ရော်နယ်ဒို ဂုိုးမသွင်းနိုင်မှုကို မစိုးရိမ်ဟု ဇီဒိန်းပြော

စက်တင်ဘာ ၂၂၊ ၂၀၁၆
M-Media

– ဒဏ်ရာမှ ပြန်လည်သက်သာလာပြီးနောက် ယခုတစ်ပတ်တွင် ဂိုးပေါက်ပျောက်ခဲ့သည့် ရော်နယ်ဒိုအတွက် မိမိအနေဖြင့် စိုးရိမ်မှုမရှိဟု ရီးယဲလ်နည်းပြ ဇီဒိန်းက ပြောကြားလိုက်ပြီး ရော်နယ်ဒို၏ တိုးတက်မှုအတွက်လည်း ကျေနပ်သည်ဟု ဆိုသည်။

ယူရို ၂၀၁၆ ဖိုင်နယ်တွင် ရရှိခဲ့သည့် ဒဏ်ရာကြောင့် ရော်နယ်ဒိုမှာ ဆီးဗီးလားအား အနိုင်ရရှိခဲ့သည့် ယူအီးအက်ဖ်အေ စူပါဖလားပြိုင်ပွဲတွင် မပါဝင်နိုင်ခဲ့သလို လာလီဂါ ပထမ ၂ ပွဲကိုလည်း လွဲချော်ခဲ့သည်။ သို့သော်လည်း အိုဆာဆူနာအား ၅ ဂိုး ၂ ဂိုးဖြင့် အနိုင်ရရှိသော လာလီဂါပွဲနှင့် စပို့တင်းအသင်းအား ၂ ဂိုး ၁ ဂိုးဖြင့် နိုင်ခဲ့သည့် ချန်ပီယံလိဂ်ပွဲတို့တွင် ပါဝင်ခဲ့ပြီး ၁ ဂိုးစီ သွင်းပေးခဲ့သည်။

ယခုတစ်ပတ် ဗီလာရီးယဲလ်အား သရေကျသည့်ပွဲတွင် ရော်နယ်ဒိုမှာ ဂိုးသွင်းနိုင်ခြင်း မရှိခဲ့ပေ။ သို့သော်လည်း ဇီဒိန်းကမူ ၎င်း၏ တိုက်စစ်မှူးကို မစိုးရိမ်ဟု ဆိုသည်။

“ခရစ္စတီယာနိုနဲ့ပတ်သက်ပြီး ပြောရရင်တော့ ဗီလာရီးယဲလ်နဲ့ပွဲမှာ သူဟာ အမြဲတမ်းကစားခဲ့သလို အရေးပါတဲ့ ကစားသမားတစ်ဦး ဖြစ်ခဲ့ပါတယ်။ သူ ဂိုးမသွင်းနိုင်တာနဲ့ပတ်သက်ပြီး ကျွန်တော် မစိုးရိမ်ပါဘူး။ အသင်းမှာ သူရှိနေဖို့ ကျွန်တော်တို့အတွက် အရေးကြီးပါတယ်။ အသင်းမှာ မပါနိုင်တာကိုပဲ ကျွန်တော် စိုးရိမ်မိတာပါ။ အရေးအကြီးဆုံးက သူ ပုံမှန်ခြေစွမ်း ပြန်ရဖို့ပါ။ ဘာ့ကြောင့်လည်းဆိုတော့ သူ့က အမြဲတမ်း ဂိုးတွေသွင်းပေးလို့ပါ။ ဂိုးသွင်းသူ နာမည်စာရင်းမှာ ပါဝင်ဖို့ သူက အမြဲတမ်း စိတ်အားထက်သန်ပါတယ်” ဟု ဇီဒိန်းက ပြာကြားခဲ့သည်။

Ref : Goal