ယခုနှစ် မြေထဲပင်လယ်ကို ဖြတ်ပြေးသည့် ဒုက္ခသည် ၃ သိန်းကျော်ပြီ

စက်တင်ဘာ ၂၁၊ ၂၀၁၆
M-Media

– စစ်ပွဲ၊ ပဋိပက္ခနှင့် ဆင်းရဲမွဲတွေမှုတို့ကြောင့် အိုးအိမ်စွန်ခွာခဲ့ရပြီး ဥရောပနိုင်ငံများတွင် ခိုလှုံခွင့်ရရန်အတွက် မြေထဲပင်လယ်ကို ကျော်ဖြတ်ရောက်ရှိလာသည့် ဒုက္ခသည်အရေအတွက်မှာ ယခုနှစ်တွင် သုံးသိန်းကျော်ရှိပြီဟု ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) က ပြောကြားလိုက်သည်။

“ဒီနှစ်အတွင်း ဥရောပကမ်းခြေကို ရောက်ဖို့အတွက် ဖြတ်သန်းသွားလာကြတဲ့ ရွှေ့ပြောင်းနဲ့ ဒုက္ခသည်အရေအတွက်ဟာ အခုဆိုရင် သုံးသိန်း ကျော်သွားပါပြီ” ဟု UNHCR မှ ပြောရေးဆိုခွင့်ရှိသူ ၀ီလီယံ စပင်ဒလာက ယမန်နေ့တွင် ပြောကြားခဲ့ပြီး ၂၀၁၅ ခုနှစ် ပထမ ကိုးလအတွင်း ရွှေ့ပြောင်းသူ ၅၂၀၀၀၀ ထက်နှင့် နှိုင်းယှဉ်ပါက နည်းသွားသည်ဟုလည်း ဆိုသည်။

ထို့ပြင် ၂၀၁၆ ခုနှစ်မှာ မြေထဲပင်လယ်တွင် အဆိုးဝါးဆုံး အဖြစ်အပျက်များ ဖြစ်ပွားသည့်နှစ်ဖြစ်ပြီး ပင်လယ်ကိုဖြတ်စဉ် သေဆုံး သို့မဟုတ် ပျောက်ဆုံးဟု သတင်းရရှိသည့် ဒုက္ခသည်အရေအတွက်မှာ ၃၂၁၁ ယောက်အထိ ရှိနေသည်။ ထိုအရေအတွက်မှာ ၂၀၁၅ ခုနှစ် တစ်နှစ်ပတ်လုံးတွင် သေဆုံးခဲ့သည့် စုစုပေါင်း အရေအတွက် ၃၇၇၁ ထက် ၁၅ ရာခိုင်နှုန်း နည်းသည်ဟု စပင်ဒလာက ပြောကြားခဲ့သည်။

ထိုကဲ့သို့ အန္တရာယ်ရှိသော ခရီးစဉ်ကို လာရောက်ကြသူများတွင် လစ်ဗျားမှ အီတလီသို့ ရောက်ရှိသူ အရေအတွက်မှာ ပုံမှန်အတိုင်း ရှိခဲ့သော်လည်း တူရကီနှင့် ဂရိသို့ ရောက်ရှိသည့် အရေအတွက်မှာမူ သိသိသာသာ လျော့ကျခဲ့သည်။ မြေထဲပင်လယ်ကို ဖြတ်ကျော်လာသူများတွင် ထက်ဝက်ကျော်မှာ ပြည်တွင်းစစ်ဒဏ်ကို ဆိုးရွားစွာ ခံနေရသည့် ဆီးရီးယားနိုင်ငံမှ ဖြစ်သည်ဟု UNHCR က ဆိုသည်။

Ref : Presstv