နိုင်ငံခြားမှ မြန်မာနိုင်ငံသား ၁၄၀ ကျော်ကို နိုင်ငံသားပြုခွင့် ပြန်ပေးထား

စက်တင်ဘာ ၂၄၊ ၂၀၁၆
M-Media

– မြန်မာအစိုးရမှာ ယခင်နိုင်ငံသားဟောင်း ၁၄၃ ဦးကို ဥပဒေနှင့်အညီ နိုင်ငံသားပြုခွင့် ပြန်ပေးခဲ့ပြီး ဖြစ်သည်ဟု အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီး ဦးသိန်းဆွေက ယနေ့တွင် လွတ်တော်၌ ပြောကြားခဲ့သည်။

လွှတ်တော်အမတ်များ၏ မေးမြန်းမှုကို ဖြေကြားရာတွင် ထိုကဲ့သို့ ပြောကြားခဲ့ခြင်းဖြစ်ပြီး နိုင်ငံသားဖြစ်ခွင့် ပြန်ရရန် လျှောက်ထားသူ ၁၉၈ ဦးမှ ၁၄၃ ဦးကို နိုင်ငံသား ပြန်ပေးခဲ့ခြင်းကာ ကျန်ရှိသူများကို စီစစ်ဆဲဖြစ်သည်ဟု ဆိုသည်။

ယခင်ဦးသိန်းစိန်အစိုးရလက်ထက်တွင် နိုင်ငံရပ်ခြား၌ နိုင်ငံသားခံယူထားသော မြန်မာနိုင်ငံသားများကို နိုင်ငံအတွင်း အမြဲတမ်းနေထိုင်ခွင့် ရရှိစေသည့် PR လုပ်ငန်းစဉ်တစ်ခုကို ဖော်ဆောင်ပေးခဲ့သည်။

ထိုစနစ်မှာ နိုင်ငံရပ်ခြား ပညာရှင်များနှင့် ရင်းနှီးမြှုပ်နှံသူများအတွက်လည်း အကြုံးဝင်ကြောင်း၊ အဆိုပါ အမြဲတမ်းနေထိုင်ခွင့်စနစ်ဖြင့် နေထိုင်ရန် ၂၀၁၅ ခုနှစ် ဇန်န၀ါရီလမှစ၍ ယခုနှစ်သြဂုတ်လအထိ လျှောက်ထားသူ ၃၁၉ ဦးရှိပြီး ၂၆၄ ဦးကိုခွင့်ပြုထားကြောင်း ဦးသိန်းဆွေက ထည့်သွင်းပြောကြားခဲ့သည်။

Ref : business-starndard