သီရိလင်္ကာဘုရားပွဲတွင် ဆင်ကြောင့် လူတိုးရာမှ ၁ ဦးသေဆုံး

စက်တင်ဘာ ၁၈၊ ၂၀၁၆
M-Media

– သီရိလင်္ကာနိုင်ငံတောင်ပိုင်းရှိ ဘုရားကျောင်းတစ်ခုတွင်ရှိသော ဆင်များ ခိုက်ရန်ဖြစ်ရာမှ လူအုပ်ကြီး တိုးဝှေ့မှု ဖြစ်ပွားခဲ့သောကြောင့် အမျိုးသမီးတစ်ဦး သေဆုံးပြီး လူတစ်ဒါဇင် ဒဏ်ရာရှိခဲ့သည်ဟု ရဲတပ်ဖွဲ့က ယမန်နေ့တွင် ပြောကြားခဲ့သည်။

ကိုလံဘိုတောင်ဘက်မှ မိုင် ၆၀ အကွာ ရတနာပူရမြို့ရှိ ဟိန္ဒူဘုရားကျောင်းတွင် ပြုလုပ်ခဲ့သော ဘုရားပွဲ၌ ဖြစ်ပွားခဲ့ခြင်းဖြစ်ပြီး ဆင်ထိန်းသမားတစ်ဦးက အဆိုပါ ဆင်နှစ်ကောင်ကို ချွန်းဖြင့်ပေါက်၍ တစ်နေရာစီခွဲရာ နာကျင်စွာဖြင့် ထွက်ပြေးခဲ့ရာမှ လူအုပ်ကြီးက ကြောက်လန့်ခဲ့ခြင်းဖြစ်သည်။

“ဆင်က ဘယ်သူ့ကိုမှ မတိုက်ခိုက်ပါဘူး၊ သူ့ဘာသာ ဆင်ထိန်းလက်ကနေ ထွက်ပြေးဖို့ကြိုးစားရင်း လူတွေက လန့်ပြီး ထွက်ပြေးကြတာပါ” ဟု ဒေသတွင်း ရဲအရာရှိတစ်ဦးက ပြောကြားခဲ့သည်။

ယင်း မတော်တဆမှုကြောင့် အသက် ၆၀ အရွယ်ရှိ အမျိုးသမီးတစ်ဦး နှလုံးရောဂါဖြင့် သေဆုံးခဲ့ပြီး အခြားလူတစ်ဒါဇင်ခန့်မှာလည်းပြေးလွှားရာ၍ ဒဏ်ရာအချို့ ရရှိခဲ့သဖြင့် ဆေးရုံတင်ခဲ့ရသည်။

တာဝန်ရှိသူများမှာ နောက်ပိုင်းတွင် အခြေအနေကို အလျင်အမြန် ထိန်းသိမ်းနိုင်ခဲ့သည်။ သီရိလင်္ကာတွင် ဆင်ကို မြင့်မြတ်သည့် တိရစ္ဆာန်အဖြစ် မှတ်ယူပြီး ဗုဒ္ဓဘာသာနှင့် ဟိန္ဒူဘာသာတို့၏ ပွဲတော်များတွင် ဆင်များဖြင့် လှည့်လည်မှုများ ပြုလုပ်လေ့ရှိသည်။

နိုင်ငံအတွင်းရှိ ဆင်ကောင်ရေမှာလည်း လွန်ခဲ့သည့် ၅ နှစ်က ၇၃၇၉ ကောင် ရှိရာမှ ယခုတွင် ၆၀၀၀ အထိ ကျဆင်းသွားခဲ့ပြီး လယ်သမားများက တောများကို ခုတ်ထွင် ရှင်းလင်းခြင်းကြောင့် ဖြစ်သည်။

Ref : Channelnewsasia