၆ နှစ်အရွယ် ကလေးငယ်ကပေးသော လူသားဆန်မှု သင်ခန်းစာ

စက်တင်ဘာ ၂၃၊ ၂၀၁၆
M-Media

အဲလက်စ်

– ဆီးရီးယားနိုင်ငံ အဲလစ်ပိုမှာ လေကြောင်းတိုက်ခိုက်မှုကြောင့် နေအိမ်ပြိုကျ ပျက်ဆီးရာကနေ ကယ်ထုတ်ခဲ့ရတဲ့ ကလေးငယ်လေး လူနာတင်ယာဉ်ပေါ်မှာ သွေးသံရဲရဲနဲ့ တိတ်ဆိတ်သြအံ့စွာ ထိုင်နေတဲ့ ဓာတ်ပုံကို လူတိုင်း မှတ်မိကြမှာပါ။

အိုမရန်လို့ခေါ်တဲ့ အဲဒီကလေးငယ်လေးရဲ့ အဖြစ်အပျက်ဟာ ဆီးရီးယားနိုင်ငံက ကလေးငယ်တွေ နေ့စဉ်ကြုံတွေ့နေရတဲ့ ဒုက္ခသုက္ခသည်တွေကို မီးမောင်းထိုးပြနေတာဖြစ်ပြီး သူ့ကို အကြောင်းပြုလို့ ကမ္ဘာတစ်ဝှမ်းက ပြည်သူတွေကလည်း ဆီးရီးယားက ကလေးငယ်လေးတွေရဲ့ဘ၀ကို ဂရုဏာ သက်ခဲ့ကြပါတယ်။

ပြီးခဲ့တဲ့ရက်ပိုင်းအတွင်းက နယူးယောက်မြို့မှာ ပြုလုပ်ခဲ့ပြီး ကမ္ဘာတစ်ဝှမ်းက ခေါင်းဆောင်တွေ တက်ရောက်ခဲ့တဲ့ ဒုက္ခသည်များဆိုင်ရာ ထိပ်သီးအစည်းဝေး (Leaders Summit on Refugees) မှာ အမေရိကန်သမ္မတ ဘာရက်အိုဘားမားဟာ အိုမရန်လေးရဲ့ အဖြစ်အပျက်ကို တွေ့ပြီးနောက်ပိုင်းမှာ နယူးယောက်မြို့ဆင်ခြေဖုံးက အသက် ၆ နှစ်အရွယ် အဲလက်စ် ရေးသားခဲ့တဲ့စာကို ဖတ်ပြခဲ့ပါတယ်။

အိုမရန်

ဒီနေ့ကမ္ဘာကြီးမှာ ပျောက်ဆုံးနေတဲ့ လူသားဝါဒ အပြည့်အ၀ပါတဲ့ အဲလက်စ်လေးရဲ့စာက တက်ရောက်လာသူ အားလုံးရဲ့ရင်ကို ထိမှန်စေခဲ့ပါတယ်။ အမေရိကန်သမ္မတ အိုဘားမားကတော့ ‘နေထိုင်တဲ့ နေရာဌာန၊ ပုံပန်းသဏ္ဍာန်၊ ယုံကြည်သက်ဝင်မှု စတာတွေအပေါ် အခြေခံပြီး မကောင်းမြင်ဖို့၊ သံသမျက်စိနဲ့ကြည်ဖို့၊ ကြောက်ရွံ့ဖို့ သင်ကြားပေးခြင်း မခံရေသးတဲ့ ကလေးငယ်က ပြသတဲ့ ဒီလူသားဆန်မှု – ချစ်ခြင်းမေတ္တာ၊ ကြင်နာမှုတွေနဲ့အတူ သူနေထိုင်ကြီးပြင်းရသလို တစ်ခြားသူတွေကိုလည်း ဒီလို နေထိုင်ကြီးပြင်းစေရမယ်ဆိုတဲ့ စိတ်ထားမျိုး ရှိမှုတွေဟာ မိမိတို့အားလုံး အဲလက်စ်ဆီက သင်ယူရမယ့် သန်ခင်းစာတွေပဲ ဖြစ်ပါတယ်’ လို့ ပြောကြားခဲ့ပါတယ်။

