မြစ်ဆုံဆည် ဆန့်ကျင်မှုကို အစွန်းရောက်အဖွဲ့များက ဆောင်ရွက်နေခြင်းဟု တရုတ်ပြော

စက်တင်ဘာ ၁၉၊ ၂၀၁၆
M-Media

– တရုတ်နိုင်ငံက ရင်းနှီးမြှုပ်နှံထားသည့် မြစ်ဆုံဆည်နှင့် ရေအားလျှပ်စစ် စီမံကိန်းအား ကန့်ကွက်မှုကို ‘အစွန်းရောက်’ အုပ်စုများက စီစဉ်နေခြင်းဖြစ်ပြီး ထိုသို့ဆောင်ရွက်ခြင်းက နှစ်နိုင်ငံ ပူးပေါင်းဆောင်ရွက်မှု စီမံကိန်းများကို ထိခိုက်စေနိုင်သည်ဟု တရုတ်အစိုးရနှင့် ဆက်နွယ်နေသည့် Study Times သတင်းစာက ယနေ့တွင် ရေးသားဖော်ပြလိုက်သည်။

သဘာဝပတ်ဝန်းကျင် ထိခိုက်နိုင်မှုကို စိုးရိမ်ရသည့်အတွက် ပြည်သူများက ပြင်းပြင်းထန်ထန် ကန့်ကွက်ခဲ့ပြီးနာက် ကန်ဒေါ်လာ ၃.၆ ဘီလီယံတန်ဖိုးရှိ အဆိုပါစီမံကိန်းကို ၂၀၁၁ ခုနှစ် သမ္မတ ဦးသိန်းစိန်လက်ထက်တွင် ရပ်ဆိုင်းခဲ့ခြင်းဖြစ်ပြီး ထိုကိစ္စက တရုတ်နှင့် မြန်မာနိုင်ငံတို့ ဆက်ဆံရေးတွင် အဖုအထစ် ဖြစ်စေခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြီးခဲ့သည့်လက တရုတ်နိုင်ငံသို့ သွားရောက်စဉ်အတွင်း မိမိတို့အနေဖြင့် နှစ်နိုင်ငံအတွက် အဆင်ပြေစေမည့် ဆုံးဖြတ်ချက်တစ်ခု ပေါ်ထွက်လာရေး ဆန္ဒရှိသည်ဟု ပြောကြားခဲ့သည်။

လက်ရှိတွင်လည်း အဆိုပါကိစ္စနှင့် အဆိုပြုထားသည့် အခြားသော ရေအားလျှပ်စစ် ဆည်တမံများအတွက် မြန်မာအစိုးရက ကော်မရှင်တစ်ခုဖွဲ့စည်းကာ သုံးသပ်မှုများ ပြုလုပ်နေသည်။

တရုတ်အစိုးရအာဏာပိုင်များကို လေ့ကျင့်ပျိုးထောင်မှုများ ပြုလုပ်ပေးနေသည့် Central Party School က ထုတ်ဝေသော Study Times သတင်းစာကမူ ဆည်တမံ စီမံကိန်းများမှာ အကြောင်းမဲ့ ပစ်မှတ်ထား တိုက်ခိုက်ခံနေရသည်ဟု သုံးသပ် ရေးသားခဲ့သည်။

“ဒေါ်အောင်ဆန်းစုကြည်ရဲ့ တရုတ်ပြည်ခရီးစဉ် မတိုင်ခင်ရော၊ နောက်ပိုင်းမှာပါ အစွန်းရောက် မြန်မာမီဒီယာတစ်ချို့၊ အစိုးရမဟုတ်တဲ့အဖွဲ့အစည်းတွေနဲ့ ပြည်သူတွေဟာ မြစ်ဆုံဆည်နဲ့ သံလွင်မြစ်ပေါ်က အခြားသော စီမံကိန်းအကြီးတွေကို ပြင်းပြင်းထန်ထန် ဆန့်ကျင်နေကြပါတယ်။ ပြီးတော့ ဒီစီမံကိန်းတွေကို ရပ်တန့်ဖို့လည်း တောင်းဆိုကြပါတယ်” ဟု သတင်းစာက ရေးသားခဲ့သည်။

“အချို့မီဒီယာတွေကဆိုရင် ဒီဆည်တွေကို ရပ်ပစ်တာဟာ စီးပွားရေးအရ တရုတ်နိုင်ငံအပေါ် မှီခိုလွန်းမှု လျှော့ချတယ်ဆိုတာကို မြန်မာနိုင်ငံက ပြသဖို့ အရေးပါတဲ့ ခြေလှမ်းလို့တောင် ဖော်ပြကြပါတယ်”

ထို့ပြင် ထိုကဲ့သို့ ဖော်ပြမှုများမှာ မည်သူ၏အာဘော်ဖြစ်သည်ကို မှန်းဆရခက်သော်လည်း ထို ‘အစွန်းရောက် မှတ်ချက်များ’ က မြန်မာနိုင်ငံရှိ ပုဂ္ဂလိက မီဒီယာများတွင် လွှမ်းမိုးနေသည်ဟု Study Times က ထည့်သွင်းဖော်ပြခဲ့သည်။

မြစ်ဆုံဆည် စီမံကိန်းတွင် အဖြေရှာရန်မှာ တရုတ်နယ်စပ်တစ်လျှောက်တွင် လှုပ်ရှားနေသည့် တိုင်းရင်းသားလက်နက်ကိုင် အုပ်စုများနှင့် ဆွေးနွေးရာတွင် တရုတ်၏ ပူးပေါင်းဆောင်ရွက်မှုကို လိုအပ်နေသည့် ဒေါ်အောင်ဆန်းစုကြည်အတွက် အရေးပါသည့်ကိစ္စ ဖြစ်နေသည်။

Study Times ကမူ ဒေါ်အောင်ဆန်းစုကြည်နေဖြင့် အရှေ့တောင်အာရှနိုင်ငံများထက် တရုတ်နိုင်ငံကို ပထမဆုံး လာရောက်မှုအား ချီးကျူးခဲ့ပြီး နှစ်နိုင်ငံဆက်ဆံရေး မည်မျှအရေးကြီးကြောင်းကို အသိအမှတ်ပြုခြင်း ဖြစ်သည်ဟုလည်း ပြောကြားခဲ့သည်။

“အနောက်နိုင်ငံတွေက ရင်းနှီးမြှုပ်နှံဖို့ ဆန္ဒမရှိတဲ့ မြန်မာနိုင်ငံက အခြေခံအဆောက်အဦး စီမံကိန်းတွေကို တရုတ်နိုင်ငံက ရင်းနှီးမြှုပ်နှံဖို့ ဆန္ဒရှိပါတယ်” ဟု သတင်းစာ ထည့်သွင်းရေးသားခဲ့သည်။

Ref: Reuters