ပြည်မက မွတ်စလင်မ်တွေကို NVC ကဒ် ပေးဖို့ လုပ်ဆောင်နေပြီ

စက်တင်ဘာ ၁ ၊ ၂၀၁၆
M-Media
သတင်း- သီဟ
.

Image Credit (အောင်အောင်-စစ်တွေ)

သြဂုတ်လ ၃၁ ၇က်နေ့ က မန္တလေးတိုင်း၊ ကျောက်ဆည်ခရိုင်၊ စဥ့်ကိုင်မြို့နယ်၊ ပုလိပ်မြို့၊ ခံလူးရွာမှာ နေထိုင်သူတွေထဲက နိုင်ငံသား မှတ်ပုံတင်မရှိသေးတဲ့လူတွေကို “နိုင်ငံသားစိစစ်ခံရမည့်သူ၏ သက်သေခံကတ်ပြား”(Identity Card for National Verification)ကဒ်တွေ ထုတ်ပေးဖို့ လူဝင်မှုကြီးကြပ်ေ၇းက အရာရှိတွေ လာရောက် စည်းရုံးပြောကြားခဲ့တယ်လို့ သိရပါတယ်။
.
“မနေ့ညက ရွာအုပ်ချုပ်ရေးပိုင်းက မနက်ဖြန် မှတ်ပုံတင် လာလုပ်ပေးမယ်ဆိုပြီး မိုက်နဲ့ ကြေညာတယ်။ မှတ်ပုံတင်ပေးမယ် အထင်နဲ့ ရွာသူရွာသား ကျိတ်ကျိတ်တိုးနေတာ၊ မြို့နယ် လ.၀.က အရာရှိ တွေ မနက်ပိုင်းရောက်လာတယ်။ အဲလို အခြေအနေမှာ ရပ်ကွက်က ရပ်မိရပ်ဖ တဦးက နိုင်ကဒ်ထုတ်ပေးမှာလား မေးတော့  (NVC) ကဒ်ထုတ်ပေးမှာလို့ မြို့နယ် လ.၀.က အရာရှိတွေက ပြန်ဖြေတယ်။ လ.၀.က အနေနဲ့ NVC ကဒ် ၅၀ ဒီရွာမှာ စံပြအနေနဲ့ စပြီးထုတ်ပေးမယ်လို့ ပြောတယ်။ နိုင်ကဒ် လိုချင်ရင်တော့ အထောက်အထား အစုံအလင်နဲ့ မြို့နယ်ရုံးကို လာလျောက်ဖို့ပြောတယ်။ ဒါနဲ့ လူတွေလဲ အသီးသီးပြန်သွားကြတယ်။ ” လို့ ဒီဖြစ်စဉ်နဲ့ ပတ်သက်ပြီး ခံလူးရွာကဒေသခံတဦး က M-Media ကို ပြောပြပါတယ်။
.
နေ့လည်မွန်းလွဲပိုင်းမှာ ခရိုင် လ.၀.က ဦးစီးမှူး ထပ်မံ ရောက်ရှိလာပြီး  နိုင်ငံသားဥပဒေတွေနှင့်ပတ်သက်ပြီး ရှင်းပြကြောင်း၊ ယခုထုတ်ပေးမယ့် NVC ကဒ်သက်တမ်းမှာ ၂ နှစ်ဖြစ်ကြောင်း၊ အဆိုပါကဒ်ကိုင်ဆောင်ထားစဉ် အတွင်း  မိဘ ၂ ဦး နှစ်ဖက်ဘိုးဘွား ၄ ဦး ပေါင်း ၆ ဦးရဲ့ အမျိုးသားမှတ်ပုံတင် အထောက်အထားပြနိုင်ရင် အချိန်မရွေး နိုင်ကဒ် ပြောင်းထုတ်ပေးမယ်ဆိုပြီး နှုတ် ကတိပေးကြောင်း ပြောကြားခဲ့တယ်လို့ သိရပါသည်။
.
ရွာခံ မွတ်စလင်မ်တွေဘက်မှ မိမိတို့မှာ တောက်လျှောက် ဖိနှိပ်ခွဲခြားခံရတဲ့ မွတ်စလင်မ်တွေလည်းဖြစ် တောသူတောင်သားတွေ လည်း ဖြစ်တဲ့ အတွက် ခုတောင် အဲ့ဒီအထောက်အထားမပြနိုင်ရင် နောက်၂နှစ်ကြာလည်း ပြဖို့ လွယ်မှာ မဟုတ်ကြောင်းပြန်လည်ဆွေးနွေးရာ လ.၀.က ဦးစီးမှူးမှ အထောက်အထားမပြနိုင်ရင် NVC ကဒ်ကို သက်တမ်းထပ်တိုးနိုင်ကြောင်း လဝက လုပ်ထုံးလုပ်နည်းအရ ဆောင်ရွက်ရတာဖြစ်တယ်လို့  ပြန်လည်ပြောကြားခဲ့တယ်လို့ သိရပါတယ်။
.
