ကိုဖီအန်နန်နှင့် ဒေါ်အောင်ဆန်းစုကြည် ယနေ့ တွေ့ဆုံမည်

စက်တင်ဘာ ၅၊ ၂၀၁၆
M-Media

– စက်တင်ဘာ ၃ ရက်နေ့က ရန်ကုန်သို့ ရောက်ရှိလာခဲ့သည့် ရခိုင်ပြည်နယ်အကြံပေးကော်မရှင် ဥက္ကဌ ကုလအတွင်းရေးမှူးချုပ်ဟောင်း ကိုဖီအန်နန်မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ယနေ့တွင် တွေ့ဆုံမည်ဟု သိရသည်။

မစ္စတန်အန်နန်၏ လည်ပတ်မှုမှာ ၆ ရက်တာ ကြာမြင့်မည်ဖြစ်ပြီး စက်တင်ဘာ ၆ ရက်နေ့တွင် ရခိုင်ပြည်နယ်မြို့တော် စစ်တွေသို့ သွားရောက်မည်ဖြစ်ကာ စက်တင်ဘာ ၇ ရက်နေ့တွင် ဒုက္ခသည်စခန်းများသို့ သွားရောက်ကြည့်ရှုမည်ဟု ကော်မရှင်က ပြောကြားထားသည်။

ထို့ပြင် သမ္မတ ဦးထင်ကျော်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့်လည်း စက်တင်ဘာ ၈ ရက်နေ့တွင် နေပြည်တော်၌ တွေ့ဆုံမည်ဖြစ်သည်။ ထို့နောက် စက်တင်ဘာ ၉ ရက်နေ့ ရန်ကုန်မြို့မှ မထွက်ခွာခင် မစ္စတာအန်နန်မှာ သတင်းစာရှင်းလင်ပွဲတစ်ခု ပြုလုပ်ရန် ရှိနေသည်။

အကြံပေးကော်မရှင်တွင် ပါဝင်သည့် ဦးအေးလွင်ကမူ ယနေ့ နိုင်ငံတော်၏ အတိုင်ပင်ခံပုဂ္ဂိုလ်နှင့် တွေ့ဆုံရာတွင် တက်ရောက်ရန်အတွက် အဖွဲ့ဝင် ၉ ဦးစလုံးကို ဖိတ်ကြားထားသည်ဟု ပြောကြားခဲ့သည်။

“အဲဒီတွေ့ဆုံမှုမှာ ကေ်ာမရှင်ကို စတင်မှာဖြစ်ပါတယ်။ တွေ့ဆုံပွဲအပြီး သူ (မစ္စတာ အန်နန်) နဲ့ ဒေါ်အောင်ဆန်းစုကြည်တို့ ဂျာနယ်လစ်တွေနဲ့ တွေ့ဆုံမယ်လို့ ကျွန်တော်ထင်ပါတယ်” ဟု ဦးအေးလွင်က ဆိုသည်။

သြဂုတ်လ ၂၃ ရက်နေ့က ဖွဲ့စည်းခဲ့ပြီးနောက် အဆိုပါ အကြံပေးကော်မရှင်မှာ ရခိုင်အမျိုးသားရေးဝါဒီများ၊ ရခိုင်နိုင်ငံရေးပါတီ၊ အတိုက်အခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားရေးဝါဒီ အဖွဲ့များ၏ ဝေဖန်မှုများနှင့် ရင်ဆိုင်ခဲ့ရပြီး မစ္စတာ အန်နန်အပါအ၀င် ကော်မရှင်တွင် နိုင်ငံခြားသား ၃ ဦးပါဝင်မှုကို ပြစ်တင်ခဲ့ကြသည်။

Ref: mmtimes