ကမ္ဘာ့ဒုက္ခသည်များကို ကိုယ်စားပြုမယ့် အိုလံပစ် ဒုက္ခသည် အားကစားအသင်း

သြဂုတ် ၃၊ ၂၀၁၆
M-Media

ဒုက္ခသည်အိုလံပစ်အသင်း (Photo Credit – UNHCR Myanmar)

– အခုတစ်ပတ်သောကြာနေ့ ဘရာဇီးလ်နိုင်ငံ ရီယိုဒီဂျနေရိုးမြို့မှာ ကျင်းပပြုလုပ်တော့မယ့် အိုလံပစ်ပြိုင်ပွဲမှာ ခိုလှုံရာနိုင်ငံတွေကို ကိုယ်စားပြုပြီး ပါဝင်ယှဉ်ပြိုင်မယ့် ဒုက္ခသည်ကစားသမား ၁၀ ဦးက မိမိတို့အနေနဲ့ ကမ္ဘာတစ်ဝှမ်းက ဒုက္ခသည်တွေကို ကိုယ်စားပြုသွားမှာဖြစ်တယ်လို့ ပြောကြားခဲ့ပါတယ်။

အသက်ရှင်လွတ်မြောက်ဖို့အတွက် မြေထဲပင်လယ်ကို ရေစိမ့်နေတဲ့ ရော်ဘာလှေနဲ့ ဖြတ်ခဲ့ရတဲ့ ဆီးရီးယား ရေကူးအားကစားသမား အမျိုးသမီးငယ်လေး ယူဆရာ မာဒီနီကနေ၊ ကြောက်စရာကောင်းတဲ့ တိုက်ခိုက်မှုတွေကို ကြုံတွေ့ခဲ့ရပြီး တောထဲမှာ ၁၀ ရက်လောက် ပုန်းအောင်းကာ လွတ်မြောက်လာခဲ့တဲ့ ပိုပိုလီ မီဆန်ဂါအထိ အဲဒီ ဒုက္ခသည်အားကစားသမား ၁၀ ဦးဟာ သူတို့ရဲ့ အိုလံပစ်အိပ်မက်တွေ အကောင်အထည်ပေါ်လာဖို့အတွက် မကြံစဖူး အခက်အခဲ အကြပ်အတည်းတွေကို ဖြတ်ကျော်လာခဲ့ရတာ ဖြစ်ပါတယ်။

ပြီးခဲ့တဲ့စနေနေ့ကပြုလုပ်ခဲ့တဲ့ သတင်းစာရှင်းလင်းပွဲမှာ မာဒီနီက ဒုက္ခသည်အားကစားသမား ၁၀ ဦးနဲ့ ဖွဲ့စည်းထားတဲ့ မိမိတို့အဖွဲ့လေးဟာ နိုင်ငံအားလုံးမှာရှိတဲ့ ဒုက္ခသည်အားလုံးကို ကိုယ်စားပြုသွားဖို့ ရည်ရွယ်ထားတယ်လုိ့ ဆိုပါတယ်။

“ရှင်တို့အားလုံးအတွက် အကောင်းဆုံးပုံစံနဲ့ ကျွန်မတို့ ကိုယ်စားပြု ယှဉ်ပြိုင်သွားမှာပါ”

မိသားစုနဲ့အတူ ဂျာမနီမှာအခြေချနေထိုင်နေတဲ့ မာဒီနီက မိမိအနေနဲ့ ဒီအိုလံပစ်ပြိုင်ပွဲမှာ ဆီးရီးယားနိုင်ငံ၊ ဒုက္ခသည်တွေအတွက် အိုလံပစ်လှုပ်ရှားမှုနဲ့ မကြာသေးခင်က နိုင်ငံသားအဖြစ်ရခဲ့တဲ့ ဂျာမနီနိုင်ငံတွေအတွက် ဂုဏ်ယူစွာ ကိုယ်စားပြု ယှဉ်ပြိုင်သွားမှာဖြစ်တယ်လို့ ပြောကြားခဲ့ပါတယ်။

