မွတ်စလင်သူရဲကောင်း၏ မိသားစုကို စော်ကားပြောဆိုသည့် ဒေါ်နယ်ထရမ့် ပြင်းပြင်းထန်ထန်ဝေဖန်ခံနေရ

သြဂုတ် ၂၊ ၂၀၁၆
M-Media

– အီရတ်စစ်ပွဲတွင် တိုင်းပြည်တာဝန်ထမ်းဆောင်ရင်း ကျဆုံးသွားခဲ့သည့် အမေရိကန်မွတ်စလင် ဗိုလ်ကြီးတစ်ဦး၏ မိဘများအား စော်ကားပြောဆိုခဲ့မှုအတွက် ရီပက်ဘလစ်ကန်သမ္မတလောင်း ဒေါ်နယ်ထရမ့်မှာ ဝေဖန်မှုများကို ခံနေရပြီး ၎င်း၏ ပါတီဝင်များကပင် ၎င်းအား ရှုတ်ချခဲ့ကြသည်။

၂၀၀၄ ခုနှစ်တွင် တပ်ဖွဲ့ဝင်များကို ကာကွယ်ရင်း အီရတ်၌ ကျဆုံးသွားခဲ့ကာ အမေရိကန်ရှိ အမြင့်ဆုံး သူရဲကောင်း ဆုတံဆိပ်များဖြစ်သော Gold Star နှင့် Purple Heart ဆုများ ရရှိခဲ့သည့် ဗိုလ်ကြီး ဟူမေယွန် ခန်း၏ မိဘနှစ်ပါးမှာ ပြီးခဲ့သည့်တစ်ပတ်က ဒီမိုကရက်တစ်ပါတီ၏ နိုင်ငံလုံးဆိုင်ရာ ညီလာခံတွင် မိန့်ခွန်းပြောကြားခဲ့ပြီး လူမျိုးရေးခွဲခြားစော်ကားမှုများ ပြလုပ်ခဲ့သည့် ထရမ့်အား ဝေဖန်ခဲ့သည်။

ထရမ့်ကမူ ဗိုလ်ကြီးခန်း၏ ဖခင်က ပြောကြားသည့်မိန့်ခွန်းကို ဟီလာရီကလင်တန်က ရေးပေးခဲ့ခြင်းဖြစ်ပြီး၊ မိခင်မှာလည်း မည်သည့်စကားမှ ပြောခွင့်မရှိခဲ့ဟု ဝေဖန်ခဲ့ခြင်းဖြစ်သည်။ ထရမ့်၏ ထိုမှတ်ချက်မှာ တိုင်းပြည်အတွက် အသက်ပေးခဲ့သည့် သူရဲကောင်းတစ်ဦး၏ မိသားစုကို စော်ကားသကဲ့သို့ ဖြစ်သောကြောင့် အမေရိကန်ပြည်သူများ၊ နိုင်ငံရေးသမားများက ဝေဖန်ခဲ့ကြသည်။

“သူ့ကို ကျွန်တော်တို့ပါတီက သမ္မတလောင်းအဖြစ် ရွေးချယ်အပ်နှင်းထားတာဟာ ကျွန်တော်တို့ သူရဲကောင်းတွေကို ပြောချင်ရာပြောဖို့ လိုင်စင်ပေးထားတာ မဟုတ်ပါဘူး” ဟု စစ်သားဟောင်းတစ်ဦးဖြစ်ပြီး ပြီးခဲ့သည့် ရွေးကောက်ပွဲတွင် ရီပက်ဘလစ်ကန်ပါတီမှ သမ္မတလောင်းအဖြစ် ၀င်ရောက်ယှဉ်ပြိုင်ခဲ့သည့် ဂျွန်မက်ကိန်းက ထုတ်ပြန်သော ကြေငြာချက်တွင် ဖော်ပြထားသည်။

