ဘာသာအလိုက် လူဦးရေစာရင်းအပေါ် မွတ်စလင်မ် ခေါင်းဆောင်များ၏ သုံးသပ်ချက် (၂)

ဇူလိုင်၂၅ ၊ ၂၀၁၆
M-Media
မိုးစက် ဆက်သွယ်မေးမြန်းသည်။
.
၂၀၁၄ လူဦးရေနှင့် အိမ်အကြောင်းအရာ ကိုးကွယ်သည့် ဘာသာဆိုင်ရာ အချက်လက်များ ထုတ်ပြန်ခြင်း အခမ်းအနားကို ဇူလိုင်လ ၂၁ ရက်နေ့က နေပြည်တော်မှာကျင်းပခဲ့ရာ ပြည်ထောင်စု ဝန်ကြိး ဦးသိန်းဆွေမှ အောက်ပါအတိုင်း ထုတ်ပြန်ကြေညာသွားပါတယ်။
.
ဗုဒ္ဓဘာသာ-၈၇.၉ %
ခရစ်ယာန်ဘာသာ- ၆.၂ %
အစ္စလာမ်- ၄.၃ %
ဟိန္ဒူ- ၀.၅ %
နတ်ကိုးကွယ်သူ- ၀.၈%
အခြား- ၀.၂ %
ဘာသာမဲ့- ၀.၁ %
(စာရင်းကောက်ယူနိုင်ခြင်းမရှိသည့် ရခိုင်ပြည်နယ်မှ အစ္စလာမ်ဘာသာဝင်များ ထည့်သွင်းတွက်ချက်ထားသည့် စာရင်းဖြစ်သည်။)
.
အဆိုပါ စာရင်း ထုတ်ပြန်မှုနှင့် ပတ်သက်ပြီး အစ္စလာမ်ဘာသာ အဖွဲ့အစည်းတချို့ မှ ခေါင်းဆောင်များကို M-Media မှ ဆက်သွယ်ပြီး ၄င်းတို့ရဲ့ အမြင်များကို မေးမြန်းခဲ့ပါတယ်။ ဇူလိုင်လ (၂၄) ရက်နေ့ က အပိုင်း(၁) အဖြစ် ဖော်ပြခဲ့ပြီး ယခု ကျန်ရှိနေတဲ့ အပိုင်းကို ထပ်မံ၍ ဖော်ပြလိုက်ပါတယ်။
.
အလ်ဟဂ်ျ ဦးအေးလွင် (အစ္စလာမ်ဓမ္မဗိမာန် ဦးဆောင်ဆော်သြရေးမှူး)
(ဘာသာပေါင်းစုံ ငြိမ်းချမ်းရေးအဖွဲ့ကို ထူထောင်သူတွေထဲမှာ ပါဝင်သူတဦး)
————————————————————————-

အခု ထုတ်ပြန်လိုက်တဲ့ လူဦးရေစာရင်းက တိကျမှန်ကန်မှု မရှိပါဘူး။ အစ္စလာမ် ဘာသာဝင် လူဦးရေ ဒီထက်များတယ်ဆိုတာ အသိအသာကြီးပါ။ ဒါတွေဟာ ဘာကြောင့်လည်း ဆိုရင်တော့ Technical Error လို့ ခေါ်တဲ့ နည်းပညာဆိုင်ရာ ချွတ်ချော်မှုတွေပဲလို့တော့ ထင်ပါတယ်။ တချို့ဟာတွေလည်း ရှိမှာပါ။ သူများတွေကိုတော့ မစွပ်စွဲချင်တော့ပါဘူး။
.
အရှိတရားတွေကို အရှိတရားအတိုင်းပဲ ထားစေချင်တယ်။ မဟုတ်ရင် တိုင်းပြည်က ချွတ်ခြုံ ကျနေဦးမှာပဲ။ နိုင်ငံတော်သစ် တည်ထောင်တော့မယ်ဆိုရင် စီမံခန့်ခွဲမှုအပိုင်းတွေလိုတယ်။ တိကျမှုမရှိတဲ့ ကိန်းဂဏန်းတွေနဲ့ ရှေ့ဆက်ပြီး သွားမယ်ဆိုရင်တော့ တိုးတက်ထူးခြားမှုတွေဆိုတာလည်း ဖြစ်လာမှာ မဟုတ်ပါဘူး။