“ကျွန်မတို့ရဲ့ ဘ၀ဇာတ်ကြောင်းကနေ ရှင်တို့ သင်ယူနိုင်မယ်လို့ ကျွန်မ မျှော်လင့်ပါတယ်။ ဘ၀ဆိုတာ အခက်အခဲတွေနဲ့ ပြည့်နှက်နေတဲ့ခရီးကြမ်းတစ်ခုဖြစ်ပြီး ရှင်တို့အနေနဲ့ ဇွဲမလျှော့ဘဲ ရှေ့ဆက်ဖို့ လိုပါတယ်”

ကွန်ဂိုနိုင်ငံက ထွက်ပြေးလာရတဲ့ ဂျူဒိုကာ မီဆန်ဂါကလည်း သူတို့ရဲ့ မိသားစုတွေဟာ ပဋိပက္ခဒဏ်ကို ခါးစီးခံခဲ့ရတယ်ဆိုတဲ့ ကြေကွဲဖွယ် အတွေ့အကြုံကို ပြန်ပြောပြခဲ့ပါတယ်။

အိုလံပစ်ပြိုင်ပွဲမှာ ပါဝင်ယှဉ်ပြိုင်မှုအတွက် ဘယ်လိုမျှော်လင့်ချက်ထားရှိပါသလဲလို့ မေးမြန်းတဲ့အခါမှာတော့ အသက် ၂၄ နှစ်အရွယ်ရှိတဲ့ မီဆန်ဂါဟာဟာ မျက်ရည်ဖြိုင်ဖြိုင်ကျခဲ့ပါတယ်။

ကွန်ဂိုနိုင်ငံမှာ စစ်ပွဲတွေဖြစ်လို့ မွေးရပ်မြေ ကီဆန်ဂါနီက ထွက်ပြေးလာရတဲ့အချိန်မှာ မီဆန်ဂါဟာ အသက် ၉ နှစ်အရွယ်လောက်ပဲ ရှိပါသေးတယ်။ ပြေးရင်းနဲ့ မိသားစုနဲ့ ကွဲသွားခဲ့ပြီး တောထဲမှာ ၈ ရက်လောက် ပုန်းအောင်းခဲ့ရကာ ကယ်ဆယ်ရေးအဖွဲ့က တွေ့ရှိခဲ့ပြီးတဲ့နောက် ကင်ရှာဆာက ဒုက္ခသည်စခန်းကို ပို့ဆောင်ခံခဲ့ရပါတယ်။

နောက်ပိုင်း သူဟာ ဘရာဇီးလ်မှာ အခြေကျခဲ့ပြီး ၂၀၁၃ ကမ္ဘာ့ချန်ပီယံရှစ်ပြိုင်ပွဲပြီးကတည်းက တိုင်းပြည်အတွင်းမှာ နေထိုင်ခဲ့တာဖြစ်ပါတယ်။

“ကျွန်တော့်မှာ ညီအစ်ကို ၂ ယောက်ရှိပြီး မတွေ့ရတာ နှစ်တော်တော်ကြာပါပြီ။ သူတို့ရဲ့မျက်နှာတွေကိုတောင် ကျွန်တော် မမှတ်မိတော့ပါဘူး။ ကျွန်တော် သူတို့ကို တအားဖွေ့ဖက်နမ်းရှုတ်ချင်တယ်လို့ ပြောချင်ပါတယ်။ အခုကျွန်တော်ဟာ ဘရာဇီးလ်ကို ကိုယ်စားပြုပြီး ယှဉ်ပြိုင်ရမှာပါ။ ဒါ့ကြောင့် တစ်နေ့မှာ ကျွန်တော့်ညီအစ်ကိုတွေကို ကျွန်တော်နဲ့အတူ ဘရာဇီးလ်မှာနေဖို့ ခေါ်ယူမှာပါ”

သံမဏိ စိတ်ဓာတ်

အိုလံပစ်ပြိုင်ပွဲမှာ ပါဝင်ယှဉ်ပြိုင်မယ့် နောက်ထပ် ဆီးရီးယားဒုက္ခသည်တစ်ဦးကတော့ ရေကူးအားကစားသမား ရာမီ အေနစ်ဖြစ်ပါတယ်။

