ဝန်ဆောင်မှု ကုမ္ပဏီ ဖြင့် ဟဂ်ျသွားသူများ နစ်နာမှုရှိက ဆော်ဒီသံရုံး(ရန်ကုန်) သို့ တိုင်ကြားနိုင်

စက်တင်ဘာ ၅ ၊ ၂၀၁၆
M-Media
သတင်း-သီဟ
.
ပြင်ပ ဝန်ဆောင်မှုကုမ္ပဏီများဖြင့် ဟဂ်ျ ခရီးစဉ်သွားရောက်သူများနစ်နာမှု ရှိပါက ဆော်ဒီသံရုံး(ရန်ကုန်) သို့ တိုက်ရိုက် တိုင်ကြားနိုင်ကြောင်း ဆော်ဒီသံရုံး(ရန်ကုန်) မှ ကြေညာထားပါတယ်။
.
“ဟဂ်ျ ခရီးစဉ် ဝန်ဆောင်မှု ကုမ္ပဏီတွေ ယူတဲ့ ငွေကြေးပမာဏ အရ လုပ်ပေးရမယ့် ဝန်ဆောင်မှုတွေကို အလုပ်အပ်တဲ့လူတွေကို တင်ပြမယ်၊ အဲဒီဝန်ဆောင်မှုတွေ မပေးခဲ့ရင်၊ ပျက်ကွက်ခဲ့ရင် သံရုံးကို တိုင်ပါ။ ငွေကြိုပေးထားပါပြီး ဟဂ်ျသွားခွင့်မရလို့ လူ ၂ ဦး ပြီးခဲ့တဲ့ သောကြာနေ့က သွားရောက်တိုင်ကြားခဲ့တယ် ” လို့ သွားရောက်တိုင်ကြားခဲ့သူနှင့် နီးစပ်သူ တစ်ဦးက ပြောပါတယ်။
.
ဆော်ဒီသို့ ဟဂ်ျခရီးစဉ် သွားဖို့ ဝန်ဆောင်မှု ကုမ္ပဏီတွေ ထံမှာ ငွေကြိုပေးထားပါလျက် ဟဂ်ျသွားခွင့်မရလိုက်သူများ၊ သွားခွင့်ရပါသော် လည်း ဝန်ဆောင်မှု ကုမ္ပဏီမှ သတ်မှတ်ထားသည့် ငွေထက် ပိုပေးရသူများ၊ ဝန်ဆောင်မှု ကုမ္ပဏီမှ ပေးပါမည်ဟု ကတိပြုထားသော service များကို အမှန်တကယ် မရရှိသူများ၊ ရန်ကုန်မြို့မှာရှိတဲ့ မြန်မာနိုင်ငံဆိုင်ရာ ဆော်ဒီသံရုံးကို အထောက်အထားများနှင့်တကွ သွားရောက်စာတင်ပြီး တိုင်တန်းနိုင်ကြောင်းသိရပါတယ်။ တိုင်တန်းတဲ့အခါ အထောက်အထားလည်း ပြည့်စုံတယ်၊ တစ်ဖက် ဝန်ဆောင်မှု ကုမ္ပဏီကို  ရုံးချိန်အတွင်း တစ်ပါတည်း ခေါ်ဆောင်သွားနိုင်တယ်ဆိုလျှင် တစ်ထိုင်တည်း ဖြေရှင်းပေးပါကြောင်းသိရှိပါတယ်။
.
ဆော်ဒီသံရုံးအနေဖြင့် စည်းကမ်းဖောက်ဖျက်သည့်  ဝန်ဆောင်မှု ကုမ္ပဏီများကို ဟဂ်ျအေးဂျင့် လုပ်ပိုင်ခွင့် Quota လျော့ချခြင်းမှ စတင်ပြီး လုံးဝအပြီး ပိတ်သိမ်းတဲ့အထိ အရေးယူသွားမယ်လို့ကြေညာထားပါတယ်။

ရန်ကုန်မြို့ရှိ ဆော်ဒီသံရုံး လိပ်စာ နှင့် ဆက်သွယ်ရန် ဖုန်းနံပါတ်များ
——————-
No.6 /S, Inya Avenue Street
10th Quarter, Mayangone Township
Yangon
Myanmar
TELEPHONE -(+95) 1-657-985 / 657-986
FAX- (+95) 1-657-983
EMAIL- [email protected]