ချို့တဲ့သူများကို ပျော်ရွှင်စေမည့် အိုလံပစ်စားဖိုမှူးများ၏ ဒါန

သြဂုတ် ၁၅၊ ၂၀၁၆
M-Media

– ဘရာဇီးလ်နိုင်ငံ ရီယိုဒီဂျနေရိုးမှာ ကျင်းပပြုလုပ်နေတဲ့ အိုလံပစ်ပြိုင်ပွဲက ပိုလျှံတဲ့အစားအသောက်တွေကို ပြင်ဆင်ချက်ပြုတ်ကာ ချို့တဲ့သူတွေကို ဝေငှလှူဒါန်းမယ့် အစီအစဉ်တစ်ခုကို နိုင်ငံတကာ စားဖိုမှူးတွေက စတင်လိုက်တယ်လို့ သိရပါတယ်။

စီးပွားရေး အကျပ်ရိုက်မှု ကြီးကြီးမားမားရှိနေတဲ့ ဘရာဇီလ်းနိုင်ငံဟာ ၃၁ ကြိမ်မြောက် အိုလံပစ်ပြိုင်ပွဲကို အခက်အခဲတွေကြားက ကျင်းပရတာဖြစ်ပြီး ဝေဖန်မှုတွေကိုလည်း တော်တော်များများ ရင်ဆိုင်ခဲ့ရပါတယ်။

အီတလီစားဖိုမှူး မက်ဆီမို ဘိုတူရာနဲ့ ဘရာဇီးလ်စားဖိုမှူး ဒေးဗစ်ဟာ့ဇ်တို့ စတင်တဲ့ အစားသောက်ဝေငှမယ့် ဒီလှုပ်ရှားမှုကို RefettoRio Gastromotiva လို့ အမည်ပေးထားပြီး ကစားသမားတွေနဲ့ ပရိတ်သတ်တွေ နားခိုဖို့ စီစဉ်ပေးထားတဲ့ ‘အိုလံပစ်ရွာ’ က စားကြွင်းစားကျန်တွေနဲ့ တစ်နေ့ကို အပွဲ ၅၀၀၀ လောက် ပြင်ဆင်ချက်ပြုတ်ပေးတာ ဖြစ်ပါတယ်။

“RefettoRio Gastromotiva အစီအစဉ်မှာ ရောင်းပန်းမလှတဲ့ အသီးအနှံတွေ၊ အရွက်တွေ၊ မကြာခင်ရက်လွန်တော့မယ့် ဒိန်ချဉ်တွေလို အလဟသဖြစ်တော့မယ့် အစားအသောက်တွေနဲ့ စီစဉ်ချက်ပြုတ်မှာ ဖြစ်ပါတယ်။ ကျွန်တော်တို့ဟာ ဆာလောင်မှုကို တိုက်ဖျက်ချင်ပြီး ကောင်းမွန်တဲ့ အစားအစာတွေကို ပေးချင်ပါတယ်” လို့ ဟာ့ဇ်က ဆိုပါတယ်။

ဒီလှုပ်ရှားမှုကို အိုလံပစ်အလွန် ပါရာလမ်ပစ်မှာလည်း ဆက်လက်ဆောင်ရွက်ဖို့ရှိနေပြီး နောက်ပိုင်းမှာတော့ ‘လူမှု ၀န်ဆောင်မှု’ အစီအစဉ်အဖြစ် အသွင်ပြောင်းသွားမယ်လို့ ဟာ့ဇ်က ထည့်သွင်းပြောကြားခဲ့ပါတယ်။

စားဖိုမှူး၊ မုန့်ဖုတ်သူနဲ့ စားပွဲထိုးတွေအပါအ၀င် ထိုလှုပ်ရှားမှုမှာ ပါဝင်ဖို့ စိတ်ပါဝင်စားတဲ့ စားသောက်ဆိုင်ဝန်ထမ်းတွေကိုလည်း စနစ်တကျ သင်တန်းတွေပေးသွားဖို့ ရှိနေပါတယ်။

အခု ဒီလှုပ်ရှားမှုကို ၂၀၁၅ ခုနှစ် Milan World Expo ကုန်စည်ပြပွဲမှာ စားဖိုမှူး ၆၅ ဦးပါဝင်ကာ ဆောင်ရွက်ခဲ့တဲ့ Refetterio Ambrosiano လှုပ်ရှားမှုကို အာကျပြီး ဆောင်ရွက်တာဖြစ်တယ်လို့ စားဖိုမှူး ဘိုတူရာက ပြောကြားခဲ့ပါတယ်။

Ref: independent