အကြမ်းဖက်ခံ ဘုန်းကြီးကျောင်းများ ပြင်ဆင်ရေး အင်ဒိုမွတ်စလင်များ ပါဝင်ကူညီပေး

သြဂုတ် ၇၊ ၂၀၁၆
M-Media

– ပြီးခဲ့တဲ့တစ်ပတ် စနေနေ့က အင်ဒိုနီးရှားနိုင်ငံ မြောက်ဆူမားတြားဒေသမှာ အစွန်းရောက်အုပ်စုတစ်စုရဲ့ ဖျက်ဆီးခြင်းကို ခံခဲ့ရတဲ့ ဗုဒ္ဓဘာသာဘုန်းကြီးကျောင်းတွေ ပြန်လည်ဖွင့်လှစ်နိုင်ရေး အစိုးရတာဝန်ရှိသူတွေရဲ့ ရှင်းလင်း ပြင်ဆင်ပေးမှုအတွင်းမှာ ဒေသခံမွတ်စလင်တွေလည်း ပါဝင်ကူညီခဲ့ကြတယ်လို့ သိရပါတယ်။

တန်ဂျုန်ဘာလိုင်းဆိုတဲ့မြို့မှာ ဖြစ်ပွားခဲ့တဲ့ အဲဒီတိုက်ခိုက်မှုဟာ တရုတ်နွယ်ဖွား အမျိုးသမီးတစ်ဦးက ဗလီဝတ်ကျောင်းတော်က ၀တ်ပြုရန်နှိုးဆော်မှုကို ဝေဖန်ပြောဆိုတဲ့ကိစ္စ ဆိုရှယ်မီဒီယာတွေမှာ ပြန့်နှံသွားတာကနေ အစပြုခဲ့တာ ဖြစ်ပါတယ်။ နောက်ပိုင်းမှာတော့ တရုတ်ဗုဒ္ဓဘာသာ ဘုန်းကြီးကျောင်း တော်တော်များများ မီးရှို့ ဖျက်ဆီးခံခဲ့ရပါတယ်။

ဒီအကြမ်းဖက်တဲ့လုပ်ရပ်ကို အင်ဒိုသမ္မတ ဂျိုကိုဝီဒိုဒိုကိုယ်တိုင် ပြင်းပြင်းထန်ထန် ရှုတ်ချခဲ့ပြီး ကျူးလွန်သူတွေကို ပြတ်ပြတ်သားသား အရေးယူဖို့လည်း အမိန့်ပေးခဲ့ပါတယ်။ ရဲတပ်ဖွဲ့က ထိုအဖြစ်အပျက်နဲ့ပတ်သက်လို့ လူ ၁၂ ယောက်ကို ဖမ်းဆီးထိန်းသိန်းခဲ့ပြီး မြို့လေးဟာလည်း ပြန်လည်တည်ငြိမ်ခဲ့ပါတယ်။

နောက်ပိုင်းမှာတော့ အစိုးရဟာ ဖျက်ဆီးခံရတဲ့ ဘုန်းကြီးကျောင်းတွေ သန့်ရှင်းရေးနဲ့ ပြန်လည်ပြင်ဆင် ဖွင့်လှစ်နိုင်ရေးကို ဆက်လက်ဆောင်ရွက်ခဲ့ပြီး ဒီလိုဆောင်ရွက်မှုတွေအတွင်းမှာ ဒေသခံမွတ်စလင် ကျောင်းသားလူငယ်လေးဟာလည်း တစ်တပ်တစ်အား ပါဝင်ခဲ့ကြပါတယ်။

တိုင်းပြည်က လူများစုဖြစ်တဲ့ မွတ်စလင်တွေရဲ့ ဒီလို ကူညီဖေးမှုမှတ်တမ်းဗီဒီယိုဟာ ဆိုရှယ်မီဒီယာတွေမှာ အလျင်အမြန်ပဲ ပြန့်နှံသွားခဲ့ပြီး အားပေးထောက်ခံမှုတွေလည်း အမြောက်အများ ရရှိခဲ့ပါတယ်။

ဒေသတွင်းသတင်းတွေကို အဆက်မပြတ် လွှင့်တင်ပေးနေတဲ့ Jakarta.coconuts ကတော့ ဒီကျောင်းသားလေးတွေဟာ မိမိတို့ချစ်မြတ်နိုးတဲ့ တိုင်းပြည်ရဲ့ သရုပ်မှန်ကို ကိုယ်စားပြုတဲ့သူတွေဖြစ်ပြီး၊ မိမိတို့တိုင်းပြည်ဟာ မတူကွဲပြားစွာ စည်းလုံးညီညွတ်မှုကို ယုံကြည်ကာ၊ လူမျိုးဘာသာ မခွဲခြားဘဲ ကူညီဖေးမလိုစိတ်ရှိတဲ့ တိုင်းပြည်ဖြစ်တယ်လို့ ဂုဏ်ယူစွာ ဖော်ပြခဲ့ပါတယ်။

Ref: jakarta.coconuts