ကက်ရ်ှမီးယားတွင် အိန္ဒိယစစ်စခန်းတစ်ခု တိုက်ခိုက်ခံရ

စက်တင်ဘာ ၁၈၊ ၂၀၁၆
M-Media

– အိန္ဒိယက ထိန်းချုပ်ထားသည့် ကက်ရ်ှမီးယားဒေသရှိ အိန္ဒိယစစ်စခန်းတစ်ခု၌ ယနေ့တွင် ဖြစ်ပွားခဲ့သော တိုက်ခိုက်မှုအတွင်း စစ်သား ၁၇ ဦးနှင့် သူပုန်ဟု ယူဆရသူ ၄ ဦး သေဆုံးခဲ့သည်ဟု အိန္ဒိယ မြောက်ပိုင်းစစ်ဌာနချုပ်က ပြောကြားလိုက်သည်။

ကက်ရ်ှမီးယားမြို့တော် ဆရီနာဂါ၏ အနောက်ဖက် ကီလိုမီတာ ၁၀၀ ရှိ ယူရီဒေသတွင် တိုက်ခိုက်ရေးသမားများက နယ်စပ်နှင့်ကပ်နေသည့် စစ်စခန်းကို တိုက်ခိုက်ခဲ့ခြင်းဖြစ်သည်။

အိန္ဒိယ၀န်ကြီးချုပ် နရန်ဒရာမိုဒီက ထိုတိုက်ခိုက်မှုကို ပြင်းပြင်းထန်ထန် ရှုတ်ချလိုက်ပြီး သရဲဘောကြောင်သည့် အကြမ်းဖက်တိုက်ခိုက်မှုဟု ကင်ပွန်းတပ်ခဲ့သည်။

ပြည်ထဲရေးဝန်ကြီးဌာန၀န်ကြီး ရာဂ်ျနသ်ဆင်းကလည်း တိုက်ခိုက်မှုအကြောင်းကို ထိုဒေသရှိ စစ်တပ်၊ နိုင်ငံရေးခေါင်းဆောင်များနှင့် ဆွေးနွေးခဲ့ပြီး ရုရှားနှင့် အမေရိကန်သို့ သွားရောက်ရန် အစီအစဉ်ကိုလည်း ဖျက်သိမ်းခဲ့သည်ဟု ဆိုရှယ်မီဒီယာမှတစ်ဆင့် ပြောကြားခဲ့သည်။

လက်ရှိတွင် စစ်တပ်အကြီးကဲ ဒါလ်ဘီရ် ဆင်း ဆူဟဂ်နှင့် ကာကွယ်ရေးဝန်ကြီး မာနိုဟာရ် ပါရီကာရ်တို့မှာ ကက်ရ်ှမီးယားသို့ သွားရောက်မည်ဖြစ်သည်။

ကက်ရ်ှမီးယားဒေသတွင် မတည်မငြိမ်ဖြစ်နေသည်မှာ ၂ လကျော် ကြာမြင့်နေပြီဖြစ်ပြီး နေ့စဉ် ပြည်သူများနှင့် လုံခြုံရေးတပ်ဖွဲ့များအကြား ထိပ်တိုက်တွေ့ဆုံမှုများလည်း ရှိနေကာ ၂၀၁၀ နောက်ပိုင်း အဆိုးဝါးဆုံး မတည်ငြိမ်မှု ဖြစ်သည်။

အိန္ဒိယ၏ အုပ်ချုပ်ထားမှုကို ဆန့်ကျင်သည့် ထိုအဖြစ်အပျက်အတွင်း အရပ်သား ၈၇ ဦး သေဆုံးခဲ့ပြီး ထောင်နှင့်ချီ၍ ဒဏ်ရာရရှိခဲ့သည်။

Ref: Aljazeera