အရှေ့အလယ်ပိုင်းဒေသ၏ ထိပ်တန်းစီးပွားရေး ပြပွဲတစ်ခု ဒူဘိုင်းတွင် လုပ်မည်

သြဂုတ် ၃၀၊ ၂၀၁၆
M-Media

– ‘အရှေ့အလယ်ပိုင်း လက်ခွဲစီးပွားရေးဆိုင်ရာ ပြပွဲနှင့် ဖိုရမ်’ ကို လာမည့် အောက်တိုဘာလတွင် ယူအေအီးနိုင်ငံ ဒူဘိုင်းမြို့၌ ကျင်းပပြုလုပ်သွားရန် ရှိနေပြီး လက်ရှိတွင် ပြင်ဆင်မှုများ ပြုလုပ်နေသည်ဟု သိရသည်။

၂ ရက်တာကြာမြင့်မည့် အဆိုပါပြပွဲကို Jumeirah Beach ဟိုတယ်တွင် ၂၅ ရက်နေ့မှ စတင်ပြုလုပ်မည်ဖြစ်ပြီး စီးပွားရေးလုပ်ငန်းပေါင်း ၉၀ ကျော် ၀င်ရောက်ပြသသွားမည်ဟု အရှေ့အလယ်ပိုင်းနှင့် မြောက်အာဖရိက စီးပွားရေးအသင်းမှ ဒုတိယဥက္ကဌ အိုမာရ် အလ်-ဟက်ဇာက ပြောကြားခဲ့သည်။

ထို့ပြင် ကမ္ဘာ့ လက်ခွဲစီးပွားရေးလုပ်ငန်း တိုးတက်မှုအတွက် မြောက်အာဖရိကနှင့် အရှေ့အလယ်ပိုင်းဈေးကွက်များမှာ အလွန် ရေခံမြေခံကောင်းသည့် နေရာများဖြစ်ပြီး လက်ရှိတွင် ထိုဒေသများရှိ လက်ခွဲလုပ်ငန်းများ၏ တန်ဖိုးမှာ ကန်ဒေါ်လာ ဘီလီယံ ၃၀ ဖိုး ရှိသည်ဟု ၎င်းက ဆိုသည်။

“ယူအေအီးမှာတင်ပဲ ဒီကဏ္ဍတန်ဖိုးက ၁၈ ဘီလီယံ ရှိနေပါတယ်။ ပြည်သူ ၃၅၅ သန်းရှိတဲ့ မြောက်အာဖရိကနဲ့အရှေ့အလယ်ပိုင်းဒေသတွမှာ ပြီးခဲ့တဲ့နှစ်အနည်းငယ်အတွင်း ဒီကဏ္ဍမှာ မြောက်များစွာသော အပြုသဘောဆောင်တဲ့ ပြောင်းလဲမှုတွေ ရှိနေပါတယ်”

တတိယအကြိမ်မြောက် ကျင်းပမည့် အဆိုပါပြပွဲတွင် ကုမ္ပဏီပေါင်း ၆၅ ခုမှ ထုတ်လုပ်သည့် အမှတ်တံဆိပ်များအတွက် လက်ခွဲရောင်းချမှုဆိုင်ရာ ကိစ္စများကို စီးပွားရေးသမားများ အချင်းချင်း ထိပ်တိုက်ဆွေးနွေးမှုလည်း ပါဝင်မည်ဖြစ်သည်။

ထို့ပြင် လက်ခွဲစီးပွားရေးကဏ္ဍမှ ကျွမ်းကျင်သူများ၊ အောင်မြင်သူများမှာ ဟောပြောမှုများ၊ အလုပ်ရုံဆွေးနွေးပွဲများ ပြုလုပ်သွားမည်ဖြစ်ပြီး အငယ်စားနှင့် အလတ်စား စီးပွားရေးလုပ်ငန်းများအနေဖြင့် လက်ခွဲစီးပွားရေးပုံစံ ဆောင်ရွက်လာနိုင်စေရေး အလေးထား တင်ပြသွားမည်ဖြစ်သည်။

Ref : IINA