အဲဒီ အတုယူ လေးစားအားကျဖွယ်ကောင်းတဲ့ စာလေးကို M-Media ပရိတ်သတ်တွေအတွက် ဖော်ပြပေးလိုက်ပါတယ်။

ချစ်လှစွာသော သမ္မတကြီး အိုဘားမားခင်ဗျာ –

ဆီးရီးယားမှာ လူနာတင်ယာဉ်ပေါ် ချီပြီး အပို့ခံရတဲ့ ကောင်လေးကို မှတ်မိပါသလား။ သူ့ကို သွားခေါ်ပြီး သားအိမ်ကို ခေါ်လာပေးပါ။ ကားလမ်းမှာပဲဖြစ်ဖြစ်၊ လမ်းကြားလေးထဲမှာပဲဖြစ်ဖြစ် ကားတွေရပ်ပြီး သမ္မတကြီးတို့ကို အလံတွေ၊ ပန်းတွေ၊ ဘောလုံးတွေနဲ့ သားတို့ စောင့်ကြိုနေမှာပါ။ သားလေ – သူ့ကို မိသားစုလေးတစ်ခု ပေးချင်ပါတယ်။ သူက သားရဲ့ ညီအစ်ကိုပေါ့။ သားညီမလေး ကက်သရင်းက သူ့အတွက် လိပ်ပြာလေးတွေ၊ ပိုးစုန်းကြူးလေးတွေ ဖမ်းပေးမယ်။ ကျောင်းမှာလည်း ဆီးရီးယားက သားသူငယ်ချင်း အိုမာရ်နဲ့ သား သူ့ကို မိတ်ဆက်ပေးမှာပါ။ သားတို့ အတူတူ ကစားကြမယ်။ မွေးနေ့ပွဲတွေတက်ဖို့လည်း သူ့ကို သားဖိတ်မယ်။ သူ့ဆီကနေလည်း ဘာသာစကားကို သားသင်မယ်။ ဂျပန်က သားသူငယ်ချင်း အေအိုတိုကို သင်ပေးသလိုမျိုး အင်္ဂလိပ်စာကိုလည်း သားတို့ သူ့ကို သင်ပေးမှာပါ။

သူ့လိုမျိုး အင်မတန်ကြင်နာတတ်တဲ့ အဲလက်စ်ဆိုတဲ့ သူ့ရဲ့ ညီလေးတစ်ယောက်ရှိတယ်ဆိုတာ ကျေးဇူးပြုပြီး ပြောပေးပါနော်။ သူ အရုပ်တွေလည်း ယူလာစရာမလိုပါဘူး။ သူမှာ အရုပ်မရှိရင်လည်း ညီမလေး ကက်သရင်းက အပြာရောင် အစင်းကြောင်းအင်္ကျီလေး ၀တ်ထားတဲ့ အဖြူရောင် ယုန်ရုပ်ကလေး ပေးမှာပါ။ သား စက်ဘီးကိုလည်း သူ့ကို ပေးစီးမယ်။ စက်ဘီးစီးတတ်အောင်လည်း သား သင်ပေးမယ်။ သင်္ချာမှာ အပေါင်း၊ အနှုတ်တွေကိုလည်း သားသင်ပေးမယ်။ ကက်သရင်းက သူ့ရဲ့ အစိမ်းရောင် ပင်ဂွင်းရုပ် နှုတ်ခမ်းဆိုးဆေးရဲ့ အမွှေးနံ့ကိုလည်း သူကို့ မွှေးခိုင်းလိမ့်မယ်။ သူ့က အဲဒါကို သားကိုတောင် ပေးကိုင်တာ မဟုတ်ပါဘူး။

ကျေးဇူးတင်ပါတယ်။ သမ္မတကြီးသူ့ကိုခေါ်လာမယ့်အချိန်ကို သား မစောင့်နိုင်တော့ဘူး။

အဲလက်စ်
အသက် ၆ နှစ်

Ref: Whitehouse