တောင်တရုတ်ပင်လယ်တွင် ဂျပန်၏ စစ်ရေးလှုပ်ရှားမှုအစီအစဉ် အမေရိကန်ထောက်ခံ

စက်တင်ဘာ ၁၇၊ ၂၀၁၆
M-Media

– တောင်တရုတ်ပင်လယ်အတွင်း ဂျပန်က စစ်ရေးလှုပ်ရှား လုပ်ငန်းများ တိုးမြှင့်ရန် စိတ်ဝင်စားမှုကို အမေရိကန်စစ်တပ်က ကြိုဆိုလိုက်ပြီး ပူးပေါင်းဆောင်ရွက်သွားမည်ဟု ဆိုသည်။

ကြာသပတေးနေ့က ရေတပ်မှ ထုတ်ပြန်ခဲ့သည့် ကြေငြာချက်တွင် ထိုကဲ့သို့ ပြောကြားခဲ့ခြင်းဖြစ်ပြီး ဒေသတွင်း လုံခြုံရေးကို အကူအညီဖြစ်စေရေးအတွက်လည်း ဂျပန်နှင့် ပူးပေါင်းဆောင်ရွက်မှု တိုးမြှင့်သွားမည်ဟုလည်း ဖော်ပြထားသည်။

“တောင်တရုတ်ပင်လယ်မှာ ဂျပန်ရဲ့ စစ်ရေးလှုပ်ရှားမှုတွေ တိုးချဲ့ဖို့ စိတ်ဝင်တစားရှိတဲ့အပေါ် အမေရိကန်က ကြိုဆိုပါတယ်။ ဒေသတွင်း အေးချမ်းတည်ငြိမ်ရေးအတွက် အမေရိကန်-ဂျပန် ပူးပေါင်းဆောင်ရွက်ဖို့ နည်းလမ်းသစ်တွေကိုလည်း ဆက်လက်ရှာဖွေသွားမှာပါ” ဟု အမေရိကန် ရေတပ်က ဆိုသည်။

ဂျပန်နိုင်ငံက တောင်တရုတ်ပင်လယ်ပြင်၌ အမေရိကန်နှင့်အတူ ပူးပေါင်း၍ ကင်းလှည့်သင်္ဘောများကို သင်တန်းပေးမှု၊ ဒေသတွင်း ရေတပ်များနှင့် ပူးပေါင်း၍ နှစ်နိုင်ငံပူးတွဲ သို့မဟုတ် နိုင်ငံများစွာ ပူးတွဲစစ်ရေးလေ့ကျင့်မှုတို့တွင် မိမိတို့၏ ပါဝင်မှု တိုးမြှင့်သွားမည်ဟု ကာကွယ်ရေးဝန်ကြီး တိုမိုမီ အီနာဒါက ကြာသပတေးနေ့တွင် ပြောကြားခဲ့သည်။

ဂျပန်မှာ အရှေ့တရုတ်ပင်လယ်တွင်လည်း တရုတ်နိုင်ငံနှင့် ပိုင်ဆိုင်မှုအငြင်းပွားနေပြီး အီနာဒါကမူ မိမိတို့အနေဖြင့် တောင်တရုတ်ပင်လယ် ကမ်းရိုးတမ်းတွင် အင်အားဖြည့်တင်းရေး ကူညီသွားမည်ဟုလည်း ပြောကြားခဲ့သည်။

ယခင်ကလည်း တောင်တရုတ်ပင်လယ် အငြင်းပွားမှုတွင် ပါဝင်နေသည့် ဗီယက်နမ်နှင့် ဖိလစ်ပိုင်တို့ကိုလည်း ကင်းလှည့်သင်္ဘောများ၊ ထောက်လှမ်းရေး လေယာဉ်များ ထောက်ပံ့ပေးမည်ဟု ဂျပန်က ပြောကြားထားဖူးသည်။

Ref : Presstv