်ရဲ့ အဓိကထောက်လှမ်းရေး အေဂျင်စီဖြစ်တဲ့ NDS က တာဝန်ရှိသူတွေကတော့ ဒီတိုကခိုက်မှုဟာ နန်ဂါဟာပြည်နယ် အာချင်ခရိုင်အခြေစိုက်တဲ့ အဘူအလီလို့ခေါ်တဲ့လူက IS အဖွဲ့ဝင် တိုက်ခိုက်ရေးသမားတစ်ဦးဖြစ်သူ ပြုလုပ်တာဖြစ်ပြီး ဗုံးခွဲသမား ၃ ဦး ပါဝင်တယ်လို့ ပြောကြားခဲ့ပါတယ်။

အခင်းဖြစ်ပွားပြီးပြီးချင်း အရေးပေါ်ကားတွေ အခင်းဖြစ်ရာနေရာကို အလျင်အမြန်သွားရောက်ခဲ့ပြီး အာဏာပိုင်တွေက လမ်းဆုံတွေကို ပိတ်ခဲ့ကာ ဆန္ဒပြမှုတွေကို ထိန်းချုပ်ဖို့အတွက် ကွန်တိန်နာတွေကိုလည်း လမ်းခွတွေမှာ ချထားခဲ့ပါတယ်။

“ပေါက်ကွဲမှုဖြစ်ပွားတဲ့နေရာနဲ့ မီတာအနည်းအငယ်အကွာက လူအုပ်ကြီးထဲမှာ ကျွန်တော် ရှိနေတာပါ။ တော်တော်အသံကျယ်ပြီး ကျွန်တော်လည်း တော်တော်လေး တုန်လှုပ်ခဲ့ပါတယ်။ အဲဒီနေရာမှာ အလောင်းတွေ ပြန့်ကျဲတာကိုလည်း ကျွန်တော် တွေ့ခဲ့ပါတယ်။ ဒီနိုင်ငံမှာ လူ့အသက်တွေက တန်ဖိုးမရှိတော့ဘူးလားဗျာ” လို့ ဆန္ဒပြမှုမှာ ပါဝင်ခဲ့သူ မဟ်ဒီအလီက ပြောကြားခဲ့ပါတယ်။

တိုက်ခိုက်မှုအတွင်းမှာ သူငယ်ချင်းဖြစ်သူ ဆုံးရှုံးခဲ့ရတဲ့ ဆန္ဒပြသူတစ်ဦးကတော့ မိမိတို့အနေနဲ့ အစိုးရအပေါ်မှာ မျှော်လင့်ချက်တွေ ဆုံးရှုံးလာခဲ့ပြီး ဒီထိခိုက်ခံစားရမှုကနေ ပြန်လည်နလန်ထူလာမှာ မဟုတ်ဘူးလို့ ဆိုပါတယ်။

“ကျွန်တော်တို့ဟာ ကျွန်တော်တို့ရဲ့အခွင့်အရေးကို ငြိမ်းချမ်းစွာ တောင်းဆိုကြသူတွေပါ။ ကျွန်တော်တို့ ဘယ်သူ့ကို နာကျင်စေခဲ့လို့လဲဗျာ။ ကျွန်တော့်သူငယ်ချင်းကို ဘာ့ကြောင့် ဆုံးရှုံးခဲ့ရတာလဲ။ သူ အသက်ပေးရတာ ထိုက်တန်ရဲ့လား။ ကျွန်တော်တို့ တော်တော်လေး တုန်လှုပ်မိပါတယ်” လို့ ဆန္ဒပြသူတစ်ဦးဖြစ်တဲ့ ဇာဖာရ်က ဆိုပါတယ်။