စစ်တပ်မှာ အတင်းအဓမ္မ အမှုထမ်းခိုင်းတာကြောင့် ဆီးရီးယားကနေ ၂၀၁၁ က ထွက်ပြေးလာခဲ့တဲ့ အေနစ်ဟာ အစ္စတန်ဘူလ်ကနေတစ်ဆင့် ပြီးခဲ့တဲ့ အောက်တိုဘာလက ဘယ်လ်ဂျီယံနိုင်ငံမှာ နေထိုင်ခွင့်ရခဲ့တာဖြစ်ပါတယ်။

“ဒီလိုပြိုင်ပွဲမျိုးမှာ ယှဉ်ပြိုင်ရတာကို ကျွန်တော် အရမ်း ဂုဏ်ယူမိပါတယ်။ ဒါပေမယ့် ဆီးရီးယားနိုင်ငံကို ကိုယ်စားပြု ယှဉ်ပြိုင်ခွင့်မရတဲ့အတွက် နည်းနည်းတော့ စိတ်မကောင်းဖြစ်မိတာပေါ့ဗျာ။ ကျွန်တော်တို့အဖွဲ့ဟာ လူ့အခွင့်အရေးဆုံးရှုံးနေတဲ့၊ မတရားမှုတွေကို ရင်ဆိုင်နေရတဲ့ သူတွေကို ကိုယ်စားပြုသွားမှာဖြစ်ပါတယ်” လို့ အေနစ်က ပြောကြားခဲ့ပါတယ်။

နည်းပြတစ်ဦးဖြစ်တဲ့ ရီရာလ်ဒို ဘာရ်နာဒက်ဇ်ကတော့ ဒီဒုက္ခသည်အားကစားသမားအဖွဲ့က ကစားသမားတစ်ဦးဦး ဆုတံဆိပ်ရရှိမလားဆိုတဲ့အမေးဟာ ယုတ္တိမရှိတဲ့ မေးခွန်းဖြစ်တယ်လို့ ဆိုပါတယ်။

“သူတို့ ဆုတံဆိပ်ရနိုင်လားလို့ မေးရင်တော့ – ဒီပြိုင်ပွဲကို ၀င်ရောက်ယှဉ်ပြိုင်ရတာကိုက သူတို့ ဆုတံဆိပ်ရခဲ့တာလို့ ကျွန်တော် ဖြေရပါလိမ့်မယ်”

နိုင်ငံတကာအိုလံပစ်ကော်မတီဟာ ဒီဒုက္ခသည် ၁၀ ဦးကို ရွေးချယ်ခဲ့ပြီး အိုလံပစ်ပြိုင်ပွဲမှာ ပထမဆုံးဝင်ရောက်ယှဉ်ပြိုင်မယ့် ဒုက္ခသည်အသင်းအဖြစ် သတ်မှတ်ပေးခဲ့ပါတယ်။

အဲဒီဒုက္ခသည်တွေကတော့ သူတို့ရဲ့ မိခင်တိုင်းပြည်ကို စွန့်ခွာခဲ့ရတဲ့အတွက် လက်ရှိနေထိုင်တဲ့ နိုင်ငံကိုပဲ ကိုယ်စားပြု ယှဉ်ြ
ပိုင်ခွင့်ရတာဖြစ်ပါတယ်။

ဒီအဖွဲ့ဟာ အိုလံပစ်သမိုင်းမှာ ဒုက္ခသည်အသင်းအဖြစ် သတ်သတ်မှတ်မှတ်ယှဉ်ပြိုင်တဲ့ ပထမဆုံးအဖွဲ့ ဖြစ်လာမှာဖြစ်ပါတယ်။ ယခင်အိုလံပစ်ပြိုင်တွေမှာ ဒုက္ခသည်တွေဟာ သူတို့ အခြေချနေထိုင်တဲ့နိုင်ငံအသစ်ကို ကိုယ်စားပြုယှဉ်ပြိုင်တာ ဒါမှမဟုတ် အထူးကဏ္ဍအောက်ကနေ ၀င်ရောက်ယှဉ်ပြိုင်တာမျိုးသာ ရှိခဲ့ပါတယ်။

Ref: Aljazeera