ဖိလစ်ပိုင်၏ မူးယစ်နှိမ်နင်းရေး အောင်မြင်သည်ဟု အစိုးရတာဝန်ရှိသူ ပြော

စက်တင်ဘာ ၁၂၊ ၂၀၁၆
M-Media

– နှစ်လအတွင်း လူ့အသက်ပေါင်း ၃၀၀၀ နီးပါး ဆုံးရှုံးခဲ့ရသည့် ဖိလစ်ပိုင်၏ မူးယစ်နှိမ်နင်းရေး ဆောင်ရွက်မှုမှာ အောင်မြင်သည်ဟု သမ္မတ ရော်ဒရီဂို ဒူတာတီ၏ ပြောရေးဆိုခွင့်ရှိသူ မာတင် အန်ဒါနာက ပြောကြားလိုက်သည်။

ဖိလစ်ပိုင်၏ ထိုကဲ့သို့ ပြင်းပြင်းထန်ထန် ကိုင်တွယ်မှုကို လူ့အခွင့်အရေးအဖွဲ့များနှင့် အနောက်နိုင်ငံများက ဝေဖန်မှုများ ပြုလုပ်ခဲ့ပြီး အန်ဒါနာကမူ သေဆုံးသွားသူများမှာ ဝေဖန်သူများ စွပ်စွဲသလို အစိုးရတပ်ဖွဲ့ဝင်များ၏ နှိမ်နှင်းမှုကြောင့် မဟုတ်ဘဲ လူဆိုးဂိုးဏ်များအချင်းချင်း ဖြစ်ပွားသည့် တိုက်ပွဲများကြောင့် သေဆုံးရခြင်းဟု ဆိုသည်။

သမ္မတဒူတာတီမှာ ရာဇ၀တ်ကောင်များကို သုတ်သင်ပစ်မည်ဟူသည့် ကတိဖြင့် ရွေးကောက်ပွဲတွင် အနိုင်ရလာခဲ့ပြီးနောက် ၎င်း၏ ကတိကို အကောင်အထည်ဖော်နေသည်။

“ရဲတပ်ဖွဲ့စစ်ဆင်ရေးတွေဟာ အောင်မြင်ပါတယ်။ ဒါပေမယ့် ဂိုးဏ်တွေအချင်းချင်း တိုက်ပွဲတွေဖြစ်နေပြီး တစ်ယောက်ကိုတစ်ယောက် သတ်နေကြတာပါ” ဟု အန်ဒါနာက ဆိုပြီး ထိုသတ်ဖြတ်မှုများကို ရဲတပ်ဖွဲ့က စုံစမ်းစစ်ဆေးမှု ပြုလုပ်နေသည်ဟု ပြောကြားခဲ့သည်။

ရဲတပ်ဖွဲ့၏ မှတ်တမ်းများအရ သမ္မတ ဒူတာတီ၏ ရာဇ၀တ်မှုဆန့်ကျင်ရေး စတင်သည့်အချိန်ကတည်းက တစ်နေ့လျှင် လူပေါင်း ၄၁ ဦး သေဆုံးနေသည်ဟု ဖော်ပြနေသည်။

ကုလသမဂ္ဂ တာဝန်ရှိသူများ၊ လူ့အခွင့်အရေးအုပ်စုများ၊ ဖိလစ်ပိုင်ပြည်တွင်းမှ ကတ်သလစ်ဘုရားကျောင်းခေါင်းဆောင်များနှင့် အချို့ဥပဒေပညာရှင်များက ဒူတာတီ၏ ကြမ်းတမ်းရက်စက်သော ထိုစစ်ဆင်ရေးကို ဝေဖန်ခဲ့ကြပြီး ယင်းအပြုအမူမှာ ဖိလစ်ပိုင်နိုင်ငံရှိ တရားဥပဒေစိုးမိုးမှုကို ပျက်စီးသွားစေမည်ဟု ပြောကြားခဲ့သည်။

Ref : Bangkokpost