စနေနေ့ကဖြစ်ခဲ့တဲ့ ဒီတိုက်ခိုက်မှုဟာ နှစ်ငယ်အနည်းငယ်အတွင်း ကဘူးလ်မှာဖြစ်ပွားခဲ့တဲ့ တိုက်ခိုက်ခိုက်မှုတွေထဲမှာ အဆိုးဆုံးလည်းဖြစ်ပါတယ်။ အရင်က IS ဟာ အာဖဂန်နိုင်ငံအရှေ့ပိုင်းမှာသာ အသေခံတိုက်ခိုက်မှုတွေပြုလုပ်ခဲ့ပြီး အခု ကဘူးလ်ကိုတိုက်ခိုက်မှုဟာ သူတို့အဖွဲ့ရဲ့ လုပ်နိုင်စွမ်းကို ပြသလိုက်တာလည်း ဖြစ်ပါတယ်။

တာလီဘန်ကတော့ ဒီတိုက်ခိုက်မှုမှာပါဝင်မှုမရှိဘူးလို့ ငြင်းဆိုခဲ့ပြီး ဒါဟာ ပြည်တွင်းစစ်မီးမွှေးဖို့အတွက် လုပ်ကြံမှုတစ်ခုသာဖြစ်တယ်လို့ ကြေငြာချက်မှာ ဖ်ာပြထားပါတယ်။

ပါရှန်စကားပြောတဲ့ ဟာဇာရာလူမျိးတွေဟာ အာဖဂန်လူဦးရေရဲ့ ၉ ရာခိုင်နှုန်းရှိပြီး နိုင်ငံရဲ့ တတိယအများဆုံး လူနည်းစုဖြစ်ပါတယ်။ ဒါပေမယ့် သူတို့ဟာ ခွဲခြားဆက်ဆံမှုကို အချိန်အတော်ကြာ ခံစားခဲ့ရပြီး တာလီဘန်အစိုးရလက်ထက်မှာ ထောင်ပေါင်းများစွာ အသတ်ခံခဲ့ရပါတယ်။

အလယ်အာရှနိုင်ငံတွေဖြစ်တဲ့ တာ့ခ်မန်နစ္စတန်၊ ဥဇဘက်ကစ္စတန်၊ တာဂျစ်ကစ္စတန်၊ အာဖဂန်နစ္စတန်နဲ့ ပါကစ္စတန်တို့ကို ဆက်သွယ်မယ့် ၅၀၀ ကီလိုဗိုလ် TUTAP ဓာတ်အားလိုင်းစီမံကိန်းဟာ စောစောပိုင်းက နိုင်ငံအလယ်ပိုင်း နန်ဂါဟာပြည်နယ်ကို ဖြတ်သန်းဖို့ သတ်မှတ်ထားတာပါ။

ဒါပေမယ့် ဒီလမ်းကြောင်းကို အာဖဂန်အစိုးရက ပြောင်းလဲခဲ့ပြီး ကာဘူးလ်မြောက်ဘက် တောင်တန်းများထူထပ်ရာ ဒေသကနေတစ်ဆင့် သွယ်တန်းဖို့ စီစဉ်ခဲ့တာဖြစ်ပါတယ်။ အစိုးရက ဒီလို လမ်းကြောင်းတိုအောင် ဆောင်ရွက်မှုဟာ စီမံကိန်းကို ပိုမိုမြန်ဆန်စေပြီး ဒေါ်လာသန်းပေါင်းများစွာ သက်သာစေမယ်လို့ ပြောကြားခဲ့ပါတယ်။

ဟာဇာရာလူမျိုးစုခေါင်းဆောင်တွေကတော့ အစိုးရရဲ့ ဒီအစီအစဉ်ကို ရှုတ်ချခဲ့ပြီး မိမိတို့လူ့အဖွဲ့အစည်းကို ဘေးဖယ်ထုတ်လိုတဲ့ ဆောင်ရွက်မှုသာဖြစ်တယ်လို့ ပြောကြားခဲ့ကြပါတယ်။

Ref: Aljazeera

(Aljazeera သတင်းဌာနတွင် ဖော်ပြထားသည့် Afghanistan mourns protest blast victims ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်။)