လ.ဝ.က အနေဖြင့်  အဲ့ဒီ့ ကဒ်ထုတ်ပေးလိုက်လို့ ဧည့်နိုင်ငံသား၊ ပြု နိုင်ငံသား ထည့်လိုက်တာလို့ မခံယူဖို့ မဟုတ်ကြောင်း လောလောဆယ် အထောက်အထားမဲ့နေတဲ့ သူတွေအတွက် ကဒ်တစ်ကဒ်အဖြစ်သာ ဖြစ်တယ်လို့ လ.၀.က မှူးက ပြောကြားကြောင်း၊ ဒီကဒ်နဲ့ နိုင်ငံခြားသွားဖို့ passport လျှောက်လို့ ရမလား မေးမြန်းရာမှာတော့ တိတိကျကျ မဖြေဘဲ သွားလျောက်ကြည့်ပေါ့ ဖြေတယ်လို့ အဆိုပါရှင်းလင်းပွဲကို တက်ရောက်ခဲ့တဲ့ ရွာသားတဦးက ပြောပြပါတယ်။
.
ယမန်နေ့က လ.၀.က တာဝန်ရှိသူများရဲ့ NVC ကဒ် လက်ခံဖို့ စည်းရုံးပြောဆိုမှုကို ခံလူးရွာသားများ အနေဖြင့် ချက်ခြင်း လက်မခံဘဲ လေ့လာ စဉ်းစားပြီးမှ အကြောင်းပြန်မယ်လို့ ပြောကြားခဲ့တယ်လို့ သိရပါတယ်။
.
မှတ်ပုံတင်မရှိသူများကို NVC ကဒ် ထုတ်ပေးနေတဲ့ကိစ္စ နဲ့ ပတ်သက်ပြီး ခံလူးရွာသားများ အနေဖြင့်  မွတ်စလင်မ် အဖွဲ့အစည်းများမှ တာဝန်ရှိသူအနေဖြင့် တတ်သိနားလည်တဲ့ ပညာရှင်တွေရဲ့ လမ်းညွှန်ချက်တွေ ၊ပညာပေးမှုတွေ အမြန်ဆုံး ဆောင်ရွက်ပေးဖို့ လိုလားနေကြတယ်လို့ M-Media ကို ပြောကြားခဲ့ပါတယ်။
.
အလားတူ သြဂုတ်လ ၁၇ ရက်နေ့ကလည်း  မန္တလေးတိုင်း၊ ကျောက်ဆည်ခရိုင် အတွင်းမှာရှိ အစ္စလာမ်ဘာသာဝင်အများစု နေထိုင်ရာ ဆူးလေကုန်း၊ လက်ပံ ကျေးရွာကိုလည်း ခရိုင် လ.၀.က အရာရှိများသွားရောက်ပြီး NVC ကဒ်များ ထုတ်ပေးရေးအတွက် သွားရောက် စည်းရုံး ရှင်းလင်းပြောကြားခဲ့ကြောင်း သိရှိရသည်။
.
မန္တလေးတိုင်းဒေသကြီး၊ စဥ့်ကိုင်မြို့နယ်အတွင်းရှိ ခံလူးရွာမှာ သမိုင်းဝင်ရွာကြီးဖြစ်ပြီး  မွတ်စလင်မ်များ ခုနှစ်သက္ကရာဇ်အလိုက် အခြေချနေထိုင်ခဲ့မှုသမိုင်းကို နဝတအစိုးရက တရားဝင်ထုတ်ပြန်ခဲ့သော သာသနာရောင်ဝါထွန်းစေဖို့ စာအုပ်ငယ် စာမျက်နှာ ၆၇တွင် အောက်ပါအတိုင်း ဖော်ပြထားသည်။
.
“၁၅၃၉ အေဒီတွင် တပင်ရွှေထီး ပဲခူးကို တိုက်ခိုက်ခဲ့စဉ်နှင့် ၁၅၉၉ အေဒီတွင် တောင်ငူဘုရင် ပဲခူးကို တိုက်ခိုက်ခဲ့စဉ်တွင် ဖမ်းဆီးရမိသော မွတ်ဆလင်များ၊ ၁၅၄၇ အေဒီတွင် တပင်ရွှေထီး မြို့ဟောင်းမြို့ကို ဝင်တိုက်ခဲ့စဉ်နှင့် ၁၇၀၇ အေဒီတွင် စနေမင်း၏ အရာရှိများ သံတွဲကို တိုက်ခိုက်ခဲ့စဉ် ဖမ်းဆီးရမိခဲ့သော မွတ်ဆလင်များ၊ ၁၆၁၃ အေဒီတွင် အနောက်ဘက်လွန်မင်း သန်လျင်ကို တိုက်ခိုက်ခဲ့စဉ် သန်လျင်မြို့ ကျပြီးစအခါ ဒီဗရစ်တို၏ နောက်လိုက် မွတ်ဆလင်များအား (သို့မဟုတ်) စစ်ပွဲပြီးစ အချိန်နှောင်းမှ ရောက် ရှိလာသော သင်္ဘောများမှ မွတ်ဆလင်များအား ရွှေဘိုခရိုင် မြေဒူး၊ စစ်ကိုင်းခရိုင် ပင်းယနှင့် ခံလူး၌လည်းကောင်း၊ ကျောက်ဆည်ခရိုင် လက်ပံ၌ လည်းကောင်း၊ ရမည်းသင်းခရိုင် ယင်းတော်တို့၌ လည်းကောင်း နေရာ ချထား ခဲ့ကြောင်း တွေ့ရသည်။”
.
