ပေါက်ကွဲမှုကြောင့် လောက်ကိုင်တွင် လုံခြုံရေးတိုးမြှင့်

စက်တင်ဘာ ၁၈၊ ၂၀၁၆
M-Media

– ကိုးကန့်ဒေသမြို့တော် လောက်ကိုင်ရှိ နေအိမ်တစ်အိမ်တွင် ပေါက်ကွဲမှု ဖြစ်ပွားခဲ့ပြီးနောက် မြန်မာအစိုးရစစ်တပ်မှာ မြို့တွင်း လုံခြုံရေးကို တိုးမြှင့်ချထားလိုက်သည်ဟု နိုင်ငံပိုင်သတင်းဌာနက ယနေ့တွင် ဖော်ပြခဲ့သည်။

ကြာသာပတေးနေ့က ပေါက်ကွဲမှုဖြစ်ပွားခဲ့သည့် အဆိုပါအိမ်မှာ ကိုးကန့် ကိုယ်ပိုင်အုပ်ချုပ်ခွင့်ရဒေသ ခေါင်းဆောင်ဟောင်း ဦးပယ်ဆောက်ချိန်၏ နေအိမ်ဖြစ်ပြီး၊ သွားရောက်စစ်ဆေးရာတွင် RPG ဒုံးသီးအပိုင်းအစများကို တွေ့ခဲ့ရသည်။

နောက်ပိုင်း ထပ်မံစုံစမ်းစစ်ဆေးမှုများအရ လောက်ကိုင်မြို့ အနောက်မြာက်ဖက် ၁.၆ ကီလိုမီတာမှ ပစ်ခတ်ခဲ့ခြင်းဖြစ်ပြီး၊ ၁၀၇ မမ ဒုံးပစ်လောင်ချာနှင့်သက်ဆိုင်သည့် အစိတ်အပိုင်းများကို တွေ့ခဲ့သည်။

လောင်ကိုင်မြို့ အနောက်မြောက်ဖက် ၃.၂ ကီလိုမီတာအကွာတွင်ရှိသည့် တောင်ကုန်းတစ်ခုတွင်လည်း သံသယဖြစ်ဖွယ် အိတ်တစ်ခုအတွင်းမှ ညကြည့်မှန်ဘီလူး၊ ၁၀၇ မမ ဒုံးပစ်လောင်ချာများ၊ ဒုံးသီးများနှင့် လက်ပစ်ဗုံးများနှင့် အချို့သော ဒုံးသီးများကို ၀ိုင်ယာကြိုး၊ Timer တို့ဖြင့် ချိတ်ဆက်ထားသည်ကိုလည်း တွေ့ခဲ့ရသည်။

ပြီးခဲသည့်နှစ် ဖေဖော်ဝါရီလက အမျိုးသား ဒီမိုကရေစီ မာဟာမိတ်တပ်မတော် MNDAA နှင့် မြန်မာအစိုးရ စစ်တပ်တို့အကြား တိုက်ပွဲများ ဖြစ်ပွားခဲ့ပြီးနောက် ကိုးကန့်ဒေသအား စစ်အုပ်ချုပ်ရေးအမိန့် ထုတ်ပြန်ခဲ့ပြီး နိုဝင်ဘာလတွင် ပြန်လည်ရုပ်သိမ်းခဲ့သည်။

Ref : Xinhua