အမေရိကန်သမ္မတ ဘာရက်အိုဘားမားကလည်း ထရမ့်၏ ထိုမှတ်ချက်အတွက် ဝေဖန်ခဲ့ပြီး မိမိတို့တိုင်းပြည် လွတ်လပ်မှုနှင့် လုံခြုံရေးအတွက် အသက်ပေးလှူခဲ့ကာ Gold Star ဆုရ သူရဲကောင်းများ၏ မိသားစုများထက် မည်သူကမှ တိုင်းပြည်အတွက် ပိုမိုပေးဆပ်ခဲ့ခြင်းမရှိဟု ပြောကြားခဲ့သည်။

ယခင် အမေရိကန်ကာကွယ်ရေးဝန်ကြီးဟောင်းဖြစ်ပြီး ရီပက်ဘလစ်ကန်ပါတီဝင်တစ်ဦးဖြစ်သူ ၀ီလီယံ ကိုဟန်ကမူ ထရမ့်၏ ထိုမှတ်ချက်များက တိုင်းပြည်အတွက် အသက်ပေးခဲ့သော ဟူမေယွန်းခန်းအား မလေးစားသည့်သဘော သက်ရောက်သွားကြောင်း၊ အမေရိကန်စစ်တပ်မှ သူရဲကောင်းများကို နိုင်ငံရေးသမားများက ထရမ့်ကဲ့သို့ ဝေဖန်မှုမျိုး ယခင်က မတွေ့ခဲ့ဖူးကြောင်း BBC နှင့် အင်တာဗျူးတွင် ပြောကြားခဲ့သည်။

ထို့နောက် လာမည့်နိုဝင်ဘာရွေးကောက်ပွဲတွင် ထရမ့်အား မဲပေးမည်းလားဟု မေးမြန်းရာတွင် ကာကွယ်ရေးဝန်ကြီးဟောင်းက ဗိုလ်ကြီး ဟူမေယွန်းခန်းမိသားစု၊ ဂျွန်မက်ကိန်း၊ နေတိုးအဖွဲ့နှင့် ရုရှား စသည့် ကိစ္စရပ်များနှင့်ပတ်သက်၍ ထရမ့်၏ပြောကြားမှုများကို ကြည့်ပါက အမေရိကန်အတွက် ကောင်းမွန်သည့် ခေါင်းဆောင်ဖြစ်မည်ဟု မယုံကြည်ကြောင်း ပြောကြားခဲ့သည်။

“သူဟာ တိုင်းပြည်မှာ ကျွန်တော်မြင်ချင်တဲ့ ခေါင်းဆောင်မျိုး မဟုတ်ပါဘူး။… ဒေါ်နယ်ထရမ့်ကို ကျွန်တော် မဲပေးဖို့ အလားအလာမရှိပါဘူး”

ထို့ပြင် တောင်ကယ်ရိုလိုင်းနား အထက်လွှတ်တော်အမတ် လင်ဆေး ဂရေဟမ်၊ လွှတ်တော်ဥက္ကဌ ပေါလ်ရိုင်ယန်၊ အိုဟိုင်းယိုးပြည်နယ်အုပ်ချုပ်ရေးမှူး ဂျွန်ကာဆစ်ခ်ျ၊ ဖလော်ရီဒါပြည်နယ် အုပ်ချုပ်ရေးမှူးဟောင်း ဂျဘ်ဘုရှ်၊ ဗိုလ်ချုပ်ဟောင်း ဘရိုင်ယန် ဒဖ်ဖီ၊ အလာဘားမားပြည်နယ် အုပ်ချုပ်ရေးမှူး ဂျက်ဖ် ဆက်ရှင်၊ နယူးဟမ့်ရှိုင်းယားပြည်နယ်မှ အထက်လွှတ်တော်အမတ် ကီလီ အေယူတီ၊ စသည့် ရီပက်ဘလစ်ကန် နိုင်ငံရေးသမားများကလည်း အမေရိကန်သူရဲကောင်းမိသားစုအား ထရမ့်၏ စော်ကားပြောဆိုမှုအတွက် ရှုတ်ချခဲ့ကြသည်။

Ref: New York Times, BBC