ချန်ပီယံ အရှုံးနဲ့စဖွင့်ပြီး နည်းပြသစ်များ အနိုင်ရခဲ့တဲ့ ပရီးမီးယားလိဂ် အဖွင့်ပွဲ

သြဂုတ် ၁၅၊ ၂၀၁၆
M-Media

– ကမ္ဘာ့အကောင်းဆုံးနည်းပြသစ်တွေစုဝေးရာ ၂၀၁၆-၁၇ ပရီးရီးယားလိဂ် ရာသီသစ်ကို အခုတစ်ပတ်မှာ စတင်ခဲ့ပြီး ရင်ခုန်စိတ်လှုပ်ရှားစရာတွေနဲ့ ပြည့်နှက်ခဲ့ပါတယ်။

ပရီးမီးယားလိဂ် လက်ရှိချန်ပီယံ လက်စတာကတော့ တန်းတက် ဟားလ်စီးတီးအသင်းကို ကစားကွက်အသာ ဂိုးသွင်းခွင့်အသာ ရခဲ့ပေမယ့် အဝေးကွင်းမှာ ရှုံးနိမ့်ခဲ့ရပါတယ်။ ပထမပိုင်း နာကျင်အချိန်ပိုမှာ ဂိုးပေးလိုက်ရတဲ့ လက်စတာ ဒုတိယပိုင်းအစမှာပဲ မဟ်ရက်ဇ်ရဲ့ ပင်နယ်တီနဲ့ ချေပဂိုးရခဲ့ပေမယ့် ၅၇ မိနစ်မှာ အဘဲလ် ဟာနန်ဒက်ဇ်ရဲ့ သွင်းဂိုးကိုတော့ ချေပနိုင်ခြင်း မရှိခဲ့ပါဘူး။

မော်ရင်ဟိုရဲ့ မန်ယူကလည်း အဖွင့်ပွဲမှာ မျက်နှာပန်းလှခဲ့ပြီး ဘုန်းမောက်ကို အဝေးကွင်းမှာ သက်တောင့်သက်သာ ကစားကာ ၃ ဂိုး ၁ ဂိုးနဲ့ အနိုင်ရခဲ့ပါတယ်။ မန်ယူအတွက် ဂိုးတွေကိုတော့ မာတာ၊ ရူနီနဲ့ အီဗရာဟီမိုဗစ်တို့က သွင်းယူပေးခဲ့တာပါ။

မန်စီးတီးနဲ့ ဂွါဒီယိုလာရဲ့ အဖွင့်ပွဲစဉ်မှာတော့ အိမ်ကွင်းမှာ ဆန်းဒါးလန်းကို ၂ ဂိုး ၁ ဂိုးနဲ့ အနိုင်ရပြီး ၃ မှတ် ရယူနိုင်ခဲ့ပါတယ်။ ဘောလုံးပိုင်ဆိုင်မှု ၈၀ ရာခိုင်နှုန်းနီးပါးလောက်အထိရှိခဲ့တဲ့ မန်စီးတီး ဂိုးတွေကိုတော့ ပင်နယ်တီနဲ့ ဆန်းဒါးလန်းကစားသမားရဲ့ ကိုယ့်ဂိုးကိုယ်သွင်းမှုတွေကနေ ရရှိခဲ့တာဖြစ်ပါတယ်။

အာဆင်နယ်နဲ့ လီဗာပူးလ်တို့ပွဲကတော့ ဒီတစ်ပတ်ရဲ့ စိတ်လှုပ်ရှားစရာအကောင်းဆုံးပွဲဖြစ်ခဲ့ပြီး ကလော့ပ်လက်အောက်မှာ လီဗာပူးလ်အသင်းရဲ့ တစ်စတစ်စတိုးတက်လာမှုကို မြင်တွေ့ခဲ့ရပါတယ်။ ၂၈ မိနစ်မှာ ရရှိခဲ့တဲ့ ပင်နယ်တီကို ၀င်အောင်မသွင်းနိုင်တဲ့ ဝေါလ်ကော့ ၃၁ မိနစ်မှာ အာဆင်နယ်အတွက် အဖွင့်ဂိုး သွင်းခဲ့ပေမယ့် ၄၅၊ ၄၉၊ ၅၆၊ နဲ့ ၆၃ မိနစ်တွေမှာ လီဗာပူးလ်အသင်းက ၄ ဂိုးဆက်တိုက် သွင်းယူနိုင်ခဲ့ပြီးတဲ့နောက်မှာတော့ ပွဲပြီးသလောက် ဖြစ်သွားခဲ့ပါတယ်။ နောက်ပုိုင်းမှာ ချိန်ဘာလိန်နဲ့ ကော်လန်ချိန်ဘာတို့က အိမ်ရှင်အတွက် ချေပဂိုးတွေ ပြန်သွင်းခဲ့ပေမယ့် ပွဲအဖြေကိုတော့ ပြောင်းလဲနိုင်ခြင်း မရှိခဲ့ပါဘူး။

ပရီးမီးယားလိဂ်အဖွဲ့ပွဲစဉ် ရလဒ်များကတော့ အောက်ပါအတိုင်းဖြစ်ပါတယ်။

ဟားလ်စီးတီး ၂-၁ လက်စတာ
ဘန်လေ ၀-၁ ဆွမ်ဆီး
ခရစ္စတယ်ပဲလေ့စ် ၀-၁ ၀က်စ်ဘရွန်း
အဲဗာတန် ၁-၁ စပါး
မစ်ဒယ်ဘရော့ ၁-၁ စတုတ်
ဆောက်သက်တမ် ၁-၁ ၀က်ဖို့ဒ်
မန်စီးတီး ၂-၁ ဆန်းဒါးလန်း
ဘုန်းမောက် ၁-၃ မန်ယူ
အာဆင်နယ် ၃-၄ လီဗာပူးလ်