တက္ကဆက်ရှိ တက္ကသိုလ်တစ်ခုတွင် အစ္စလာမ့် အသိပညာပေးအစီအစဉ် ပြုလုပ်

စက်တင်ဘာ ၂၂၊ ၂၀၁၆
M-Media

– အမေရိကန်ပြည်ထောင်စု တက္ကဆက်ပြည်နယ်ရှိ Texas A&M တက္ကသိုလ်မှ မွတ်စလင်ကျောင်းသားများ အစည်းအရုံးမှာ လူထုအတွင်း အစ္စလာမ့်အသိပညာပေး အစီအစဉ်တစ်ခုကို စတင်ခဲ့သည်ဟု သိရသည်။

“အစ္စလာမ်သာသနာ: အမှန်တရားနှင့် ကောလဟာလ” ဟု အမည်ပေးထားသည့် အဆိုပါအစီအစဉ်မှာ အစ္စလာမ်နှင့် ပက်သက်သည့် အထင်မြင်လွဲမှားမှုများကို ပပျောက်စေရန်နှင့် အစ္စလာမ်သာသနာ၏ သက်ဝင်ယုံကြည်မှု အစစ်အမှန်ကို လူထုအား အသိပညာပေးရန် ရည်ရွယ်ခြင်းဖြစ်သည်။

အစီအစဉ်တွင် ဖိတ်ကြားခံရသူ ဒေါက်တာ အန်န၀ါရ် အဟ်မဒ်က အစ္စလာမ်သာသနာနှင့်ပက်သက်သည့် သက်ဝင်ယုံကြည်မှု၊ သမိုင်းကြောင်းများအပေါ် သုံးသပ်ပြောကြားမှုဖြင့် အခမ်းအနားကို စတင်ခဲ့သည်။

ထို့နောက် အခက်အခဲများအား ကြိုးစားကျော်လွှားရန် ရည်ရွယ်သည့် ‘ဂျီဟတ်’ ဟူသည့်စကားလုံးအား မှားယွင်းအနက်ပြန်ကာ အသုံးချမှုအကြောင်း၊ အမေရိကန်တွင် မွတ်စလင်များက ရှရီအာဥပဒေများကို ပြဌာန်းစေချင်သည်ဆိုသည့် ကောလဟာလများအကြောင်း၊ အစ္စလာမ်က အမျိုးသမီးများအပေါ် ဖိနှိပ်သည်၊ နှိမ့်ချသည်ဟူသည့် အထင်အမြင်မှားမှုများအကြောင်းကို ရှင်းလင်း ပြောကြားခဲ့သည်။

“အာဏာစက်တစ်ခုအတွင်းမှာ အခြား စည်းကမ်းဥပဒေ တစ်ခုခုကို ပြဌာန်းထားတာမျိုး မဖြစ်ရပါဘူး။ ရှရီအာဥပဒေက မွတ်စလင်တွေအနေနဲ့ ကိုယ်နေထိုင်ရာ နိုင်ငံတော်ရဲ့ ဥပေဒေတွေ၊ စည်းမျဉ်းစည်းကမ်းတွေကို လိုက်နာဖို့ ပြဌာန်းထားပါတယ်။ ဒါပေမဲ့ မွတ်စလင်မဟုတ်တဲ့ နိုင်ငံတွေမှာ အစ္စလာမ်ရဲ့ တရားစီရင်ရေးစနစ်နဲ့ ပြစ်ဒဏ်တွေကို ပြဌာန်းခွင့် မရှိပါဘူး” ဟု အဟ်မဒ်က ထည့်သွင်းပြောဆိုခဲ့သည်။

ထို့ပြင် အစွန်းရောက်များက အစ္စလာမ်သာသနာအား ပုံဖျက်ကာ ရမ်းကားနေမှုများအကြောင်းနှင့် ၎င်းတို့၏ လုပ်ရပ်များမှာ အစ္စလာမ်သာသနာနှင့် သက်ဆိုင်မှုမရှိကြောင်းကိုလည်း ပြောကြားခဲ့သည်။

“အစွန်းရောက်အစ္စလာမ်ဆိုတာ မရှိပါဘူး။ အစွန်းရောက်သွားတာနဲ့ အစ္စလာမ်နဲ့ ဘာမှမဆိုင်တော့ပါဘူး။ သူတို့ဟာ ပညာမဲ့တွေပါ”

အစီအစဉ်ကို တက်ရောက်လာသည့် ပရိတ်သတ်များကမူ နောက်ပိုင်းတွင် အစ္စလာမ်နှင့်ပတ်သက်၍ မေးခွန်းများ မေးမြန်းခဲ့ပြီး အဟ်မဒ်က ပြန်လည်ဖြေကြားခဲ့သည်။

Ref : IINA