..xxxxxxxxxxxxxxxxxxxxxxxxxxxxxxxxxxxxxxx

အလ်ဟဂ်ျ  ဦးမြင့်ထွန်း (ဥက္ကဌ၊ မြန်မာမွတ်စလင်မ်လူငယ်များ(ဘာသာရေး)အဖွဲ့)
(သမ္မတဦးသိန်းစိန် လက်ထက်ဖွဲစည်းခဲ့သည့် ရခိုင် ပဋိပက္ခအရေး စုံစမ်းစစ်ဆေးရေးကော်မရှင် အဖွဲ့ဝင်)
——————————————————

ထွက်လာတဲ့ ရာခိုင်နှုန်းက အပြည့်မှန်တယ်လို့ ကျွန်တော်တော့ မထင်ပါဘူး။ အားနည်းချက်တွေ ရှိနေတယ်လို့ပဲ ထင်ပါတယ်။ နှစ်ဦးနှစ်ဖက် အားနည်းချက်တွေပေါ့။ ကျွန်တော်တို့ အစ္စလာမ်ဘာသာဝင်တွေဘက်ကည်း သန်းခေါင်းစာရင်း လာကောက်တဲ့အချိန်မှာ နိုင်ငံရပ်ခြားမှာသွားပြီး အလုပ်လုပ်နေတဲ့သူတွေကို ထည့်မပြောတာမျိုးတို့၊ မှတ်ပုံတင်လုပ်ရတာ မလွယ်လို့ လွယ်အောင် အဆင်ပြေတဲ့ ဘာသာနာမည်ပဲ ရေးပြီး လုပ်ထားတာမျိုးတွေ အဲ့ဒါမျိုးတွေတော့ ရှိပါတယ်။ စာရင်းကောက်တဲ့ လူတွေဘက်ကလည်း ရေးမှတ်တာတွေမှားတာ၊ နားလည်မှုတွေ လွဲတာတွေလည်း ဖြစ်နိုင်ပါတယ်။ တစ်ဖက်နဲ့တစ်ဖက် သဟဇာတဖြစ်မှုတွေက အားနည်းနေတာပါ။
.
ကျွန်တော်ထင်တာကတော့ လူဦးရေက ခုထုတ်ပြန်တာထက် တော်တော်ပိုမယ် ထင်ပါတယ်။ ၅ နဲ့ ၆ ကြားလောက် ရှိနိုင်ပါတယ်။ ရခိုင်ပြည်နယ်မှာ ကောက်တဲ့စာရင်းကလည်း လ.ဝ.က က ကိုင်ထားတော့ တိတိကျကျ မသိရဘူး။
.
ခုလိုမျိုး သန်းခေါင်းစာရင်းကောက်တာတွေကိုသာ (၁၀) နှစ် တစ်ကြိမ်လောက် အစိုးရဘက်က လုပ်ပေးနိုင်ရင်တော့ အကောင်းဆုံးပဲလို့ ထင်ပါတယ်။ ဒါမှပဲ စာရင်းကောက်တဲ့လူတွေလည်း အသားကျပြီးတော့ မှန်မှန်ကန်ကန် လုပ်ဆောင်နိုင်မယ်။
.
ကျွန်တော်တို့ ဘာသာရေးအဖွဲ့အစည်းတွေကလည်း မြေပြင်စာရင်းကောက်ဖို့ကို လုပ်ထားသင့်တယ်ပေါ့။ တခြားအဖွဲ့တွေနဲ့ ဝိုင်းဝန်းတိုင်ပင်ပြီး ဆောင်ရွက်ထားသင့်တယ်လို့ ထင်ပါတယ်။

xxxxxxxxxxxxxxxxxxxxxxxxxxxxxxxxxxxxxxxxxxxx
ဘာသာအလိုက် လူဦးရေစာရင်းအပေါ် မွတ်စလင်မ် ခေါင်းဆောင်များ၏ သုံးသပ်ချက် (၁) ဖတ်ရန်
http://www.m-mediagroup.com/news/58261