ကိုလိုရာဒိုရှိ ခရစ်ယာန်ဘုရားကျောင်းတွင် လူတိုင်းအတွက် အစ္စလာမ့်ရေးရာ သင်ကြားပို့ချမှု ပြုလုပ်မည်

စက်တင်ဘာ ၂၃၊ ၂၀၁၆
M-Media

– အစ္စလာမ်၊ မွတ်စလင်တို့နှင့်ပတ်သက်၍ ထင်မြင်ယူဆချက်အမှားများကို ဖယ်ရှားရေးအတွက် အမေရိကန်ပြည်ထောင်စု ကိုလိုရာဒိုပြည်နယ် လက်ဗ်လန်းမြို့ရှိ ခရစ်ယာန်ဘုရားကျောင်းတစ်ခုတွင် ၄ ပတ်ကြာ အစ္စလာမ့်ရေးရာ သင်ကြားရေးအစီအစဉ်ကို ဆောင်ရွက်သွားမည်ဟု သိရသည်။

First United Methodist Church ဘုရားကျောင်းဖြစ်ပြီး Introduction to Islam (အစ္စလာမ့်အကြောင်းမိတ်ဆက်) ဟု အမည်ပေးထားသည့် ထိုအစီအစဉ်မှာ စက်တင်ဘာ ၂၅ ရက်နေ့မှ အောက်တိုဘာ ၁၆ ရက်နေ့အထိ ကြာမြင့်မည်ဖြစ်ကာ အပြန်အလှန်ဆွေးနွေးမှုများ၊ ဟောပြောတင်ပြမှုများ ပါဝင်မည်ဖြစ်သည်။

“ကျွန်မတို့ တော်တော်များများက အစ္စလာမ် ဒါမှမဟုတ် မွတ်စလင်တွေရဲ့ ယဉ်ကျေးမှုအကြောင်း နားမလည်ကြပါဘူး” ဟု ထိုအစီအစဉ်ကို ဦးစီးကျင်းပသည့် ဆူး မူလင်က ဆိုပြီး နိုင်ငံအတွင်းရှိ အစ္စလာမ့်ရေးရာ အမွေအနှစ်များကို ဖယ်ရှားရန် ဆော်သြမှုများ ဖြစ်လာပြီးနောက် သိက္ခာတော်ရဆရာတော် စတီဗ် ဂွဒ်ဒီယာဦးဆောင်သည့် ဘုရားကျောင်းအဖွဲ့ဝင် ၇ ဦးက ထိုကဲ့သို့ အစ္စလာမ့်ရေးရာ သင်ကြားမှုအစီအစဉ်ကို ဆောင်ရွက်ရန် စိတ်ကူးရခြင်းဖြစ်သည်ဟုလည်း ထည့်သွင်းပြောကြားခဲ့သည်။

အဆိုပါအစီအစဉ်တွင် လူတိုင်း ပါဝင်ခွင့်ရမည်ဖြစ်ပြီး ကိုလိုရာဒိုတက္ကသိုလ် အစ္စလာမ့်ရေးရာ လေ့လာမှုဌာနမှ ပါမောက္ခဖြစ်သူ အေအွန် ဟာဆန် အလီက အစ္စလာမ်ကြောင်း မိတ်ဆက် သင်ကြားမည်ဖြစ်သည်။ မူလင်ကမူ သင်ကြားမှုအတွင်း အစ္စလာမ်၊ မွတ်စလင်တို့နှင့်ပတ်သက်သည့် မေးခွန်းအများအပြားကို ဖြေရှင်းသွားမည်ဟုလည်း ဆိုသည်။

ဆရာတော် ဂွဒ်ဒီယာက ကိုလိုရာဒိုရှိ မွတ်စလင်လူ့အဖွဲ့အစည်းနှင့် ဆက်ဆံရေးတည်ဆောက်ရန် အရေးကြီးသည်ဟု ပြောကြားခဲ့သည်။

“ဒီအစီအစဉ်က တစ်ခြားသူတွေရဲ့ ဘာသာတရားကို လေ့လာမှုထက်ကို ပိုပြီး မိတ်ဆွေဖွဲ့မှု၊ ပြည်သူတွေအကြား နက်နက်ရှိုင်းရှိုင်း နားလည်နိုင်မှုအတွက် ဖြစ်ပါတယ်။ မွတ်စလင်လူ့အဖွဲ့အစည်းကို ပစ်ပယ်ထားလို့ မရပါဘူး။ ကိုလိုရာဒိုမြောက်ပိုင်းက သူတို့ဟာ ကျွန်တော်တို့ရဲ့အစိတ်အပိုင်းဖြစ်ဖို့ လိုအပ်ပါတယ်” ဟု ဆရာတော်က ထည့်သွင်းမိန့်ကြားခဲ့သည်။

ထိုသင်ကြားမှုနှင့် အပြန်အလှန်ဆွေးနွေးမှု အစီအစဉ်တွင် ဒေသအတွင်းမှာ ထင်ရှားသည့် အစ္စလာမ့်ဓမ္မပညာရှင်များ ပါဝင်မည်ဖြစ်သည်။

Ref: Reporterherald