“နိုင်ငံသားစိစစ်ခံရမည့်သူ၏ သက်သေခံကတ်ပြား” (Identity Card for National Verification) ဆိုသည်မှာ
——————————————————
အဆိုပါ NVC ကဒ် အကြောင်းနှင့်ပတ်သက်ပြီး တရား လွှတ်တော်ရှေ့နေတဦးကို ဆက်သွယ် မေးမြန်းကြည့်ရာမှာတော့
.
အထောက်အထားတင်ပြမှု အားနည်းလျှင်(သို့) မည်သည့် နိုင်ငံသား အမျိုးအစားတွင် အကျုံးဝင်ကြောင်း အတည်ပြုရန် ဒွိဟဖြစ်လျှင်(သို့) နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူဆိုင်ရာ ပြဌာန်းချက်များနှင့် အကျုံးမဝင်လျှင် လျှောက်ထားသူ၏ ဆန္ဒအလျှောက် ၁၉၈၂ခုနှစ်၊ မြန်မာနိုင်ငံသား ဥပဒေ ပုဒ်မ-၆၅ အရ လျှောက်ထားရန် ဖြစ်ပါကြောင်း ဒါက အရင်အစိုးရလက်ထက် White Card အပ်နှံသူများအား NVC ထုတ်ပေးရန် နိုင်ငံတော်အစိုးရက သဘောတူ ထားခြင်းဖြစ်ကြောင်း၊ မြန်မာနိုင်ငံ အရပ်ရပ်တွင် နေထိုင်ကြသော အစ္စလာမ်ဘာသာဝင် အားလုံးအား NVC များထုတ်ပေးရန် မဟုတ်ကြောင်း ပြောပါတယ်။
.
ယခင် သမ္မတ ဦးသိန်းစိန် အစိုးရလက်ထက် နိုင်ငံတော် သမ္မတရုံး၏ (၃-၄-၂၀၁၅)ရက်စွဲပါ အမိန့် ကြော်ငြာစာအမှတ်-၃၁/၂၀၁၅ ဖြင့် ဖွဲ့စည်းတာဝန်ပေးခဲ့သော ယာယီသက်သေခံလက်မှတ်နှင့် စပ်လျှဉ်းသည့် ကိစ္စရပ်များ လေ့လာသုံးသပ် အကြံပြုရေး ကော်မရှင်၏ အကြံပြုချက်အရ ၁၉၄၉ခုနှစ်၊ ပြည်ထောင်စု မြန်မာနိုင်ငံအတွင်း နေထိုင်သူများ မှတ်ပုံတင်ရေး အက်ဥပဒေ ပုဒ်မ-၅(၂)(ဂ)ပါ ပြဌာန်းချက်နှင့် အကျုံးဝင်သော “နိုင်ငံသားစိစစ်ခံရမည့်သူ၏ သက်သေခံကတ်ပြား”(Identity Card for National Verification)ထုတ်ပေးရန် ကော်မရှင်၏ အကြံပြုချက်ကို နိုင်ငံတော်အစိုးရက သဘောတူညီပြီးဖြစ်ကြောင်း၊  တာဝန်ပေးချက်အရ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနသည် (၅-၆-၂၀၁၅)ရက်နေ့မှစ၍ ထိုယာယီ သက်သေခံကတ်ပြား ထုတ်ပေးရေးကို ဆောင်ရွက်ခြင်း ဖြစ်ပါကြောင်း ရှင်းပြပါသည်။
.
** ပုဒ်မ-၆၅။ ။ ပုဂ္ဂိုလ်တစ်ဦးသည် နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူ ဟုတ်မဟုတ် အဆုံးအဖြတ်ခံယူရန် အကြောင်းကိစ္စ ပေါ်ပေါက်ပါက ဗဟိုအဖွဲ့သို့ လျှောက်ထားနိုင်သည်။

ဆက်စပ်အကြောင်းအရာ ဖတ်ရှုရန်
———————————-
သတင်းအမှားဖြင့် လုပ်ကြံ ဝါဒဖြန့်ခံရသည့် မြန်မာမွတ်စလင်မ်တို့၏ သမိုင်းဝင် ခံလူးကျေးရွာကြီး
http://www.m-mediagroup.com/news/43149