အကြမ်းဖက်အဖွဲ့နှင့် ဆက်စက်သည့် လူ ၄ ဦးကို မလေးရှား ဖမ်းဆီး

စက်တင်ဘာ ၂၂၊ ၂၀၁၆
M-Media

– မလေးရှားရဲတပ်ဖွဲ့မှာ အကြမ်းဖက်ဝါဒနှင့် ဆက်စပ်သည်ဟု သံသယရှိသူ ၄ ဦးကို သြဂုတ်လ ၂ ရက်နှင့် စက်တင်ဘာလ ၁၇ ရက်ကြားတွင် ဖမ်းဆီးလိုက်ပြီး ထိုအထဲတွင် နိုင်ငံခြားသား ၃ ဦး ပါဝင်သည်ဟု သိရသသည်။

အဆိုပါဖမ်းဆီးမှုတွင် ဘင်္ဂလားဒေ့ရ်ှနိုင်ငံသား စားသောက်ဆိုင်ပိုင်ရှင်တစ်ဦးမှာ နိုင်ငံတကာ အကြမ်းဖက်အဖွဲ့များမှ လက်နက်များ မှောင်ခိုတင်သွင်းရာတွင် ပါဝင်သည်ဟု သံသယဖြစ်ခံရကြောင်း မလေးရှားရဲတပ်ဖွဲ့က ယနေ့တွင် ကျင်းပသည့် သတင်းစာရှင်းလင်းပွဲတွင် ပြောကြားခဲ့သည်။

အဆိုပါ စားသောက်ဆိုင်ပိုင်ရှင်အတွက် အင်တာပိုက သတိပေးခဲ့ခြင်းဖြစ်သည်။

အခြား နိုင်ငံခြားသားတစ်ဦးမှာ ဖျော်ဖြေရေးလုပ်ငန်း လုပ်ကိုင်သော နီပေါနိုင်ငံသားတစ်ဦးဖြစ်ပြီး နိုင်ငံတကာ အကြမ်းဖက်အဖွဲ့ဝင်များ အသုံးပြုရန်အတွက် ခရီးသွားအထောက်အထားများကို အတုပြုလုပ်မှုအတွက် ဖမ်းဆီးခဲ့ခြင်းဖြစ်သည်။ မော်ရိုကိုနိုင်ငံသားတစ်ဦးကိုမူ IS အကြမ်းဖက်အဖွဲ့ဝင်တစ်ဦးဖြစ်သည်ဟူသော သံသယဖြင့် ဖမ်းဆီးခဲ့ခြင်းဖြစ်ပြီး ဆီးရီးယားသို့ တရားမ၀င်သွားရောက်ရန် ကြိုးစားစဉ် တူရကီအာဏာပိုင်များက ဖမ်းဆီးခဲ့ခြင်းဖြစ်သည်။

ထိုနိုင်ငံခြားသား ၃ ဦးစလုံးကို မလေးရှားက ပြည်နှင်ဒဏ်ပေးကာ မိခင်နိုင်ငံများသို့ ပို့ဆောင်ခဲ့သည်။ စတုတ္တထမြောက် ဖမ်းဆီးခံရသူမှာ စီးပွားရေးသမားတစ်ဦးအတွက် ယာဉ်မောင်းအဖြစ် ဆောင်ရွက်နေသူ မလေးရှားနိုင်ငံသားတစ်ဦး ဖြစ်သည်။

၎င်းမှာ Facebook စာမျက်နှာတွင် IS အကြမ်းဖက်အဖွဲ့အတွက် ၀ါဒဖြန့်ပေးနေသော မိုဟာမက် ၀မ်ဒီ မိုဟာမက် ဂျက်ဒီနှင့် အဆက်သွယ်ရှိသူဟု ယုံကြည်ရကြောင်း ရဲတပ်ဖွဲ့က ပြောကြားခဲ့သည်။

Ref: Channelnewsasia