ဘာသာပေါင်းစုံမှ ပြည်သူများ ဘာသာကြီးလေးခု ဝတ်ပြုကျောင်းများသို့ သွားရောက် လေ့လာ

စက်တင်ဘာ ၂၅ ၊ ၂၀၁၆
M-Media
သတင်း-သီဟ

အပြည်ပြည်ဆိုင်ရာ ငြိမ်းချမ်းရေးနေ့ကို ဂုဏ်ပြုသောအားဖြင့် စက်တင်ဘာ ၂၅ ရက်နေ့တွင်  ငြိမ်းချမ်းမှုတည်ဆောက်ရေးကွန်ရက် (PCN) မှ ဦးဆောင်၍ ဘာသာပေါင်းစုံလူငယ်များပါဝင်ပြီး ဘာသာကြီးလေးခုဖြစ်သော ဗုဒ္ဓဘာသာ၊ ဟိန္ဒူဘာသာ၊ ခရစ်ယာန်ဘာသာ၊ အစ္စလာမ်ဘာသာတို့ ဝတ်ပြုကျောင်းများသို့ သွားရောက် လေ့လာမှုပြုလုပ်ခဲ့သည်။

ပထမဆုံး ၉၄ လမ်းရှိ ဟိန္ဒူဘုရားကျောင်းသို့သွားရောက်ရာ ဘုရားကျောင်း ဥက္ကဌ ဦးရဂူးနေမြင့်နှင့် အဖွဲ့က လည်းကောင်း၊ အထက်ပန်းဆိုးတန်းလမ်းရှိ စိန့်အန်ထော်နီခရစ်ယာန်ဘုရားကျောင်းသို့ သွားရောက်ရာမှာ  ဘုရားကျောင်း ဥက္ကဌ နှင့် အဖွဲ့က လည်းကောင်း၊  အထက်ပန်းဆိုးတန်းလမ်းရှိ သမိုင်းဝင်တစ်ခြမ်းပဲ့ဗလီဝတ်ကျောင်းတော် သွားရောက်ရာမှာတော့ ဗလီဂေါပကနှင့် အဖွဲ့က လည်းကောင်း၊  ဗိုလ်တထောင် ကျိုက်ဒေးအပ်စေတီတော်သို့သွားရောက်လှည့်လည်ကြည့်ရှုရာမှ  စေတီတော် ဂေါပက အဖွဲ့ တို့ အသီးသီး ကြိုဆို ကျပြီး မိမိတို့ဘာသာအကြောင်းများကို ရှင်းပြခဲ့ကြတယ်သို့ သိရှိရသည်။

တခြမ်းပဲ့ ဗလီသို့ သွားရောက်လေ့လာစဉ် နေ့လည်ဝတ်ပြုချိန်နှင့်တိုက်ဆိုင်နေ၍ ၀တ်ပြုဖိတ်ခေါ်သံနှင့် ၀တ်ပြုခြင်းအစအဆုံးကို လေ့လာခဲ့ကြပြီး သိရှိလိုသည်များကို မေးမြန်းခဲ့ကြရာ သက်ဆိုင်ရာ အစ္စလာမ်ဘာသာမှ တာဝန်ရှိသူများမှ အသေးစိတ် ရှင်းလင်း ဖြေကြားခဲ့တယ်လို့ သိရှိရပါသည်။

လိုက်ပါလာသူ အစ္စလာမ်ဘာသာဝင်မဟုတ်သော ဘာသာအသီးသီးမှ ဆရာတော်များနှင့် လူငယ်များက ၄င်းတို့အမြင်ကို ပြန်လည်တင်ပြကြရာ ၄င်းတို့အပြင်တွင် ကြားနေရသောအကြောင်းအရာများနှင့် မျက်မြင်အခြေအနေတို့မှာ လုံးဝတက်တက်စင် လွဲမှားနေကြောင်းနှင့် အမုန်းစကားဖြန့်ချိမှုများသည် လုပ်ကြံဖန်တီးထားမှုများဖြစ်ကြောင်း၊ ပယောဂတစ်ခုခုပါဝင်နေကြောင်း ရှင်းလင်းထင်ရှားစွာတွေ့ မြင်ရပြီဖြစ်၍ မိမိတို့ကိုယ်တိုင်လည်း မယုံကြည်တော့ကြောင်းနှင့် တခြားသူများကိုလည်း ပြန်လည်ရှင်းပြမည်ဖြစ်ကြောင်း ပြောကြားခဲ့တယ်လို့ သိရပါသည်။

” ယနေ့ကြုံတွေ့လိုက်ရတဲ့ ဘာသာတရားတွေရဲ့ ယုံကြည်မှု ဝတ်ပြုကိုးကွယ်မှုတွေကတော့ အံ့မခန်းပါပဲ အကြားနဲ့ဆုံးဖြတ်မယ်ဆိုရင်တော့ အမှားကြီးမှားပါလိမ့်မယ် အထူးသဖြင့် အစ္စလာမ်ဘာသာတွေရဲ့ အဆောက်အဦးတွေနဲ့ ဝတ်ပြုကိုးကွယ်မှုတွေကို မျက်မြင်ကိုယ်တွေ့ မြင်တွေ့လိုက်ရလို့ပဲ ဦးဇင်းရင်ထဲမှာ အမြင်တွေရှင်းသွားပါပြီ သံသယတွေကင်းသွားပါပြီ ခုလိုလာရောက်လေ့ခွင့်ရတဲ့အတွက်လဲ အစ္စလာမ်ဝင်တွေကို အထူးပဲကျေးဇူးတင်ပါတယ်” ဟု ဦးဇင်းနဂါးမှပြောကြားခဲ့ကြောင်း PCN အဖွဲ့ရဲ့ သတင်းထုတ်ပြန်ချက်မှာ ဖော်ပြထားပါတယ်။

အဆိုပါ ခရီးစဉ်သို့  ဗုဒ္ဓဘာသာမှ ဆရာတော် ၂ ပါး၊ အစ္စလာမ်ဘာသာမှ ဆရာတော် ၂ပါး၊ ခရစ်ယာန်ဘာသာမှ ဆရာတော် ၂ပါး၊ ဟိန္ဒူဘာသာမှ ဆရာတော်၂ပါးတို့လည်း ပါဝင်အားဖြည့်လိုက်ပါခဲ့ကြောင်း သိရသည်။

Photo and ref- PCN FB