ငလျင်ဒဏ်သင့် အီတလီပြည်သူများအတွက် ရောမဗလီကြီးက ရန်ပုံငွေ ရှာဖွေပေး

စက်တင်ဘာ ၂၆၊ ၂၀၁၆
M-Media

Great Mosque of Rome

– ပြီးခဲ့တဲ့လက အီတလီနိုင်ငံအလယ်ပိုင်းမှာ လှုပ်ခတ်ခဲ့တဲ့ အင်အားပြင်းငလျင်ကြောင့် အိုးအိမ် ဆုံးရှုံးသွားသူတွေအတွက် ရန်ပုံငွေရှာဖွေရေး အစီအစဉ်တစ်ခုကို ရောမမြို့ ဂျာမေဗလီဝတ်ကျောင်းတော်ကြီး (Great Mosque of Rome) က ပြုလုပ်ခဲ့တယ်လို့ သိရပါတယ်။

ပြင်းအား ၆.၅ မဂ္ဂနီကျုရှိခဲ့တဲ့ အဲဒီငလျင်ကြောင့် လူပေါင်း ၃၀၀ နီးပါး သေဆုံးခဲ့ပြီး အဆောက်အဦးများစွာလည်း ပြိုကျပျက်ဆီးခဲ့ပါတယ်။

အသက်ရှင်ကျန်ရစ်သူတွေအတွက် လိုအပ်တဲ့အဆောက်အဦးတွေ ပြန်လည် ဆောက်လုပ်နိုင်ရေး ရန်ပုံငွေ ရှာဖွေတဲ့ ဒီအစီအစဉ်ကို လူတိုင်းအတွက် တံခါးဖွင့်ပေးထားပြီး တက်ရောက်တဲ့သူတွေကိုလည်း ဗလီဝတ်ကျောင်းတော်က ငလျင်လှုပ်ခတ်စဉ်အတွင်း အထိနာဆုံးဖြစ်ခဲ့တဲ့ လာမာသရီချေးမြို့က နာမည်ကြီး ခေါက်ဆွဲနဲ့ တည့်ခင်း ဧည့်ခံခဲ့ပါတယ်။

“ကျွန်တော်တို့တွေဟာ ရောင်းရင်းမိတ်ဆွေတွေပါ။ ကျွန်တော်တို့ ဒီမှာ ငြိမ်းချမ်းစွာနေထိုင်ပြီး ငလျင်ဒဏ်ခံစားရသူတွေနဲ့အတူ အနီးကပ် ရပ်တည်ပေးနေပါတယ်။ ကောင်းမွန်တဲ့ အခြေအနေမှာဖြစ်စေ၊ ဆိုးရွားတဲ့ အခြေအနေမှာဖြစ်စေ သူတို့ကို ကျွန်တော်တို့ အမြဲတမ်း ပံ့ပိုးကူညီသွားမှာပါ” လို့ ဗလီဝတ်ကျောင်းတော်ကြီးတဲ့ တာဝန်ရှိသူ ဆာလာဟ် ရာမာဒန် အဲလ်ဆာယဒ်က ပြောကြားခဲ့ပါတယ်။

အဲဒီရန်ပုံငွေရှာဖွေပွဲကို ဘာသာပေါင်းစုံက ခေါင်းဆောင်တွေ တက်ရောက်ခဲ့ကြပါတယ်။

“ဒီနေ့လို အခမ်းအနားမျိုးတွေက မတူညီတဲ့ ဘာသာတရားတွေကို ထဲထဲဝင်ဝင်လေ့လာနိုင်ဖို့ ဆွဲဆောင်နိုင်လိမ့်မယ်လို့ ကျွန်မတို့ မျှော်လင့်ပါတယ်။ ဗလီဝတ်ကျောင်းတော်တွေက တံးခါးတွေပိတ်ထားတယ်ဆိုတာ မမှန်ကန်ပါဘူး။ တံခါးတွေ ဖွင့်ထားပါတယ်” လို့ ရောမမြို့ ဘာသာပေါင်းစုံချစ်ကျည်ရေးဘုတ်အဖွဲ့က တာဝန်ရှိသူ ပါအိုလာ ဂါဘရီယဲလီက ပြောကြားခဲ့ပါတယ်။

ငလျင်ဒဏ်ကြောင့် အိုးအိမ်စွန့်ခွာခဲ့ရတဲ့ လူပေါင်း ၃၀၀၀ အနက် ၂၅၀၀ လောက်ဟာ အလွန်အေးခဲတဲ့ ရာသီဥတုကို အန်တုကာ ယာယီတဲတွေမှာ နေထိုင်နေရပြီး၊ အခြေခံလိုအပ်ချက်တွေရရှိဖို့နဲ့ ဂုဏ်သိက္ခာရှိစွာ အသက်ရှင်ရပ်တည်ဖို့ လိုအပ်နေတယ်လို့ အီတလီအစိုးရက ထုတ်ပြန်ထားပါတယ်။

Ref: PressTV