အကြမ်းဖက်ဝါဒမှာ အစ္စလာမ်သာသနာကို ကိုယ်စားမပြုဟု လက်ဘနွန် ကာဒီနယ်ပြော

သြဂုတ် ၂၄၊ ၂၀၁၆
M-Media

– အရှေ့အလယ်ပိုင်းဒေသအား ဖျက်ဆီးနေကြသည့် အကြမ်းဖက်အဖွဲ့အစည်းများမှာ အစ္စလာမ်သာသနာနှင့် မွတ်စလင်တို့ကို ကိုယ်စားမပြုဘဲ၊ ခရစ်ယာန်များနှင့် အတူယှဉ်တွဲနေထိုင်ခြင်းဟူသည့် အစ္စလာမ်၏ အလယ်အလတ်လမ်းစဉ်ကို ဖျက်ဆီးရန် ရည်ရွယ်နေခြင်းဖြစ်သည်ဟု လက်ဘနွန်နိုင်ငံမှ ခရစ်ယာန် ကက်သလစ် ဘုန်းတော်ကြီး ကာဒီနယ် ဘက်ချရာ ရာအီက ပြောကြားလိုက်သည်။

သြဂုတ်လ ၁၈ ရက်နေ့မှ ၂၁ ရက်နေအထိ ဆိုးလ်မြို့၌ ပြုလုပ်ခဲ့သည့် ‘ကိုရီးယားကျွန်းဆွယ် ငြိမ်းချမ်းရေးဖိုရမ်’ မိန့်ခွန်းတွင် ယခုကဲ့သို့ ထည့်သွင်းပြောဆိုခဲ့ခြင်းဖြစ်ပြီး နိုင်ငံရပ်ခြားတိုင်းပြည်များ၏ မီးထိုးမှုကြောင့် ဖြစ်ပွားနေသော အရှေ့အလယ်ပိုင်းစစ်ပွဲများကို အဆုံးသတ်ရန်နှင့် ပြဿနာများကို အဖြေရှာရန် နိုင်ငံတကာအသိုင်းအ၀ိုင်းအား တိုက်တွန်းခဲ့သည်။

ကာဒီနယ် ရာအီမှာ ဆိုးလ်မှ ကာဒီနယ် အန်ဒရူး ယီအွန် ဆူဂျန်၏ ဖိတ်ကြားမှုကြောင့် အဆိုပါ ဖိုရမ်သို့ တက်ရောက်ခဲ့ခြင်းဖြစ်သည်။

အာရပ်နိုင်ငံများတွင် ပြုပြင်ပြောင်းလဲမှုများပြုလုပ်ရန်လည်း ရာအီက အလေးထားပြောကြားခဲ့ပြီး နိုင်ငံတော်နှင့် ဘာသာရေးကို စည်းခြားရန်၊ ဒီမိုကရေစီဖွံ့ဖြိုးရန်၊ လူ့အခွင့်အရေးနှင့် အခြေခံလွတ်လပ်ခွင့်များကို လေးစားရန်လည်း တိုက်တွန်းခဲ့သည်။

ဆော်ဒီနှင့် အီရန်နိုင်ငံအကြား ပြန်လည်သင့်မြတ်ရေး အကူအညီပေးရန်အတွက်လည်း ကာဒီနယ်က နိုင်ငံတကာအသိုင်းအ၀ိုင်းကို ဆော်သြခဲ့ပြီး၊ ထိုသို့ပြုလုပ်မှသာ ဒေသတွင်း တင်းမာမှုများကို လျော့ချနိုင်မည်ဟု ဆိုသည်။

ထိုကဲ့သို့ နိုင်ငံတော်နှင့် ဘာသာရေးကို စည်းခြားမထားမှုအတွက် လက်ဘနွန်နိုင်ငံတွင် နိုင်ငံရေးအခြေပြု ဘာသာရေးပဋိပက္ခများ ၂ နှစ်တိုင်တိုင် ဖြစ်ပွားခဲ့မှုကို ကာဒီနယ်က ထောက်ပြခဲ့သည်။ အစ္စလာမ်ဘာသာဝင်အများစုရှိသည့် လက်ဘနွန်နိုင်ငံ၏ လက်ရှိနိုင်ငံရေးစနစ်တွင် သမ္မတတာဝန်ကို မာရိုနိုက်ခရစ်ယာန်များသာ ထမ်းဆောင်ရန် သတ်မှတ်ပေးထားသည်။

ရာအီကမူ မိမိတို့နိုင်ငံ၏ နိုင်ငံရေးစနစ်မှာ ထူးခြားကောင်းမွန်သည့် စနစ်မျိုးဖြစ်ပြီး၊ နိုင်ငံသားချင်း တန်းတူညီမျှမှု၊ လူ့အဖွဲ့အစည်းတစ်ခုလုံး၏ ယဉ်ကျေးမှုကို အခြေခံကာ ပုံဖော်ထားသည့် မိမိတို့၏ အခြေခံဥပဒေမှာ အခြားသောနိုင်ငံများ အတုယူရမည့် ပုံစံမျိုးဖြစ်သည်ဟုလည်း ထည့်သွင်းပြောကြားခဲ့သည်။

ပါလက်စတိုင်းနိုင်ငံထူထောင်ရေး၊ ၎င်းတို့မြေမှ အစ္စရေး၏ နှင်ထုတ်မှုကိုခံရသည့် ပါလက်စတိုင်းပြည်သူများအားလုံး ပြန်လည်ခြေချ နေထိုင်နိုင်ရေး၊ ပါလက်စတိုင်းနှင့်ပတ်သက်၍ လုံခြုံရေးကောင်စီက ချမှတ်ထားသော ဆုံးဖြတ်ချက်များအားလုံးကို အသက်သွင်းရေး စသည်တို့အတွက် ကမ္ဘာ့ခေါင်းဆောင်များ အတူတကွ ဆောင်ရွက်ကြရန်လည်း ကာဒီနယ်က တိုက်တွန်းပြောကြားခဲ့သည်။

Ref: Cruxnow.com