ကိုဆိုဗိုအတွက် ကစားပေးရန် ဇာကာကို အာဆင်နယ်ပရိတ်သတ်များ တိုက်တွန်း

သြဂုတ် ၁၈၊ ၂၀၁၆
M-Media

– မကြာသေးမီက ကမ္ဘာဘောလုံးအဖွဲ့ချုပ် အဖွဲ့ဝင်ဖြစ်လာသည့် ကိုဆိုဗိုနိုင်ငံ၏ လက်ရွေးစင်အသင်းအတွက် ၀င်ရောက်ကစားရန် ကိုဆိုဗိုရှိ အာဆင်နယ်ပရိသတ်များက အာဆင်နယ်တိုက်စစ်မှူး ဇာကာအား စာရေး တိုက်တွန်းခဲ့သည်ဟု သိရသည်။

ဖီဖာမှာ မေလအတွင်းက အဖွဲ့ဝင်နိုင်ငံအဖြစ် လက်ခံခဲ့သောကြာင့် ကိုဆိုဗိုမှာ လက်ရှိတွင် ၂၀၁၈ ကမ္ဘာဖလားပြိုင်ပွဲ၌ ၀င်ရောက်ယှဉ်ပြိုင်ခွင့် ရရှိထားသည်။

ကိုဆိုဗိုနွယ်ဖွား ကစားသမားများမှာလည်း ပရီးမီးယားလိဂ်တွင် အများအပြားရှိနေပြီး လက်ရွေးစင်အသင်းနည်းပြ အလ်ဘာ့တ် ဘွန်ဂျာကူကမူ ဇာကာ၊ ရှာကီရီ(စတုတ်)၊ ဘရာမီ (၀က်ဖို့ဒ်) ၊ တာရာရှဂ်ျ (အဲဗာတန်)နှင့် ဘလ်ဂျီယံအသင်းအတွက် ကစားမည်ဟု သတင်းထွက်နေသည့် မန်ချက်စတာယူနိုက်တက်အသင်းမှ အဒ်နန် ယာနူဇေးတို့ အပါအ၀င် ကိုဆိုဗိုကစားသမားများနှင့် ဆွေးနွေးမှုများ ပြုလုပ်နေသည်ဟု သတင်းများ ထွက်ပေါ်နေသည်။

နယ်သာလန်ကလပ် Vitesse တွင် ကစားနေသည့် တောင်ပံကစားသမား မီလို့တ် ရာရှီကာမှာ မကြာသေးမီက ကိုဆိုဗိုအသင်းတွင်ကစားရန်အတွက် အလ်ဘေးနီးယားလက်ရွေးစင်အသင်းမှ နှုတ်ထွက်ခဲ့သည်။ မန်စီးတီးအသင်း၏ လူငယ်ခြေတက်ကစားသမားများဖြစ်သည့် ဘာရ်ဆန့် စီလီနာနှင့် စီနန် ဘေတေဂျီတို့ကလည်း ကိုဆိုဗိုအတွက် ကစားရန် ရွေးချယ်ခဲ့သည်။

အာဆင်နယ်အသင်းပရိတ်သတ်များက ဇာကာအား လိပ်မူသည့် စာတွင် နှစ်ပေါင်း ၃၀ ခန့် လစ်လျူရှုခံခဲ့ရသည့် ကိုဆိုဗိုမှာ စိန်ခေါ်မှု အများအပြားကို ကျော်ဖြတ်ခဲ့ရကာ၊ ကျူးကျော်သိမ်းပိုက်မှု ဗိုလ်ကျစိုးမိုးမှုတို့ကိုလည်း ရင်ဆိုင်ခဲ့ရကြောင်း၊ နိုင်ငံသားအချို့မှာ နိုင်ငံရပ်ခြားသုို့ သွားရောက်အခြေချကာ ၎င်းတို့၏ကလေးငယ်များကို ပရော်ဖက်ရှင်နယ် ဘောလုံးသမားများအဖြစ် ပြုစုပျိုးထောင်ပေးနိုင်ခဲ့သော်လည်း နိုင်ငံအတွင်း ကျန်ရစ်နေသူများမှာ ထိုကဲ့သို့ အခွင့်အလမ်းများ မရရှိကြောင်း၊ ဆွစ်ဇာလန်နိုင်ငံမှာ ဂရာနစ်ဇာကာကဲ့သို့ ကစားသမားမျိုးကို ပျိုးထောင်ပေးခဲ့သည့်အတွက် မိမိတို့အနေဖြင့် ကျေးဇူးတင်ပြီး လက်ရှိတွင် ကိုဆိုဗိုမှာ ဇာကာကို လိုအပ်ကြောင်း ရေးထားသည်။

“ကိုဆိုဗိုအတွက် ကစားရင် ဆွစ်ဇာလန်အသင်းအတွက် ကစားသလောက် ရုပ်ပိုင်းဆိုင်ရာ အကျိုးကျေးဇူးတွေ ရမှာမဟုတ်ပါဘူး။ ဒါပေမယ့် အဲဒါထက်ပို တန်ဖိုးရှိပြီး အရေးပါတဲ့ ကျွန်တော်တို့ရဲ့ နှလုံးသားတွေကို ရရှိမှာပါ။ ကိုဆိုဗိုအတွက် ကစားမယ်လို့ ပြောလိုက်စမ်းပါ ဇာကာ!” ဟု ထိုစာတွင် နိဂုံးချုပ် တိုက်တွန်းခဲ့သည်။

Ref: Goal